Hibru 1:9 - Vengo (Babungo)

⁹ Lùu vənu və yinsəŋ faŋ mbə yɨsə a ŋaytə, a bee vənu mbɨə faŋ mbə bɨsə ntɨsə Nwi. Lùu ŋiꞌ nu ŋkɨə faŋ Nwi, faŋ lùu Nwi wə, shoꞌ ghɔ laa a kii məkwalə nə məŋaytə shɔ̀ɔ vaŋ-nshwi və.»

Hibru 1:9 ပူးပေါင်းရင်းမြစ်များ

Lukas 4:18

«Zwitə Nwi maa mə, buꞌ laa ŋwə nə yòꞌ mə nə məŋgwə, laa mə kɨ fɨꞌtə ntɔŋ yijəə tɨ́ vɨɨ ŋɨꞌ. Ŋwə nə baa tɔ̀ŋ mə laa mə kɨ fɨꞌtə tɨ́ vəbuꞌ və yighaw, laa vəŋ kuunə nə ŋwaa vəŋ, baa nə laa mə gì tɨ́ vɨɨ sɨ fɨsə, laa vəŋ yenə, baa nə laa mə fuusə vɨɨ faŋ vɨ nəə fiitə vəŋ nsi, laa vəŋ gə duꞌ tɔ vəŋ,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:41

Ŋwə bɨ yè weenshu wi Saymon, gì tɨ́ ŋwə laa vəŋ yè Kristo. Ŋiꞌ yizii Kristo lùu laa, wə faŋ Nwi fɔ̀ɔlə ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:17

Ŋiꞌ nu ŋkɨə faŋ Tii ŋwaa kaw mə, luu buꞌ faŋ mə bìŋ yiku, ndɔ̀ baa kìi məbwey fɨ yighee yiba.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:17

Yeso gi tɨ́ ŋwə laa, «Kaa kɔŋ mə me, buꞌ laa mə kee ta gə̀ yizɔ yɨ Tii ŋwaa me. Gə yè vaŋ-nshwi vaŋ-nsoo, nàysə tɨ́ vəŋ laa mə taa koꞌ gə̀ yizɔ yɨ Tii ŋwaa, faŋ lùu Tii wiŋ nɨzi. Lùu ŋwə lùu Nwi ŋwaa, baa lùu Nwi wiŋ nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:34

Wə ntɨə faŋ tɔ̀ŋ Nwi tɔ̀ŋ ŋwə, gisə sheꞌ yigisə Nwi, buꞌ laa Nwi kɔ̀ Zwitə Ley Nwi tɨ́ ŋwə, mfɨꞌ yi kee lùu shɔ me.

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 4:26

Vəfwàŋ fɨ mbi lòotə yiŋwaa vəŋ, fàynə ghɔ vɨ vɨɨ mbɨə faŋ vəŋ sɔꞌ məshɨ, maa məmɔŋ maa məka yighaw tɔ Nwi, tɨta ŋwaa-nsiŋ, nə tɔ wə ntɨə faŋ Nwi shòꞌ.»

Akts 4:27

Yinsəŋ, fwàŋ Herod nə goməna Pɔntiɔs Pilate faynə ntɨꞌ nyə̀ ghɔ vɨ vɨɨ tətɔŋ fu, nə vɨɨ Isirayl maa məka yighaw tɔ Yeso, wuu faꞌ ley wə, faŋ a shòꞌ.

Roma 12:9

Viŋ kɨ kaw vɨɨ, kee kaw nə njyoꞌ səbɔɔ me. Viŋ bee nu bwə, jìa luu nu faŋ lùu nu jəə.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

1 Kɔrintian 1:9

Nwi lùu wuu yinsəŋ. Nə shòꞌ nshɨ-tɔ Nwi shòꞌ viŋ laa viŋ jwi fàynə gù fa kəmuꞌ, viŋ vɨ ŋwiŋ wi Yeso Kristo, faŋ lùu Tɨta ŋwaa-nsiŋ nə.

2 Kɔrintian 11:31

Nshɨ-tɔ Nwi, tɨɨ Yeso Kristo, kɨɨ laa mə kee sɨɨ ba me. Mə kɨ bəŋsə ŋwə ghee nshə.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Efesɔs 1:3

Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə nə kɔ̀ ŋgwisə mənɔŋ-bwaŋnə yinshə tɨ́ nsiŋ, kɔ vənu və Zwitə Ley Nwi faŋ mbə lùu taa yizɔ tɨ́ nsiŋ fɨ jɨŋ Kristo.

Filipi 2:9

Ŋwə nə yɨ̀ nɨniŋ, buu Nwi kɔ yikwalə tɨ́ ŋwə faŋ nyə shɔ̀ɔ ki, baa shù yizii maa ŋwə faŋ nyə kwàlə shɔ̀ɔ təzii tənshə.

Hibru 2:11

Yeso yɨsə vɨɨ duꞌ vəley vɨsɨ Nwi. Vɨɨ mbɨə faŋ Yeso yɨ̀sə vəŋ duꞌ vəley nə, ghɔ nshɨ-tɔ Yeso kìi Tɨɨ vəŋ muꞌ. Lùu ŋiꞌ nu ŋkɨə faŋ Yeso tii vəŋ nə vaŋ-nshwi vi. Tɔ ki kee dɨ̀ɨ shɔ me.

Hibru 2:9

Nsiŋ kɔꞌ kɨɨ nə Yeso faŋ Nwi nə yɨ̀sə nshiisə-ŋiisə Nwi luu vɨsɨ fɨ ghɔ ŋwə maa kuŋtə yighee, faŋ ŋwə nə yè ŋɨꞌ ku, buu Nwi kɔ yifwàŋ nə feenə tɨ́ ŋwə nə. Nɨniŋ nə, ŋwə nə kù tɔ vɨɨ vənshə, buꞌ faŋ Nwi nə kèe gəŋsə vɨɨ nə.

Hibru 7:26

Ŋwə luu ŋkee wuu ley, kee kìi nu bwə me, tɨꞌnə me kìi wee-ndoꞌ maa ŋwə me. Ŋwə kee kìi nu ghɔ vɨɨ bwənə me. Nwi nùŋsə ŋwə ŋkee taa yizɔ, laa ŋwə duꞌ yɨ Nwi. Nɨniŋ, ŋwə kùꞌnə tɨ́ kaꞌ ŋwə lùu wuu kwalə məfeꞌ Nwi tɨ́ nsiŋ.

1 Pita 1:3

Nsiŋ kɨ bəŋsə Nwi, tɨɨ Yeso Kristo, faŋ luu mbweysə nyaa-nsiŋ. Nwi nə kèe gəŋ saŋ-nsiŋ dɨdɨꞌ, faŋ ŋwə nə kɔ̀ məbwey fi tɨ́ nsiŋ, buꞌ faŋ ŋwə nə ywèysə Yeso fɨ shɨ yiku. Nɨniŋ, kaꞌ nsiŋ kɨ̀ꞌ məbwey vəlwaŋ nə məŋaytə.

1 Jɔn 1:3

Nu ŋkɨə faŋ yia yè baa zɔ, yia baa luu fɨꞌtə tɨ́ viŋ, tɨ́ kɨ kaꞌ nsiŋ faynə luu fa kəmuꞌ, nsiŋ vɨ tɨta Nwi baa nə ŋwiŋ wi Yeso Kristo.

Reveleyshən 2:15

Vɨɨ baa lùu shɔ taa ŋwaa viŋ faŋ vəŋ jia nu Nikolaytən.