Hibru 10:14 - Vengo (Babungo)

¹⁴ Nɨniŋ, Kristo nə fèꞌ ndey yimuꞌ, yɨ̀sə laa vɨɨ mbɨə faŋ vəŋ lùu vəley buꞌ ŋwə nə, ndɔ zɨ məbwey vəlwaŋ nɨzi, faŋ ŋwə gòꞌsə yighee muꞌ.

Hibru 10:14 ပူးပေါင်းရင်းမြစ်များ

Akts 20:32

Fɨ taa nɨniŋ ndwə, mə mèꞌtə viŋ taa ghɔ tɨta Nwi. Viŋ kɨɨ nə nu gəŋsə Nwi, faŋ ŋkə kìi wutə maa məyɨsə viŋ weꞌ maa nu Nwi, kɨ gə nə vɨsɨ. Wutə ki baa lùu shɔ maa məgaŋtə viŋ, laa viŋ ndɔ zɨ məbwey vəlwaŋ faŋ Nwi ndɔ kɔ tɨ́ vɨɨ ley vi.

Akts 26:13

Mə nə toꞌ fɨ jɨɨ faŋ yizɔ luu buꞌtə, yè məley fɨ yizɔ, ŋwə bee shɔ̀ɔ shɨshwi, bee kìa mə yia vɨ vɨɨ mbɨə faŋ yia vɨ vəŋ nə luu mɔ́ꞌ nə.

Roma 15:16

laa mə gu wuu faꞌ Yeso Kristo taa ŋwaa vɨɨ tətɔŋ fu. Mə faꞌ tɨ́ Nwi yaa wuu məfeꞌ Nwi, fɨꞌtə ntɔŋ yijəə Nwi tɨ́ vɨɨ. Nɨniŋ laa vɨɨ tətɔŋ fu jwi, kɨ kɔ Nwi nə yiŋwaa vəŋ. Zwitə Ley Nwi yɨsə vəŋ baw tɨ́ Nwi.

1 Kɔrintian 1:2

Yia Sɔsteniis nyɔꞌ ŋwaꞌlə ŋwə̀ tɨ́ nwaa vɨɨ Nwi fɨ shɨ Kɔrint. Viŋ lùu vɨɨ ley Nwi buꞌ faŋ viŋ fàynə viŋ vɨ Yeso Kristo. Nə shòꞌ Nwi shòꞌ viŋ laa viŋ luu vɨɨ vi, ghɔ vɨ vɨɨ vənshə, faŋ vəŋ bəŋsə Tii ŋwaa-nsiŋ Yeso Kristo maa vəshəŋ vənshə. Yeso Kristo lùu Tɨɨ vəŋ, baa lùu Tii ŋwaa-nsiŋ nɨzi.

Efesɔs 5:26

Nɨniŋ laa ŋwə yɨ̀sə vəŋ ley tɨ́ Nwi. Ŋwə nə sɔ̀ yibɨsə vəŋ fɨ maa vəŋ, faŋ ŋwə nə kɔ̀ yigisə Nwi nə muu mə Nwi tɨ́ vəŋ.

Hibru 10:1

Ntɨsə vɨɨ Jus fɨ̀nə vənu vəjəəvə mbɨə faŋ mbə ndɔ jwi nə. Luu nə, nsə kee bee luu ŋkee vənu vɔ́ me. Maa vɨɨ məfeꞌ Nwi gə kɔ Nwi ŋuꞌ nə ŋuꞌ. Sii kaꞌ wə yɨsə vɨɨ faŋ vəŋ kəə shəŋtə yɨ Nwi, lùu vəley buꞌ ndeysə kɨkə? Jɨɨ kee lùu shɔ me.

Hibru 10:10

Lùu nu ŋkɨə faŋ ŋkə yɨ̀sə laa nsiŋ ley vɨsɨ Nwi. Nsiŋ lùu vəley buꞌ laa Yeso Kristo nə yɨ̀sə nu ŋkɨə faŋ Nwi kəə laa ŋwə yɨ. Ŋwə nə kɔ̀ ŋwaa wi yaa ndey tɨ́ Nwi, kù tɔ nsiŋ yighee muꞌ.

Hibru 10:12

Gə fɨ maa Yeso Kristo, ŋwə nə fèꞌ ndey sheꞌ yimuꞌ faŋ nyə kìi wutə maa məbaꞌsə yibɨsə vɨɨ yighee muꞌ. Ŋwə kɨ nii gə̀ dùꞌ fuu ŋkaw kwi maa kwiŋ Nwi maꞌnə.

Hibru 13:12

Luu sheꞌ nɨniŋ faŋ Yeso nə yè ŋɨꞌ shɔ, fu fɨ taa shɨ, kù, tɨ́ kaꞌ mənshi mi faŋ ŋwə tùtə nə, sɔ̀ yibɨsə vɨɨ fɨ maa vəŋ.

Hibru 2:11

Yeso yɨsə vɨɨ duꞌ vəley vɨsɨ Nwi. Vɨɨ mbɨə faŋ Yeso yɨ̀sə vəŋ duꞌ vəley nə, ghɔ nshɨ-tɔ Yeso kìi Tɨɨ vəŋ muꞌ. Lùu ŋiꞌ nu ŋkɨə faŋ Yeso tii vəŋ nə vaŋ-nshwi vi. Tɔ ki kee dɨ̀ɨ shɔ me.

Hibru 7:19

Ntɨsə sɔ́ nə kɨ kaꞌ nsə kee yɨ̀sə wə lùu wuu jəə tɨ́ Nwi me. Nwi bee kii jwì nə nu faŋ ŋkə bàw, faŋ nsiŋ nùŋ fwi saŋ-nsiŋ shɔ, tɨ́ kaꞌ nsiŋ shəŋtə yɨ Nwi.

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.

Hibru 9:10

Ndeysə nə vəkɔ luu sheꞌ vətɔ və shɨ nsi. Mbə luu sheꞌ yaa nuŋsə yimɔ́ꞌ kɔ̀ŋ vətɔ vəzɨvə, nə vətɔ və mənu, nə ŋgunə məsɔ vətɔ. Nuŋsə yinshə lùu vənu və shɨ nsi faŋ mbə dùꞌ sheꞌ maa kuŋtə yighee, zìꞌ maa yighee njyə faŋ Nwi taa də jɨɨ yiday faŋ nyə bàw shɔ̀ɔ nuŋsə yɔ́.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

Ŋwaꞌlə Jud 1:1

Lùu mə, Jud, wuu faꞌ Yeso Kristo, weenshu Jeyms, faŋ mə nyɔ̀ꞌ ŋwaꞌlə ŋwə̀ tɨ́ viŋ, vɨɨ mbɨə faŋ Nwi, Tii ŋwaa-nsiŋ kàw viŋ, baa shòꞌ viŋ laa viŋ luu mbii vɨɨ nə. Viŋ baa lùu vɨɨ faŋ Yeso Kristo shiinə viŋ, buꞌ nu mɔ́ꞌ kɔ̀ŋ viŋ.