Hibru 11:3 - Vengo (Babungo)

³ Lùu nu məbiŋ faŋ nsiŋ kɨɨ laa Nwi nə bɔ̀ŋ mbi sheꞌ nə yigisə yi. Ŋwə nə gì nu, vətɔ kɨ nii lùu shɔ. Nɨniŋ, vətɔ faŋ wə ye nə yisɨ taa mbi nyə̀, mbə nə fùu sheꞌ fɨ taa yigi, faŋ kaꞌ wə kee bee ye yigi yɔ́ me.

Hibru 11:3 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:3

Vətɔ vənshə fɨ mbi nə fùu fɨ maa yigi yɔ́. Tuu fa kee lùu shɔ faŋ ŋkə nə kee fùu fɨ maa yigi yɔ́ me.

Akts 14:15

«Viŋ sii yɨsə nee buꞌ kə? Yia luu sheꞌ vɨɨ yaa viŋ. Luu nə, yia jwi nə ntɔŋ yijəə tɨ́ viŋ, laa viŋ kiasə yiŋwaa yiŋ fɨ maa vənu vədayday və̀, bìŋ Nwi yinsəŋ faŋ ŋwə bɔ̀ŋ yizɔ nə nsi nə mamuu nə vətɔ vənshə faŋ mbə lùu shɔ nə.

Akts 17:24

Nwi ŋgwə faŋ ŋwə nə bɔ̀ŋ mbi nə vətɔ vənshə fɨ taa mbi, lùu tɨɨ yizɔ nə tɨɨ shɨ nsi. Kaꞌ ŋwə kee shì taa ŋii faŋ fìa vɨɨ nə ghɔ vəŋ me.

Roma 4:17

Ŋkə fàynə maa nu ŋkɨə faŋ ŋkə lùu taa ŋwaꞌlə Nwi, faŋ Nwi gì tɨ́ Abraham laa, «Mə nùŋsə ghɔ laa a ndɔ luu tɨɨ məshɨ məyaŋ.» Nɨniŋ, ŋwə gù tii ŋwaa-nsiŋ vənshə vɨsɨ Nwi, faŋ ŋwə nə nùŋ fwi yi maa Nwi laa Nwi yweysə vəŋku və nsisə, yɨ̀sə laa vətɔ faŋ mbə nə kee lùu shɔ me, luu shɔ.

1 Kɔrintian 2:7

Nu tɔ-ley ŋkɨə faŋ yia gisə nə, luu ŋkee nu tɔ-ley Nwi, faŋ wə mənsaw nə kee ta yiye me. Ŋkee fɨshi, faŋ Nwi nə kee ta zì kɨ bɔŋ mbi me, Nwi nə duꞌtə Nwi tə nu tɔ-ley kɔ́, tɨ́ kaꞌ nsiŋ vɨ vəŋ ndɔ luu mɔ́ꞌ taa yikwalə yi.

1 Timoti 4:5

Mbə lùu vəjəə, baa lèy tɨ́ Nwi buꞌ yigisə Nwi, baa nə məshɔꞌtə Nwi, faŋ vɨɨ shɔꞌtə Nwi shɔ nə.

Hibru 1:2

Maa yighee ndwə, faŋ lùu yighee yiba, ŋwə gi yigi tɨ́ nsiŋ, nyə shɔɔ fɨ ghɔ ŋwiŋ wi. Nə luu ghɔ ŋwiŋ wi ghɔ́ faŋ Nwi nə bɔ̀ŋ mbi. Nwi nə baa shòꞌ ŋwə laa kìi ŋwə kìi vətɔ vənshə.

Hibru 6:5

zɔ̀ yigisə Nwi yisɨꞌsə, kɨɨ nə wutə ŋkɨə faŋ ŋkə ndɔ luu shɔ taa mbi yifi nə,

2 Pita 3:5

Vɨɨ vɔ́ faŋ vəŋ gisə nɨniŋ nə, vəŋ manə nu kəmuꞌ, laa yizɔ nə nsi yimɔ́ꞌ nə luu shɔ ŋkee fɨshi. Maa yighee yɔ́ Nwi nə gì laa nsi yɔ́ fuu fɨ maa muu. Nsi yɔ́ kɨ nii fùu fɨ maa muu.

Reveleyshən 4:11

«Tɨta, Nwi wia, a kùꞌnə tɨ́ kaꞌ vətɔ vənshə kɨ bəŋsə ghɔ, kɔ̀ feenə tɨ́ ghɔ. A kìi wutə kənshə, fɔnə nə bɔ̀ŋ ghɔ bɔ̀ŋ vətɔ vənshə. Mbə nə fùu taa mbi, kɨ nii lùu shɔ, buꞌ faŋ nə gì ghɔ nɨniŋ.»