Hibru 1:3 - Vengo (Babungo)

³ Wee Nwi ghɔ́ lùu məley Nwi; wutə Nwi taa ŋwaa ŋwə. Ŋkɨꞌnə yi lùu yaa njyə Nwi. Kìi ŋwə kìi wutə maa mbi yinshə sheꞌ fɨ maa yigisə yi. Ŋwə lòotə jɨɨ, sɔ̀ yibɨsə vɨɨ laa vəŋ ley. Ŋwə baa luu koꞌ gə̀ yizɔ, dùꞌ maa kwiŋ maꞌnə Nwi, faŋ ŋwə sɔ̀ꞌ vətɔ vənshə.

Hibru 1:3 ပူးပေါင်းရင်းမြစ်များ

Matiu 22:24

«Tɨta, Mose nə gì laa, kɨ luu wə ku, kee bì wee me, bàw weenshu wi ndaa zu wi ghɔ́, bì vaŋ fuŋ, jìa nji-ŋiinə weenshu wi ghɔ́.

Mark 16:19

Faŋ tɨta Yeso nə gì yigi yɔ́ tɨ́ vəŋ metə, Nwi yɨsə ŋwə koꞌ gə̀ taa yizɔ, gə̀ dùꞌnə maa kwiŋ maꞌnə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:4

Məbwey lùu taa yigi yɔ́. Məbwey ghɔ́ lùu yaa məley, yɨsə sɨ vɨɨ ley.

Akts 2:33

Nwi fuusə ŋwə fɨ shɨ yiku, nùŋ ŋwə maa kwiŋ maꞌnə Nwi, kɔ̀ Zwitə Ley Nwi tɨ́ ŋwə, faŋ Nwi nə kɔ̀ꞌnə nə. Ŋwə tù Zwitə Ley kɔ́ feenə ndwə, faŋ viŋ ye baa zɔ.

Akts 7:56

Ŋwə gi laa, «Mə ye yizɔ ŋaꞌnə, yè Wuu yinsəŋ Nwi faŋ ŋwə tɨ̀ŋ maa kwiŋ maꞌnə Nwi.»

Roma 1:16

Tɔ kaŋ kee dɨdɨɨ maa ntɔŋ yijəə Nwi yɔ́ me, buꞌ laa lùu nu wutə Nwi, faŋ ŋkə kɔ məbwey vəlwaŋ tɨ́ vɨɨ mbɨə faŋ vəŋ nùŋ fwisə vəŋ maa Kristo, zì fɨ maa vɨɨ Jus, gə kɔ tɨ́ vɨɨ tɔmə day.

Roma 8:34

Sii kaꞌ shia ndə shia nsɔꞌ tɔ vəŋ? Yeso Kristo nə kù tɔ nsiŋ, baa yɨ̀sə nu faŋ ŋkə shɔ̀ɔ yiŋkii. Nu kɔ́ lùu laa ŋwə nə ywèy fɨ shɨ yiku. Ŋwə baa dùꞌ maa kwiŋ Nwi maꞌnə, bəŋsə vənu vaŋ-nsiŋ ghɔ Nwi.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Kɔlɔsii 3:1

Mə duꞌtə mə gì tɨ́ viŋ laa Nwi ywèysə viŋ fɨ ghɔ yiku, viŋ vɨ Kristo mɔ́ꞌ. Nɨniŋ, viŋ tə sɨ ghiŋ maa vətɔ mbɨə faŋ mbə lùu yizɔ, shəŋ ŋkɨə faŋ Kristo lùu shɔ nə. Ŋwə dùꞌ shɔ maa kwiŋ maꞌnə Nwi.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Hibru 1:13

Nwi nə gì tɨ́ ŋwiŋ wi laa, «Duꞌ maa kwiŋ maꞌnə ŋwaa, zìꞌ maa yighee njyə faŋ mə taa ghɔꞌ vɨɨ mbeenə və, ndɨ̀ vəŋ, nùŋsə ghuu ghɔ yaa fa faŋ kaꞌ a tə̀ ghuu ghə shɔ.» Nshiiŋii Nwi kee lùu shɔ faŋ Nwi nə gì kəŋ nu ghɔ́ tɨ́ ŋwə me.

Hibru 10:12

Gə fɨ maa Yeso Kristo, ŋwə nə fèꞌ ndey sheꞌ yimuꞌ faŋ nyə kìi wutə maa məbaꞌsə yibɨsə vɨɨ yighee muꞌ. Ŋwə kɨ nii gə̀ dùꞌ fuu ŋkaw kwi maa kwiŋ Nwi maꞌnə.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 4:14

Nsiŋ tɨŋ sheꞌ maa nu ŋkɨə faŋ nsiŋ bìŋ yikəꞌ vɨɨ nə, buꞌ laa wuu kwalə məfeꞌ Nwi lùu shɔ, faŋ ŋwə tɨ̀ŋ tɔ nsiŋ. Wuu kwalə məfeꞌ Nwi ghɔ́ lùu Yeso, wee Nwi, faŋ ŋwə nə koꞌ gə̀ yɨ Nwi yizɔ.

Hibru 7:27

Vɨɨ məfeꞌ Nwi mbii-wə faŋ vəŋ yaa kɨ kɔ Nwi vəshi vəshi nə, vəŋ bɨ feꞌ Nwi buꞌ vənu vəbwəvə vəŋ, baa kɨ nii fèꞌ Nwi buꞌ vənu vəbwəvə və vɨɨ. Gə fɨ maa Yeso, ŋwə kee bee feꞌ maa kəŋ jɨɨ ghɔ́ me. Ŋwə nə fèꞌ Nwi yighee muꞌ, ŋkə kuꞌnə, gòꞌsə nɨniŋ, faŋ nə luu ŋwaa wi faŋ ŋwə nə ndì, fèꞌ shɔ nə.

