Hibru 10:10 - Vengo (Babungo)

¹⁰ Lùu nu ŋkɨə faŋ ŋkə yɨ̀sə laa nsiŋ ley vɨsɨ Nwi. Nsiŋ lùu vəley buꞌ laa Yeso Kristo nə yɨ̀sə nu ŋkɨə faŋ Nwi kəə laa ŋwə yɨ. Ŋwə nə kɔ̀ ŋwaa wi yaa ndey tɨ́ Nwi, kù tɔ nsiŋ yighee muꞌ.

Hibru 10:10 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:19

Mə kɔ ŋwaa ŋwaa tɨ́ ghɔ nshə, laa mə baw shɨlə buꞌ vəŋ, tɨ́ kaꞌ vəŋ baa luu kɔ yiŋwaa yivəŋ tɨ́ ghɔ, bàw shɨlə, buꞌ faŋ vəŋ kɨɨ nə nu ŋkɨə faŋ lùu nu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:34

Luu nə, sogeꞌ mɔ́ꞌ ndi yighaw yi, sɔ̀ way yiŋii Yeso, mənshi nə muu fuu fɨ maa Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:51

Lùu mə lùu fazɨ kɔ́ faŋ ŋkə ndɔ̀ fɨ yizɔ nə, faŋ ŋkə kɔ məbwey tɨ́ vɨɨ. Wə kɨ luu zɨ̀ fazɨ kɔ́, buu ŋwə bwèy yighee muꞌ. Fazɨ kɔ́ faŋ mə taa kɔ tɨ́ vɨɨ laa vəŋ bwey, lùu mbasə ŋwaa ŋwaa.»

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

Efesɔs 5:26

Nɨniŋ laa ŋwə yɨ̀sə vəŋ ley tɨ́ Nwi. Ŋwə nə sɔ̀ yibɨsə vəŋ fɨ maa vəŋ, faŋ ŋwə nə kɔ̀ yigisə Nwi nə muu mə Nwi tɨ́ vəŋ.

Hibru 10:12

Gə fɨ maa Yeso Kristo, ŋwə nə fèꞌ ndey sheꞌ yimuꞌ faŋ nyə kìi wutə maa məbaꞌsə yibɨsə vɨɨ yighee muꞌ. Ŋwə kɨ nii gə̀ dùꞌ fuu ŋkaw kwi maa kwiŋ Nwi maꞌnə.

Hibru 10:14

Nɨniŋ, Kristo nə fèꞌ ndey yimuꞌ, yɨ̀sə laa vɨɨ mbɨə faŋ vəŋ lùu vəley buꞌ ŋwə nə, ndɔ zɨ məbwey vəlwaŋ nɨzi, faŋ ŋwə gòꞌsə yighee muꞌ.

Hibru 10:20

Yeso nə ŋàꞌsə jɨɨ yifi yɔ́ nə mənshi mi. Nshɨ-tɔ Yeso lùu jɨɨ tɨ́ nsiŋ, faŋ kaꞌ nsiŋ shɔ̀ɔ fɨ fuŋ, gə̀ shəŋ ŋkɨə faŋ Nwi lùu shɔ. Ŋwə lùu yaa njwi shuufɔ faŋ nyə yaa kɨ shitə shəŋ ley Nwi taa vəbee və Nwi nə; kaꞌ wə kee gə yɨ Nwi, tɨ̀ lɨꞌ ŋwə shɔ̀ɔ fɨ yifi me.

Hibru 10:29

Faŋ ŋkə lùu nɨniŋ nə, viŋ kɔꞌ kɨɨ laa nsɔꞌ wə ntɨə faŋ ŋwə ndasə ŋkee wee Nwi, weꞌ shɔ̀ɔ. Kəŋ wə ghɔ́ ndì yiku Yeso, faŋ Nwi nə gwìa məkee shɔ tɨ́ nsiŋ nə, yaa nu dayday, baa shiasə Zwitə Nwi faŋ ŋkə jwi nə mənɔŋ-bwaŋnə nə. Nsɔꞌ kəŋ wə ghɔ́ weꞌ shɔ̀ɔ.

Hibru 10:5

Lùu faŋ vɨ nyɔ̀ꞌ taa ŋwaꞌlə Nwi laa, yighee njyə faŋ Kristo nəə kəə jwi shɨ nsi, ŋwə nə gì tɨ́ Nwi laa, «A kee kàw ndey faŋ vɨ fèꞌ nə mənshi mə nyaa nə me. Luu nə, a bɔ̀ŋ ŋwaa ŋwaa shee.

Hibru 13:12

Luu sheꞌ nɨniŋ faŋ Yeso nə yè ŋɨꞌ shɔ, fu fɨ taa shɨ, kù, tɨ́ kaꞌ mənshi mi faŋ ŋwə tùtə nə, sɔ̀ yibɨsə vɨɨ fɨ maa vəŋ.

