Hibru 10:29 - Vengo (Babungo)

²⁹ Faŋ ŋkə lùu nɨniŋ nə, viŋ kɔꞌ kɨɨ laa nsɔꞌ wə ntɨə faŋ ŋwə ndasə ŋkee wee Nwi, weꞌ shɔ̀ɔ. Kəŋ wə ghɔ́ ndì yiku Yeso, faŋ Nwi nə gwìa məkee shɔ tɨ́ nsiŋ nə, yaa nu dayday, baa shiasə Zwitə Nwi faŋ ŋkə jwi nə mənɔŋ-bwaŋnə nə. Nsɔꞌ kəŋ wə ghɔ́ weꞌ shɔ̀ɔ.

Hibru 10:29 ပူးပေါင်းရင်းမြစ်များ

Hibru 6:6

kɨ ghaŋ laa kəŋ wə ghɔ́ faŋ ŋwə kɨ̀ɨ nə vənu vɔ́ nə, baa kìasə fwi yi, twèy vənu vɔ́, buu jɨɨ kee baa lùu shɔ tɨ́ ŋwə, laa ŋwə baa kwiinə fwi yi, nùŋ maa Nwi me. Lùu nɨniŋ buꞌ laa, kəŋ wə ghɔ́ gù wə faŋ ŋwə baa bèy Wee Nwi fuu fəŋkɔꞌ fə ŋkɨꞌsə, baa shìasə ŋwə ntee.

Efesɔs 4:30

Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ.

1 Kɔrintian 11:27

Buꞌ nɨniŋ, wə kɨ luu zɨ fazɨ Mbɔŋ, ndɔ baa nù məluꞌ faŋ lùu məluꞌ mə tɨta Kristo, yɨsə maa jɨɨ faŋ nyə kee yikuꞌnə me, ŋkə də̀ laa ŋwə shiasə ŋwaa tɨta Kristo nə mənshi mi.

Lukas 12:10

Wə tɨ̀ me wə faŋ ŋwə gì bwə kɔ̀ŋ Wuu yinsəŋ Nwi, buu vɨ ndɔ ndenə yibɨsə yi tɨ́ ŋwə. Gə fɨ maa wə faŋ ŋwə nə ndà Zwitə Ley Nwi, kaꞌ vɨ kee ndɔ baa ndenə nu bwə ki kɔ́ me.

Hibru 2:3

Faŋ ŋkə lùu nɨniŋ nə, gə̀ fɨ maa nsiŋ, faŋ nsiŋ zɔ ntɔŋ yimɔ́ꞌ faŋ nyə kwàlə shɔ̀ɔ, kɔ̀ jɨɨ məbwey vəlwaŋ tɨ́ vɨɨ, sii kaꞌ nsiŋ fùu fɨ taa nsɔꞌ kɨkə, faŋ nsiŋ kee zɔnə ntɔŋ yinjii me? Ntɔŋ yɔ́ nə fɔŋ fùu taa mbi faŋ tɨta Yeso nə fɨ̀ꞌtə tɨ́ vɨɨ nə. Vɨɨ mbɨə faŋ vəŋ nə zɔ̀ ntɔŋ yɔ́, lèsə tɨ́ nsiŋ laa lùu nu yinsəŋ.

Akts 7:51

(Stefen nə gì yigi yɔ́ tɨ́ vəŋ, baa gi laa lee,) «Aŋ viŋ, vɨɨ tɔ shii faŋ vɨ nə kee sɨ̀ɨtə fwi yiŋ nə tuulə ghiŋ me. Viŋ twey nu Zwitə Ley Nwi sheꞌ faŋ vətɨɨ viŋ nə yɨ̀sə nə.

Hibru 12:25

Nɨniŋ, viŋ kɨ ndɨɨnə laa kɨ viŋ twey Nwi faŋ ŋwə gì tɨ́ viŋ nə me. Viŋ lumə vɨɨ Isirayl fɨ ywaŋ-vɨsɨ, vəŋ nə twèy Nwi faŋ vəŋ nə zɔ̀ yigisə Nwi fɨ shuu wə taa mbi nyə̀. Luu nə, nsɔꞌ Nwi jia vəŋ, vəŋ kee kìi jɨɨ mənyɨŋ me. Gə fɨ maa nsiŋ, nsiŋ zɔ yigisə Nwi fɨ shuu wə faŋ ŋwə nə ndɔ̀ fɨ yizɔ. Nsiŋ kɨ luu kɨ twey yigisə yi, buu kaꞌ nsiŋ taa nyɨŋ kɨkə, faŋ vɨɨ vɔ́ nə kee bee yinyɨŋ nə me.

Hibru 9:13

Yighee vɨsɨ vɨɨ nəə ndi mənshi mə bi nə nyaa, nə vəbu və nyaa-ndaw faŋ vɨ twaŋ, kwitə maa vɨɨ faŋ vəŋ nə kee lùu vəley vɨsɨ Nwi me, buu vəŋ kɨ nii lùu vəley.

1 Kɔrintian 11:29

Viŋ kɔꞌ kɨɨ laa wə ntɨə faŋ ŋwə zɨ̀ fazɨ Mbɔŋ, nù fɨ taa ndaw Kristo nə fwi yibwə, buu ŋwə tii nsɔꞌ Nwi tɔ ŋwə, buꞌ laa ŋwə kee kɨ̀ɨ nə ŋiꞌ yiku tɨta Kristo me.

