Hibru 11:1 - Vengo (Babungo)

¹ Nu məbiŋ Nwi sii lùu kɨkə? Ŋkə lùu laa wə nuŋ fwi yi maa nu ŋkɨə faŋ ŋwə kɨꞌ laa ŋkə ndɔ jwi, baa nə laa ŋwə kɔꞌ kɨɨ fɨ taa fwi ŋwə laa nu faŋ ŋwə kee ta yiye me, lùu shɔ maa yinsəŋ.

Hibru 11:1 ပူးပေါင်းရင်းမြစ်များ

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

1 Kɔrintian 13:13

Vənu lùu shɔ vətia faŋ kaꞌ mbə kee ndɔ mè me. Nu kəmuꞌ lùu laa nsiŋ kɨ nuŋ fwi saŋ-nsiŋ maa Nwi. Nu mɔ́ꞌ lùu məbwey vəlwaŋ faŋ nsiŋ kɨꞌ fɨ ghɔ Nwi nə. Nu lwesə vətia luu ŋkawnə. Fɨ maa vənu və̀ vətia nə, nu ŋkawnə kwàlə shɔ̀ɔ vənu vɔ́ vənshə.

2 Kɔrintian 11:17

Nu ŋkɨə faŋ mə kəə gi ndwə, mə kee gi maa jɨɨ tɨta Yeso me, mə gì sheꞌ yaa ŋkɔmə wə, buꞌ vɨɨ mbɨə faŋ vəŋ nùŋ fwisə vəŋ maa nu məbəŋsə yiŋwaa nə.

2 Kɔrintian 4:18

Ŋkə lùu nɨniŋ buꞌ faŋ nsiŋ kee tə̀ sɨ maa vətɔ mbɨə faŋ kaꞌ wə yè me; nsiŋ tə̀ sɨ luu maa vətɔ mbɨə faŋ kaꞌ wə kee ye me. Lùu nɨniŋ buꞌ laa vətɔ mbɨə faŋ vɨ ye, kee yaa kɨ shi tay me. Luu nə, vətɔ mbɨə faŋ vɨ kee yiye me, gòꞌsə yighee muꞌ.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

2 Kɔrintian 5:7

buꞌ laa nsiŋ toꞌ ghuu yitoꞌ kaŋ-nsiŋ, biŋ Kristo, luu nə, kee ta yè ŋwə nə yisɨ me.

2 Kɔrintian 9:4

Kee bàw laa yighee njyə faŋ yia vɨɨ Makedonia vəmɔ́ꞌ jwì, vəŋ ye laa viŋ kee ta bàytə mbiŋ vətɔ me, buu tɔ kia taa dɨɨ, buꞌ laa yia nə nùŋ fwi sia maa viŋ. Kaꞌ ŋkee tɔ kiŋ taa dɨɨ shɔ nɨzi.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Taytəs 1:1

Lùu mə, Pɔɔl, wuu faꞌ Nwi, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Taytəs. Mə lùu wuu ntɔŋ Yeso Kristo, faŋ mə fɨꞌtə nu Nwi tɨ́ vɨɨ mbɨə faŋ Nwi nə shòꞌ maa mbii vɨɨ nə, laa vəŋ nuŋ fwisə vəŋ maa Kristo, baa kɨ̀ɨ nə nu yinsəŋ Nwi, faŋ ŋkə yɨsə vɨɨ bəŋsə Nwi.

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 10:39

Gə fɨ maa nsiŋ, nsiŋ kee lùu kəŋ vɨɨ vɔ́ faŋ vəŋ taa bəŋ suꞌtə ghuu vəŋ nə, kɨ nii yindi me. Nsiŋ bee kɨ kii biŋ nu Kristo, buu ndɔ zɨ məbwey vəlwaŋ.

Hibru 11:13

Vɨɨ ywaŋ-vɨsɨ vɔ́ vənshə nə nùŋ fwisə vəŋ maa Nwi, gə ziꞌ maa shi yiku vəŋ. Vənu mbɨə faŋ Nwi nə kɔ̀ꞌnə maa məkɔ tɨ́ vəŋ, nə kee ziꞌ ghɔ vəŋ me. Vəŋ nə yè vənu vɔ́ sheꞌ fɨ ntaŋ, ŋàytə shɔ, biŋ ntee laa vəŋ luu sheꞌ vəndɔ shɨ nsi nyə̀.

Hibru 11:27

Ŋwə nə baa luu nùŋ fwi yi maa Nwi, faŋ ŋwə nə fùu fɨ shɨ Ijip, kee fèe məshəsə fwàŋ Farao me. Ŋwə nə kà fwi yi yaa wə faŋ ŋwə ye Nwi, faŋ kaꞌ wə mənsaw kee yiye me.

Hibru 11:7

Gə fɨ maa Noa, yighee njyə faŋ ŋwə nə zɔ̀ nu ŋkɨə faŋ Nwi nəə kəə yɨsə, ŋwə nuŋ fwi yi maa Nwi, faŋ ŋwə nə kee bee kɔlə yè nu kɔ́ nə yisɨ nə me. Ŋwə nə biŋ, zɔ̀nə Nwi, kɔŋ ŋkee bay kwalə, tɨ́ kaꞌ ŋwə ndɔ ŋii tey yi ghɔ vɨ vɨɨ vi, bwèy fɨ ghɔ muu. Faŋ ŋwə nə yɨ̀ nɨniŋ nə, ŋwə də tɨ́ vɨɨ laa nsɔꞌ Nwi ndɔ luu tɔ vəŋ. Ŋwə baa luu gù wə faŋ Nwi nə ndi ŋwə yaa wuu loomə, buꞌ laa ŋwə nə nùŋ fwi yi maa Nwi.

Hibru 2:3

Faŋ ŋkə lùu nɨniŋ nə, gə̀ fɨ maa nsiŋ, faŋ nsiŋ zɔ ntɔŋ yimɔ́ꞌ faŋ nyə kwàlə shɔ̀ɔ, kɔ̀ jɨɨ məbwey vəlwaŋ tɨ́ vɨɨ, sii kaꞌ nsiŋ fùu fɨ taa nsɔꞌ kɨkə, faŋ nsiŋ kee zɔnə ntɔŋ yinjii me? Ntɔŋ yɔ́ nə fɔŋ fùu taa mbi faŋ tɨta Yeso nə fɨ̀ꞌtə tɨ́ vɨɨ nə. Vɨɨ mbɨə faŋ vəŋ nə zɔ̀ ntɔŋ yɔ́, lèsə tɨ́ nsiŋ laa lùu nu yinsəŋ.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Hibru 6:12

Yia kee kəə laa viŋ kɨ bəə ŋay me, yia kəə laa viŋ kɨ beꞌsə vɨɨ mbɨə faŋ vəŋ nùŋ fwisə vəŋ maa Nwi, twèꞌ shɔ, tɨ́ kaꞌ vəŋ ndɔ zɨ məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ vi nə.

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.