Hibru 10:31 - Vengo (Babungo)

³¹ Lùu nu ŋwaa nyɔɔtə tɨ́ wə ntɨə faŋ ŋwə ŋìi nsɔꞌ Nwi, faŋ lùu Nwi bwey.

Hibru 10:31 ပူးပေါင်းရင်းမြစ်များ

Matiu 10:28

Kɨ viŋ kɨ fee vɨɨ mbɨə faŋ kaꞌ vəŋ zwìlə yiŋwaa yiŋ, kee kɨɨ zwi zwitə kiŋ me. Viŋ fee sheꞌ Nwi faŋ kaꞌ ŋwə zwì zwitə kiŋ nə ŋwaa wiŋ maa shəŋ vəŋku və nsisə vəbwəvə taa wi.

Matiu 16:16

Saymon Pita gi laa, «A luu Kristo, baa luu Wee Nwi yinsəŋ.»

Lukas 12:5

Mə taa tɨ viŋ nə wə ntɨə faŋ kaꞌ viŋ kɨ fee. Bàw viŋ kɨ fee Nwi, faŋ kaꞌ ŋwə zwì wə, baa kìi wutə maa məkwaŋ ŋwə taa wisə bwənə. Yinsəŋ, mə gì tɨ́ viŋ laa viŋ kɨ fee Nwi.

Lukas 21:11

Nsi kɨ nəꞌnə nəŋay maa vəshəŋ vəyaŋ. Jɨŋ nə vəza vəbwəvə ŋii vɨɨ vəshəŋ vəshəŋ. Vənu ndɔ fuu faŋ mbə yɨsə nduŋ sɨɨ vɨɨ. Vəshwenə vəkwalə baa fuu fɨ yizɔ.

Akts 13:11

Wutə Mɔꞌmbi taa jia ghɔ ndee, sɨ ghə fɨ. Maa kuŋtə yighee, a kee baa yè shɨshwi me.» Sheꞌ yighee yɔ́ mfiŋsə gu sɨ ŋwə, ŋwə toꞌ kə̀ə vɨɨ yuu vɨ jia kwiŋ wi, də̀ jɨɨ tɨ́ ŋwə.

2 Kɔrintian 5:11

Nɨniŋ, yia faꞌ nə wutə maa məyɨsə laa vɨɨ biŋ nu Nwi, buꞌ laa yia fee Nwi. Nwi kɨɨ nə fwi sia laa yia faꞌ nɨniŋ nə fwi yiley. Mə baa bɨꞌtə laa viŋ kɨ̀ɨ nɨniŋ nɨzi.

Hibru 10:27

Kəŋ wə ghɔ́ faŋ ŋwə yɨ̀ nɨniŋ, ŋwə duꞌ nə məfee, kɨ kɨꞌ, nsɔꞌ Nwi yiweꞌ ndɔ luu tɔ ŋwə, wisə faŋ ŋwə kɨɨ, ndɔ twaŋ ŋwə ghɔ vɨ vɨɨ mbeenə Nwi vənshə.

Hibru 12:29

buꞌ laa Nwi ŋwaa-nsiŋ lùu yaa wisə, faŋ ŋwə twaŋ vətɔ vənshə.

Hibru 3:12

Vaŋ-nshwi vaŋ, viŋ kɨ ndɨɨnə laa, kɨ wə luu taa ŋwaa viŋ faŋ ŋwə kìi fwi yibwə faŋ nyə kee bìŋ Nwi me, faŋ ŋwə ndɔ meꞌtə Nwi me. Nwi lùu wuu bwey.