Hibru 6:4

Viŋ kɔꞌ kɨɨ laa, wə kɨ luu kɨ̀ɨ nə nu Nwi, kɨ̀ɨ nə Yeso, wuu məbweysə ŋwaa-nsiŋ, baa fì Zwitə Ley Nwi,

Hibru 2:11

Yeso yɨsə vɨɨ duꞌ vəley vɨsɨ Nwi. Vɨɨ mbɨə faŋ Yeso yɨ̀sə vəŋ duꞌ vəley nə, ghɔ nshɨ-tɔ Yeso kìi Tɨɨ vəŋ muꞌ. Lùu ŋiꞌ nu ŋkɨə faŋ Yeso tii vəŋ nə vaŋ-nshwi vi. Tɔ ki kee dɨ̀ɨ shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:19

Mə kɔ ŋwaa ŋwaa tɨ́ ghɔ nshə, laa mə baw shɨlə buꞌ vəŋ, tɨ́ kaꞌ vəŋ baa luu kɔ yiŋwaa yivəŋ tɨ́ ghɔ, bàw shɨlə, buꞌ faŋ vəŋ kɨɨ nə nu ŋkɨə faŋ lùu nu yinsəŋ.

Matiu 7:6

Kɨ viŋ kɔ kweꞌ-Nwi tɨ́ busə me, kee kɨ mɔꞌ vətɔ və me viŋ tɨ́ vəŋkwinyaa me, buꞌ vəŋ jeꞌtə nsi, kìasə ŋwaa maa məkwə viŋ.»

Hibru 13:20

Nwi faŋ ŋwə kɔ məduꞌ-nyɔŋ ywèysə tɨta ŋwaa-nsiŋ Yeso Kristo fɨ shɨ yiku. Yeso luu nshii nyaa-nsiŋ faŋ ŋwə shii vɨɨ vənshə. Nə luu mənshi mə Yeso faŋ Nwi nə ndì, yɨ̀sə laa məkee mbɨə faŋ Nwi nə kɔ̀ꞌnə tɨ́ nsiŋ nə, weꞌ gòꞌsə yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:36

Nɨniŋ, sii yɨ̀ kə viŋ gi laa mə ndà Nwi, buꞌ faŋ mə gì laa mə faŋ Tii ŋwaa nə shòꞌ mə, baa tɔ̀ŋ mə taa mbi nyə̀, mə lùu Wee Nwi.

Hibru 9:20

Faŋ ŋwə nə fɔ̀ꞌ mənshi mbɔ́ maa vɨɨ nə, ŋwə gi nə gɨ yishaꞌsə laa, «Lùu mənshi mbɨə faŋ Nwi gwìa məkee shɔ tɨ́ viŋ.»

1 Kɔrintian 15:25

Maa yighee yɔ́, ndɔ sɔꞌ Kristo sɔꞌ mbi yaa fwàŋ, gə ziꞌ tɨ́ yighee njyə faŋ Nwi ndɔ ghɔꞌ vɨɨ mbeenə Kristo vənshə, kɔ vəŋ ghɔ ŋwə, yuu vɨ nyɔ̀ꞌ taa ŋwaꞌlə Nwi.

Roma 16:20

Nwi faŋ ŋwə kɔ məduꞌ-nyɔŋ tɨ́ vɨɨ nə, taa fiitə tɨɨ vəzwitə vəbwəvə Satan ŋiꞌ ghuu viŋ, ŋkə kee baa luu ntaŋ me. Tɨta ŋwaa-nsiŋ Yeso tu mənɔŋ-bwaŋnə tɔ viŋ!

Matiu 26:28

lùu mənshi maa nə, faŋ vɨ tù buꞌ vɨɨ vənshə maa məndisə yibɨsə vəŋ. Lùu məkee məfimə faŋ Nwi gwìa tɨ́ viŋ.

1 Kɔrintian 15:27

Ŋkə ndɔ luu sheꞌ faŋ vɨ nə nyɔ̀ꞌ taa ŋwaꞌlə Nwi laa, «Nwi nùŋsə vənu vənshə taa ghɔ ŋwə.» Faŋ vɨ nə nyɔ̀ꞌ laa, vənu vənshə ndɔ luu taa ghɔ ŋwə nə, maa ŋkə lùu kəley laa nshɨ-tɔ Nwi faŋ ŋwə nùŋsə vənu vənshə taa ghɔ Kristo, kee bee lùu taa ghɔ ŋwə me.

Mark 7:2

ye laa vɨɨ vəmɔ́ꞌ fɨ taa ŋwaa vɨɨ məzwetə nu Yeso zɨ nə ghɔ faŋ vəŋ kee yisɔ me.

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

Efesɔs 5:26

Nɨniŋ laa ŋwə yɨ̀sə vəŋ ley tɨ́ Nwi. Ŋwə nə sɔ̀ yibɨsə vəŋ fɨ maa vəŋ, faŋ ŋwə nə kɔ̀ yigisə Nwi nə muu mə Nwi tɨ́ vəŋ.

Hibru 4:14

Nsiŋ tɨŋ sheꞌ maa nu ŋkɨə faŋ nsiŋ bìŋ yikəꞌ vɨɨ nə, buꞌ laa wuu kwalə məfeꞌ Nwi lùu shɔ, faŋ ŋwə tɨ̀ŋ tɔ nsiŋ. Wuu kwalə məfeꞌ Nwi ghɔ́ lùu Yeso, wee Nwi, faŋ ŋwə nə koꞌ gə̀ yɨ Nwi yizɔ.

Hibru 10:10

Lùu nu ŋkɨə faŋ ŋkə yɨ̀sə laa nsiŋ ley vɨsɨ Nwi. Nsiŋ lùu vəley buꞌ laa Yeso Kristo nə yɨ̀sə nu ŋkɨə faŋ Nwi kəə laa ŋwə yɨ. Ŋwə nə kɔ̀ ŋwaa wi yaa ndey tɨ́ Nwi, kù tɔ nsiŋ yighee muꞌ.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,