Hibru 8:1

Nu ŋkɨə faŋ ŋkə shɔ̀ɔ vənu vənshə taa yigisə yia, lùu laa nsiŋ kìi kəŋ wuu kwalə məfeꞌ Nwi faŋ ŋwə dùꞌ maa kwiŋ maꞌnə Nwi, faŋ ŋwə kìi wutə kənshə yizɔ. Wuu kwalə məfeꞌ Nwi ghɔ́ lùu Yeso.

Hibru 9:16

Yighee njyə faŋ wə yaa kɨ tɨsə yiku yi, faŋ ŋwə kəə ku, wə ghɔ́ taa ku ŋkəə, buu vɨ yɨsə vənu mbɨə faŋ ŋwə gì buu ku nə.

Hibru 9:26

Ŋkə nəə toꞌ kee lùu nɨniŋ me, buu ŋwə nə yè ŋɨꞌ ghee yaŋ, zì fɨ maa yighee njyə faŋ mbi nə tèy. Yinsəŋ ŋwə nə fùu taa mbi sheꞌ yighee muꞌ, faŋ lùu ndwə, faŋ mbi kəə me nə. Ŋwə nə ndì ŋkee ŋwaa wi, fèꞌ ndey shɔ tɨ́ Nwi maa məndisə nu bwə wə mənsaw yighee muꞌ.

1 Pita 1:21

buꞌ laa viŋ kwàŋ fwi siŋ maa Nwi buꞌ ŋwə, faŋ Nwi nə ywèysə ŋwə fɨ shɨ yiku, kòꞌsə ŋwə fuu ŋkaw yifwàŋ. Nɨniŋ, kaꞌ viŋ nùŋ fwi siŋ maa Nwi, kɨ kɨꞌ məbwey vəlwaŋ fɨ ghɔ ŋwə.

1 Pita 3:22

koꞌ gə̀ yizɔ, dùꞌ maa kwiŋ Nwi maꞌnə, kìi wutə kənshə, kɨ sɔꞌ ŋkee nshiisə-ŋiisə Nwi, nə vəzwitə məsɔꞌ mbi, nə vəzwitə vənshə faŋ mbə kìi wutə.

2 Pita 1:16

Viŋ kɔꞌ kɨɨ laa vənu mbɨə faŋ yia nə fɨ̀ꞌtə tɨ́ viŋ kɔ̀ŋ wutə Yeso Kristo, baa nə laa ŋwə ndɔ bəŋ jwì fùu ntee, kee luu sheꞌ mətiitii faŋ nə bɨ̀ꞌtə wə mənsaw nə yitɔfə yi me. Nshɨ-tɔ wia nə yè feenə wi nə yisɨ.

2 Pita 1:17

Yia nə luu shɔ maa yighee njyə faŋ Nwi nə də̀ məkwalə Yeso Kristo nə feenə wi. Yia nə zɔ̀ faŋ Nwi, faŋ ŋwə kìi wutə kənshə nə, nə gì laa, «Lùu ŋwiŋ ŋwaa nə faŋ mə kàw ŋwə. Ŋwə baw too mə dɨdɨꞌ.»

1 Jɔn 1:7

Kɨ luu laa nsiŋ toꞌ yitoꞌ nyaa-nsiŋ fɨ taa shɨshwi ley, faŋ nshɨ-tɔ Nwi lùu taa shɨshwi ley nə, buu nsiŋ lùu fa kəmuꞌ, nsiŋ nsiŋ. Mənshi mə ŋwiŋ wi Yeso Kristo sɔ̀ yibɨsə nyaa-nsiŋ fɨ maa nsiŋ yinshə, faŋ ŋwə nə kù tɔ nsiŋ nə.

1 Jɔn 3:5

Viŋ kɔꞌ kɨɨ laa, Yeso Kristo yaa fùu ntee laa ŋwə sɔ vənu vəbwəvə fɨ maa vɨɨ, faŋ tuu nu bwə nə kee lùu maa ŋwə me.

Ŋwaꞌlə Jud 1:25

Nsiŋ kɨ bəŋsə Nwi, faŋ luu sheꞌ ŋwə lùu Nwi nɨnɔŋ. Gaŋtə ŋwə gaŋtə nsiŋ fɨ yiba tɨta ŋwaa-nsiŋ Yeso Kristo. Kii sheꞌ Nwi kìi feenə, nə yikwalə nə wutə məsɔꞌ mbi. Nə luu nɨniŋ fɨ maa vənzi, baa lùu ndwə, ndɔ goꞌsə nɨniŋ vəshi və mbi və̀ vənshə. Ŋkə lùu nɨniŋ.

Reveleyshən 3:21

Wə ntɨə faŋ ŋwə jia fwi yi, kee mèꞌtə nu Nwi me, sheꞌ faŋ mə nə jìa fwi nyaa nɨzi, ziꞌ tɨ́ shi yiku nə, buu mə ndɔ biŋ laa yia ŋwə duꞌ fuu ŋkaw mə, kɨ sɔꞌ mbi mɔ́ꞌ, sheꞌ faŋ yia Tii ŋwaa duꞌ fuu ŋkaw ŋwə, kɨ sɔꞌ nə.»

Reveleyshən 4:11

«Tɨta, Nwi wia, a kùꞌnə tɨ́ kaꞌ vətɔ vənshə kɨ bəŋsə ghɔ, kɔ̀ feenə tɨ́ ghɔ. A kìi wutə kənshə, fɔnə nə bɔ̀ŋ ghɔ bɔ̀ŋ vətɔ vənshə. Mbə nə fùu taa mbi, kɨ nii lùu shɔ, buꞌ faŋ nə gì ghɔ nɨniŋ.»