Hibru 2:11

Yeso yɨsə vɨɨ duꞌ vəley vɨsɨ Nwi. Vɨɨ mbɨə faŋ Yeso yɨ̀sə vəŋ duꞌ vəley nə, ghɔ nshɨ-tɔ Yeso kìi Tɨɨ vəŋ muꞌ. Lùu ŋiꞌ nu ŋkɨə faŋ Yeso tii vəŋ nə vaŋ-nshwi vi. Tɔ ki kee dɨ̀ɨ shɔ me.

Hibru 2:14

Vaŋ vi vɔ́ lùu vɨɨ faŋ ghɔ vɨ Yeso fàynə. Sheꞌ nɨniŋ, Yeso nə jwì yuu wə, gù yaa vəŋ nɨzi, tɨ́ kaꞌ ŋwə kù, zwì wutə Satan, tɨɨ vəzwitə vəbwəvə, faŋ ŋwə kìi wutə yiku nə.

Hibru 5:7

Faŋ Yeso nə luu shɨ nsi, ŋwə nə shɔ̀ꞌtə Nwi shɔ̀ꞌtə, yùmə ŋkee nəŋay, mənsɨ fiŋkə fɨ sɨ ŋwə, ŋwə buꞌ ghɔ tɨ́ Nwi faŋ ŋwə kìi wutə maa məgaŋtə ŋwə fɨ ghɔ yiku. Nwi nə zɔ̀ məshɔꞌtə wi, buꞌ laa ŋwə nə luu wuu məfee Nwi.

Hibru 7:27

Vɨɨ məfeꞌ Nwi mbii-wə faŋ vəŋ yaa kɨ kɔ Nwi vəshi vəshi nə, vəŋ bɨ feꞌ Nwi buꞌ vənu vəbwəvə vəŋ, baa kɨ nii fèꞌ Nwi buꞌ vənu vəbwəvə və vɨɨ. Gə fɨ maa Yeso, ŋwə kee bee feꞌ maa kəŋ jɨɨ ghɔ́ me. Ŋwə nə fèꞌ Nwi yighee muꞌ, ŋkə kuꞌnə, gòꞌsə nɨniŋ, faŋ nə luu ŋwaa wi faŋ ŋwə nə ndì, fèꞌ shɔ nə.

Hibru 9:12

(Yighee vɨsɨ vɨɨ kwalə məfeꞌ Nwi yaa kɨ ŋii shəŋ ley Nwi taa njɨɨ tɨəŋ nə mənshi mə yɔꞌ nə mənshi mə wee-nyaandaw.) Gə fɨ maa Kristo, ŋwə nə kee ndì mənshi mə bi, tɨꞌnə me mbə nyaa me. Ŋwə nə gə̀ nə mbii mənshi, gə̀ ŋìi shəŋ ŋkɨə faŋ Nwi lùu shɔ, ŋii shɔ sheꞌ yighee muꞌ. Nɨniŋ, ŋwə fùusə nsiŋ fɨ ghɔ zwitə bwə yighee muꞌ, kɔ̀ məbwey vəlwaŋ tɨ́ nsiŋ.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

Hibru 9:26

Ŋkə nəə toꞌ kee lùu nɨniŋ me, buu ŋwə nə yè ŋɨꞌ ghee yaŋ, zì fɨ maa yighee njyə faŋ mbi nə tèy. Yinsəŋ ŋwə nə fùu taa mbi sheꞌ yighee muꞌ, faŋ lùu ndwə, faŋ mbi kəə me nə. Ŋwə nə ndì ŋkee ŋwaa wi, fèꞌ ndey shɔ tɨ́ Nwi maa məndisə nu bwə wə mənsaw yighee muꞌ.

Hibru 9:28

Sheꞌ nɨniŋ, Kristo nə fɔŋ jwì kù yighee muꞌ, laa ŋwə yɨsə vɨɨ vəyaŋ nyɨŋ fɨ taa nu bwə vəŋ, baa nə laa ŋwə ndɔ baa bəŋ jwi mbi nyə̀, lwesə ghee bɔɔ. Maa yighee yɔ́ ŋwə ndɔ kee baa jwi maa məsɔ nu bwə vɨɨ me; ŋwə ndɔ bee kii jwi maa məkɔ məbwey vəlwaŋ tɨ́ vɨɨ vi faŋ vəŋ kɨꞌ ŋwə nə.

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

1 Jɔn 5:6

Yeso Kristo lùu wə ntɨə faŋ ŋwə nə jwì, shɔ̀ɔ fɨ shuu muu, fì muu mə Nwi, shɔ̀ɔ fɨ shuu yiku, tù mənshi mi. Ŋwə nə kee shɔ̀ɔ fɨ shuu muu day me; ŋwə nə shɔ̀ɔ fɨ shuu muu, fì muu mə Nwi, shɔ̀ɔ fɨ shuu yiku nɨzi, tù mənshi mi. Lùu Zwitə Ley Nwi faŋ ŋwə yaa kɨ twelə ŋiꞌ nu kɔ́ tɨ́ nsiŋ, buꞌ laa Zwitə Ley Nwi lùu nu faŋ lùu nu yinsəŋ.