Hibru 11:13 - Vengo (Babungo)

¹³ Vɨɨ ywaŋ-vɨsɨ vɔ́ vənshə nə nùŋ fwisə vəŋ maa Nwi, gə ziꞌ maa shi yiku vəŋ. Vənu mbɨə faŋ Nwi nə kɔ̀ꞌnə maa məkɔ tɨ́ vəŋ, nə kee ziꞌ ghɔ vəŋ me. Vəŋ nə yè vənu vɔ́ sheꞌ fɨ ntaŋ, ŋàytə shɔ, biŋ ntee laa vəŋ luu sheꞌ vəndɔ shɨ nsi nyə̀.

Hibru 11:13 ပူးပေါင်းရင်းမြစ်များ

Matiu 13:17

Viŋ zɔ! Mə gi ŋkee nu yinsəŋ tɨ́ viŋ laa nshiisə-ŋii sɔghɔ vəyaŋ ghɔ vɨ vɨɨ mbɨə faŋ vənu vəvəŋ nə luu vəloomə, nə kìi fwi maa məye nu ŋkɨə faŋ viŋ ye, kee ye me, baa kìi fwi maa məzɔ nu ŋkɨə faŋ viŋ zɔ, kee zɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:41

Aysaya nə gì vənu vɔ́ buꞌ laa ŋwə nə kɨ̀ɨ nə yikwalə Yeso. Ŋwə nəə gisə vənu vɔ́ kɔ̀ŋ Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:56

Tii wiŋ Abraham nə kɨ̀ꞌ maa məye shi məbi kaŋ nə məŋaytə. Ŋwə nə ye, ŋàytə ŋkee dɨdɨꞌ.»

Roma 4:21

Ŋwə nəə kɔꞌ kɨɨ laa Nwi kìi wutə maa məyɨ nu ŋkɨə faŋ ŋwə nə kɔ̀ꞌnə nə.

Roma 8:24

Ŋwə duꞌtə ŋwə bweysə nsiŋ, laa nsiŋ kɨ kɨꞌ vətɔ fɨ yizɔ. Nəə toꞌ lùu laa nsiŋ duꞌtə nsiŋ ye vətɔ vɔ́ fɨ yizɔ nə, buu nsiŋ kee baa kɨ kɨꞌ me. Wə faŋ ŋwə yè fa, baa kɨ kɨꞌ fa kɔ́ kɨkə?

2 Kɔrintian 4:18

Ŋkə lùu nɨniŋ buꞌ faŋ nsiŋ kee tə̀ sɨ maa vətɔ mbɨə faŋ kaꞌ wə yè me; nsiŋ tə̀ sɨ luu maa vətɔ mbɨə faŋ kaꞌ wə kee ye me. Lùu nɨniŋ buꞌ laa vətɔ mbɨə faŋ vɨ ye, kee yaa kɨ shi tay me. Luu nə, vətɔ mbɨə faŋ vɨ kee yiye me, gòꞌsə yighee muꞌ.

2 Kɔrintian 5:6

Nɨniŋ, nsiŋ jia fwi ghee nshə, kɨ kɨɨ laa yighee njyə faŋ nsiŋ kɨ bii shi taa yiŋwaa nyaa-nsiŋ yɔ́ shɨ nsi nyə̀, nsiŋ lùu ntaŋ fɨ yɨ Mɔꞌmbi,

Efesɔs 2:19

Nɨniŋ, viŋ kee baa lùu vəndɔ me, viŋ kɨ nii lùu mbinə-mbinə taa ŋwaa vɨɨ ley Nwi, baa lùu vɨɨ ŋiꞌ ŋii Nwi.

Hibru 11:14

Maa vɨɨ faŋ vəŋ gì laa vəŋ lùu vəndɔ shɨ nsi, də̀ tɨ́ vɨɨ ntee laa vəŋ kəə shəŋ mɔ́ꞌ faŋ lùu shɨ vəŋ.

Hibru 11:17

Abraham nə baa luu nùŋ fwi yi maa Nwi maa yighee njyə faŋ Nwi nə mɔŋ ŋwə, gì laa ŋwə taa ndi Isak, faŋ nə luu sheꞌ yigɨꞌ ŋwiŋ wi nə, kɔ̀ Nwi shɔ. Abraham biŋ, kɨ kəə kɔ, faŋ Nwi nə kɔlə kɔ̀ꞌnə ŋwə fɨshi laa,

Hibru 11:27

Ŋwə nə baa luu nùŋ fwi yi maa Nwi, faŋ ŋwə nə fùu fɨ shɨ Ijip, kee fèe məshəsə fwàŋ Farao me. Ŋwə nə kà fwi yi yaa wə faŋ ŋwə ye Nwi, faŋ kaꞌ wə mənsaw kee yiye me.

Hibru 11:39

Vɨɨ vɔ́ vənshə nə yɨsə fwi Nwi baw, buꞌ laa vəŋ nə nùŋ fwisə vəŋ maa Nwi. Luu nə, vəŋ nə kee ta yè nu ŋkɨə faŋ Nwi nə kɔ̀ꞌnə maa məkɔ tɨ́ vɨɨ nə me.

1 Pita 1:1

Lùu mə Pita, wuu ntɔŋ Yeso Kristo, faŋ mə tɔŋ ŋwaꞌlə ŋwə̀ tɨ́ viŋ, vɨɨ Nwi faŋ viŋ sàykə taa məshɨ mə Pɔntɔs nə Galatia nə Kapadosia nə Asia nə Bitinia.

1 Pita 1:17

Viŋ tii Nwi nə Tii wiŋ, faŋ ŋwə shoꞌtə vənu və vɨɨ faŋ vəŋ yɨsə tɔ tɔ, kee nə fəntɔ-fə-yisɨ me. Nɨniŋ, bàw laa viŋ kɨ toꞌ ghuu yitoꞌ kiŋ maa yighee faŋ viŋ lùu vəndɔ mbi nə feenə.

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

1 Jɔn 3:19

Kaꞌ nsiŋ kɔꞌ kɨɨ laa, nsiŋ lùu vɨɨ məbiŋ nu yinsəŋ. Kaꞌ fwi saŋ-nsiŋ kee kɨ lɔꞌ vɨsɨ Nwi me.