Hibru 10:24 - Vengo (Babungo)

²⁴ Bàw nsiŋ kɨ sɨɨnə nə vənu vaŋ-nsiŋ, nsiŋ nsiŋ, tɨ́ kaꞌ nsiŋ kɨ gaŋtə yiŋwaa nyaa-nsiŋ, nsiŋ nsiŋ, maa məkaw vɨɨ, baa nə maa məyɨ vənu vəjəəvə.

Hibru 10:24 ပူးပေါင်းရင်းမြစ်များ

Akts 11:29

Vɨɨ məbiŋ Kristo zɔ yigi Agabɔs yɔ́, gì laa, bàw vəŋ vənshə kɔ fa tɔ tɔ, wə kɔ ki fa faŋ ŋwə kìi, wə kɔ ki fa faŋ ŋwə kìi, tɨ́ kaꞌ vɨ tɔŋ gàŋtə vaŋ-nshwi shɔ fɨ shɨ Judia.

Roma 11:4

Nwi nə bəŋsə tɨ́ ŋwə laa kə? - Nwi nə bə̀ŋsə laa, «Mə nùŋsə vəndɔŋ ŋkaŋsə kwatia, faŋ vəŋ kee bəŋsə nwi Baal faŋ lùu nwi dayday me.»

Roma 12:15

Viŋ kɨ ŋaytə viŋ vɨ vɨɨ mbɨə faŋ vəŋ ŋaytə, gwia viŋ vɨ vɨɨ faŋ vəŋ gwia.

1 Kɔrintian 10:33

Nshɨ-tɔ ŋwaa kəə laa mə kɨ bawsə fwisə vɨɨ vənshə maa vənu vənshə faŋ mə yɨsə. Mə kee bɨꞌtə sheꞌ nu faŋ ŋkə taa gaŋtə mə nɨnɔŋ me; mə bɨꞌtə nu faŋ ŋkə taa gaŋtə vɨɨ vəyaŋ, tɨ́ kaꞌ mə ndɨ vəŋ, jwì nə vəŋ tɨ́ Nwi, tɨ́ vɨ kɔ Nwi bwèysə vəŋ.

1 Kɔrintian 9:22

Yighee njyə faŋ mə lùu yia vɨ vɨɨ faŋ fwisə vəŋ kee ta wèꞌ maa nu Nwi me, mə lùu yaa vəŋ, tɨ́ kaꞌ mə yɨsə vəŋ beꞌsə Kristo. Wə kɔlə lùu kɨkə, mə lùu yaa ŋwə, tɨ́ kaꞌ mə tòꞌ fɨ maa jɨɨsə sənshə maa məjwi nə vɨɨ, tɨ́ kaꞌ vəŋ kìi məbwey vəlwaŋ fɨ ghɔ Nwi.

2 Kɔrintian 8:8

Mə kee gì nee maa məkɔ sɔꞌ tɨ́ viŋ me. Mə də̀ fwi njyə faŋ vɨɨ mɔ́ꞌ kìi maa məgaŋtə, tɨ́ kaꞌ mə ndɔ kɨɨ faŋ ŋkawnə yiŋ dùꞌ.

2 Kɔrintian 9:2

Mə kɨɨ nə fwi yijəə yiŋ, baa bəŋsə viŋ shɔ tɨ́ vɨɨ Makedonia. Mə nàysə tɨ́ vəŋ laa vɨɨ Akaya nə duꞌtə vəŋ tey kɨ baytə vətɔ vəvəŋ shù fɨ maa ŋuꞌ njii. Wutə kiŋ kɔ́ suŋtə vəŋ vəyaŋ.

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Galatia 6:1

Vaŋ-nshwi vaŋ, viŋ kɨ luu fàynə viŋ vɨ wə faŋ ŋwə yɨ̀ nu bwə, bàw viŋ gaŋtə wə ghɔ́ laa ŋwə kiasə gù wuu jəə. Kaꞌ viŋ yɨ̀sə nɨniŋ faŋ viŋ kìi Zwitə Ley Nwi taa fwisə viŋ. Bàw viŋ yɨ̀ nɨniŋ, kɨ yɨsə fɨ taa bwaŋnə, baa ndeynə yiŋwaa yiŋ buꞌ məmɔŋ mɔ́ꞌ taa ŋii viŋ nɨzi.

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

1 Tesalonika 5:11

Nɨniŋ, viŋ weꞌsə wə nə wə, gaŋtə wə nə wə maa mənuŋ fwi maa Nwi, kɨ yɨsə nɨniŋ, sheꞌ faŋ viŋ yɨsə nə.

2 Tesalonika 3:9

Yia nəə kee yɨ nɨniŋ buꞌ faŋ ŋkə nə kee kùꞌnə tɨ́ yia me. Yia nəə yɨ nɨniŋ laa yia də shwenə nu tɨ́ viŋ, tɨ́ kaꞌ viŋ ndì ghuu yitoꞌ kia fɨ fuŋ.

1 Timoti 6:18

Bàw a gi vəŋ kɨ yɨsə vənu vəjəəvə, vənu vəjəəvə vɔ́ gu ka vəŋ, yaŋ. Bàw vəŋ baa kɨ kaw maa məkɔ vətɔ tɨ́ vɨɨ ŋɨꞌ, gaŋtə vəŋ nə mbə.

Taytəs 2:4

Nɨniŋ laa vaŋ-vəki zwètə maa məduꞌ bwaŋnə, kàw vəndəə vəvəŋ nə vaŋ vəŋ,

Taytəs 3:8

Yigi yɔ́ lùu nu yinsəŋ. Mə kəə laa a gi vənu vɔ́ ŋkee nə wutə, laa vɨɨ mbɨə faŋ vəŋ nùŋ fwisə vəŋ maa Nwi, tə̀ sɨ maa məyɨsə vənu vəjəəvə. Kɨ luu vəŋ yɨ̀ nɨniŋ, buu luu ŋkee nu jəə. Ŋkə baa gàŋtə vɨɨ nɨzi.

Hibru 13:1

Viŋ kɨ kaw nə yiŋwaa yiŋ, kee bwa me.

Hibru 13:3

Viŋ lumə vɨɨ mbɨə faŋ vəŋ lùu taa ŋii mfiŋ buꞌ nu Nwi. Bàw ŋkə luu tɨ́ viŋ yaa viŋ lùu taa ŋii mfiŋ nɨzi, viŋ vɨ vəŋ. Viŋ baa lumə vɨɨ mbɨə faŋ vəŋ ye ŋɨꞌ, yaa vɨɨ faŋ vəŋ kɨ bii vɨɨ viŋ.

Hibru 3:13

Viŋ kɨ tɨsə yiŋwaa yiŋ, laa nu bwə kee bwèꞌsə viŋ, ŋìi taa ŋwaa viŋ me, laa ŋkə kee yɨ̀sə viŋ kii tɔ weꞌ me. Viŋ kɨ yɨsə nɨniŋ vəshi vənshə, faŋ kɔ tɔ və-ndee, viŋ kɨ bii zɔ̀ yigi yɔ́ nə.

1 Jɔn 3:18

Nɨniŋ, vaŋ vaŋ, kɨ nsiŋ baa kɨ kaw vaŋ-nshwi vaŋ-nsiŋ sheꞌ fɨ shuu nə yigi me! Bàw nsiŋ kɨ kaw vəŋ maa vənu mbɨə faŋ nsiŋ yɨsə, nə fwi yiley.