Hibru 10:25 - Vengo (Babungo)

²⁵ Kɨ nsiŋ goꞌ fɨ maa nshəŋtə nyaa-nsiŋ me, faŋ vɨɨ mɔ́ꞌ yaa kɨ goꞌ nə. Nsiŋ bee kɨ kii kwaŋ wutə maa yiŋwaa nyaa-nsiŋ, nsiŋ nsiŋ, ŋkee maa yighee njyə faŋ nsiŋ kɔꞌ kɨɨ laa shi ŋkɨə faŋ Tɨta ŋwaa-nsiŋ ndɔ bəŋ jwi shɔ nə, lùu nshənə.

Hibru 10:25 ပူးပေါင်းရင်းမြစ်များ

Matiu 10:15

Mə naysə nu yinsəŋ tɨ́ viŋ laa, nsɔꞌ njyə faŋ nyə ndɔ jia ntɨꞌ yɔ́, weꞌ shɔ̀ɔ njyə shɨ Sodom ghɔ shɨ Gomora maa shi məshia nsɔꞌsə ŋkə yiba.»

Matiu 18:20

Lùu nɨniŋ buꞌ laa shəŋ tɨ̀ me shəŋ faŋ vɨɨ dùꞌ shɔ vəbɔɔ, tɨꞌnə me vətia, maa yizii nyaa, buu mə taa luu taa ŋwaa vəŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:48

Luu nə, wə ntɨə faŋ ŋwə twèy mə, kee biŋ nu ŋkɨə faŋ mə gisə me, buu wuu məkwaŋ ŋwə taa nsɔꞌ shɔ. Lùu yigisə nyaa faŋ mə nə gì, faŋ nyə ndɔ kwaŋ ŋwə taa nsɔꞌ maa vəshi vəndwə.

Akts 16:16

Shi mɔ́ꞌ faŋ vəŋ nə gə̀ maa shəŋ məshɔꞌtə Nwi, vəŋ faynə jɨɨ ghɔ vɨ wee-wəzwi mɔ́ꞌ faŋ nə luu buꞌ. Ŋwə nə kìi zwitə kəmɔ́ꞌ faŋ ŋkə nəə yɨsə ŋwə fəə mfisə tɨ́ vɨɨ, naysə vənu faŋ mbə taa buu gày. Nɨniŋ, ŋwə nəə baytə ka ŋkee yaŋ tɨ́ vɨɨ mbɨə faŋ vəŋ nə kii ŋwə.

Akts 2:1

Shi zwisə Pentekos kuꞌ, vɨɨ Yeso vɔ́ vənshə baa baytə shəŋ muꞌ.

Akts 2:42

Vəŋ kɨ nii yiduꞌ, kɨ zɔ nu ŋkɨə faŋ vɨɨ ntɔŋ Yeso deesə tɨ́ vəŋ, baa luu biŋ, ndɔ zɨ fazɨ Mbɔŋ, ndɔ shɔꞌtə Nwi.

Akts 20:7

Kɨ luu maa shi vɨsɨ faŋ yiwiŋ zì, yia faynə shəŋ muꞌ, yia vɨ vɨɨ məbiŋ nu Kristo maa məbɨꞌtə bee, Pɔɔl gi ghɔ vɨ vəŋ, buꞌ laa ŋwə nəə kəə ndɔ̀, faŋ fu taa lee. Nɨniŋ, ŋwə gi yigi zìꞌ nɨntəŋ vətuꞌ.

Roma 12:8

Wə ntɨə faŋ Nwi kɔ̀ wutə tɨ́ ŋwə maa mətɨsə vɨɨ, bàw ŋwə kɨ tɨsə vɨɨ. Wə ntɨə faŋ ŋwə gaŋtə vɨɨ ŋɨꞌ, kɨ yɨsə nɨniŋ nə fwi yimuꞌ. Wə ntɨə faŋ ŋwə ndeynə nshəŋtə vɨɨ Kristo, kɨ faꞌ faꞌ ghɔ́ nə wutə. Wə ntɨə faŋ ŋwə gaŋtə vɨɨ, kɨ yɨ nɨniŋ nə məsaylə.

1 Kɔrintian 11:20

Mə baa zɔ laa yighee njyə faŋ viŋ yaa kɨ baytə shəŋ muꞌ maa məzɨ fazɨ, kee lùu fazɨ Nwi faŋ viŋ zɨ me.

1 Kɔrintian 14:23

Faŋ viŋ, vɨɨ Nwi, shəŋtə shəŋ muꞌ, wə tɨ̀ me wə tey kɨ gisə təghaŋ nɨŋkwiŋ nɨŋkwiŋ faŋ kɔ̀ Zwitə Nwi tɨ́ ŋwə, wə mɔ́ꞌ kɨ nii jwì, faŋ ŋwə kee ta kɨ̀ɨ nə nu Nwi me, tɨꞌnə me bìŋ nu Kristo me, wə ghɔ́ kɨ jwì, ŋìi shəŋ ŋkɨə faŋ viŋ bàytə shɔ, kɨ gisə təghaŋ nɨŋkwiŋ nɨŋkwiŋ nə, buu wə ghɔ́ taa kɨ bɨꞌtə laa viŋ ghɨghenə.

1 Kɔrintian 14:3

Luu nə, wə faŋ ŋwə fɨꞌtə yigisə shuu Nwi, ŋwə gisə yigi yɔ́ tɨ́ vɨɨ, yigi yi yɔ́ ndɔ gaŋtə vɨɨ, kwàŋ wutə taa ŋwaa vɨɨ, yɨsə vəŋ weꞌ maa nu Nwi.

1 Kɔrintian 3:13

Shi mɔ́ꞌ vɨ ndɔ ye faꞌ wə tɨ̀ me wə ntee, laa ŋwə lùu kɨkə. Ndɔ lùu maa shi kɔ́, Nwi ndɔ ndi luu wisə maa məmɔŋ vəfaꞌ və vɨɨ shɔ, tɨ́ kaꞌ wə yè faꞌ ghɔ́ ley ley, faŋ wə tɨ̀ me wə fàꞌ nə, laa ŋwə lùu jəə mu, mu ŋwə kee lùu jəə me.

1 Kɔrintian 5:4

Nu ŋkɨə tɨ́ kaꞌ viŋ yɨ̀, lùu laa viŋ shəŋtə shəŋ muꞌ maa yizii Yeso Kristo. Zwitə kaŋ taa lùu taa ŋwaa viŋ nɨzi. Viŋ ndɨ wutə fɨ ghɔ tɨta Yeso,

Filipi 4:5

Viŋ kɨ yɨsə vənu maa jɨɨ yijəə, tɨ́ kaꞌ vɨɨ vənshə taa ye laa viŋ lùu vɨɨ bwaŋnə. Viŋ kɨ lumə laa tɨta Yeso luu nshənə.

1 Tesalonika 4:18

Nɨniŋ, viŋ zwisə fwi siŋ nə təgi tɔ́, viŋ viŋ.

1 Tesalonika 5:11

Nɨniŋ, viŋ weꞌsə wə nə wə, gaŋtə wə nə wə maa mənuŋ fwi maa Nwi, kɨ yɨsə nɨniŋ, sheꞌ faŋ viŋ yɨsə nə.

Hibru 10:24

Bàw nsiŋ kɨ sɨɨnə nə vənu vaŋ-nsiŋ, nsiŋ nsiŋ, tɨ́ kaꞌ nsiŋ kɨ gaŋtə yiŋwaa nyaa-nsiŋ, nsiŋ nsiŋ, maa məkaw vɨɨ, baa nə maa məyɨ vənu vəjəəvə.

Hibru 10:37

Vɨ nyɔ̀ꞌ taa ŋwaꞌlə Nwi laa, «Fɨkɨꞌ nee, wə ntɨə faŋ ŋwə taa jwi nə, ŋwə taa jwi ziꞌ, ŋwə kee taa betə me,»

Hibru 13:22

Vaŋ-nshwi vaŋ, mə buꞌ ghɔ tɨ́ viŋ laa, viŋ jia fwi siŋ, zɔ̀ yigisə nyaa. Ŋwaꞌlə ŋwə̀ faŋ mə nyɔ̀ꞌ tɨ́ viŋ nə, kee lùu də me.

Hibru 3:13

Viŋ kɨ tɨsə yiŋwaa yiŋ, laa nu bwə kee bwèꞌsə viŋ, ŋìi taa ŋwaa viŋ me, laa ŋkə kee yɨ̀sə viŋ kii tɔ weꞌ me. Viŋ kɨ yɨsə nɨniŋ vəshi vənshə, faŋ kɔ tɔ və-ndee, viŋ kɨ bii zɔ̀ yigi yɔ́ nə.

Jeyms 5:8

Nɨniŋ, bàw viŋ jia fwi siŋ nɨzi, lòotə ŋwaa wiŋ, tɨ̀ŋnə jəə, buꞌ laa yighee njyə faŋ tɨta Yeso taa jwì, lùu nshənə.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

2 Pita 3:11

Nɨniŋ, bàw viŋ shi kɨ kɨꞌ, faŋ viŋ duꞌtə viŋ kɨ̀ɨ laa vətɔ vənshə ndɔ ndi. Viŋ shi nə nshinə njyə faŋ nyə kùꞌnə tɨ́ vɨɨ Nwi, kɨ zɔnə ŋwə maa vənu vənshə.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

2 Pita 3:9

Vɨɨ mɔ́ꞌ bɨꞌtə laa Nwi tày dɨdɨꞌ, baa nə laa ŋwə kee ndɔ yɨ nu ŋkɨə faŋ ŋwə nə kɔ̀ꞌnə laa yi ndɔ yɨ me. Ŋkə kee lùu nɨniŋ me. Ŋiꞌ nu kɔ́ lùu laa, Nwi jìa fwi yi tɨ́ viŋ, kɔ̀ jɨɨ tɨ́ vɨɨ laa vəŋ kwiinə fwisə vəŋ. Nwi kee kàw laa vɨɨ mɔ́ꞌ lee məbwey vəlwaŋ me. Nwi kəə laa vɨɨ vənshə kwiinə fwisə vəŋ.

Ŋwaꞌlə Jud 1:19

Vɨɨ vɔ́ jwì nə ŋgaasə taa ŋwaa vɨɨ Nwi. Sɔꞌ zwitə mbi yibwə sɔꞌ vəŋ. Zwitə Ley Nwi kee bee lùu taa ŋwaa vəŋ me.