Hibru 1:2 - Vengo (Babungo)

² Maa yighee ndwə, faŋ lùu yighee yiba, ŋwə gi yigi tɨ́ nsiŋ, nyə shɔɔ fɨ ghɔ ŋwiŋ wi. Nə luu ghɔ ŋwiŋ wi ghɔ́ faŋ Nwi nə bɔ̀ŋ mbi. Nwi nə baa shòꞌ ŋwə laa kìi ŋwə kìi vətɔ vənshə.

Hibru 1:2 ပူးပေါင်းရင်းမြစ်များ

Matiu 13:39

Wuu mbeenə ghɔ́ faŋ ŋwə nə mɔ̀ꞌ ŋwa ghɔ́ nə, luu tɨɨ vəzwitə vəbwəvə. Yighee njyə faŋ say ghɔ́ ndɔ ta yɔŋ nə, lùu yighee vəndwə və mbi. Vɨɨ məbaytə say ghɔ́ lùu nshiisə-ŋiisə Nwi.

Matiu 17:5

Faŋ ŋwə nəə kɨ bii gisə, mbɔꞌ yiley yimɔ́ꞌ jwi shìtə vəŋ, gɨ Nwi fuu fɨ taa mbɔꞌ yɔ́, gì laa, «Lùu ŋwiŋ ŋwaa nə, faŋ mə kàw. Ŋwə bàw shee nɨzi. Viŋ kɨ zɔnə ŋwə!»

Matiu 21:38

Faŋ vɨɨ vɔ́ nə yè ŋwiŋ wi, gi sheꞌ vəŋ vəŋ laa, «Lùu nji-ŋiinə yi. Viŋ jwi, nsiŋ zwi ŋwə, gòꞌ nə vətɔ vi və̀.»

Matiu 26:63

Luu nə, Yeso kee bìnə me. Wuu kwalə məfeꞌ Nwi gi tɨ́ ŋwə laa, «Maa yizii Nwi Nshɔɔ-mbi, mə tə̀ ghɔ fuu məkee, naysə tɨ́ yia laa a luu Kristo, Wee Nwi mu?»

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Matiu 3:17

Gɨ Nwi gi fɨ taa yizɔ laa, «Lùu ŋwiŋ ŋwaa nə faŋ mə kàw. Ŋwə baw shee.»

Mark 1:1

Lùu ntɔŋ yijəə buꞌ Yeso Kristo, Wee Nwi.

Mark 12:6

Ŋwə nə baa kìi wə muꞌ ghɔ ŋwə; nə luu ŋkee ŋwiŋ wi faŋ ŋwə nə kàw ŋwə. Kɨ lùu maa yighee yiba, ŋwə tɔŋ ŋwiŋ wi ghɔ́ tɨ́ vəŋ, gisə laa vəŋ taa fee ŋwiŋ wi ghɔ́.

Mark 12:7

Vɨɨ vɔ́ ye ŋwiŋ wi ghɔ́, gì sheꞌ vəŋ vəŋ laa, «Maa lùu wə ntɨə faŋ ŋwə ndɔ zɨ tɔ tii wi nə. Viŋ jwi, nsiŋ zwi ŋwə, buu vətɔ və̀ vənshə kìi nsiŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:10

Wə ntɨə faŋ ŋwə lùu məley yinsəŋ ghɔ́ nə, nə luu taa mbi. Nwi nə bɔ̀ŋ mbi, shɔ̀ɔ fɨ ghɔ ŋwə. Luu nə, mbi kee kɨ̀ɨ nə ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:3

Vətɔ vənshə fɨ mbi nə fùu fɨ maa yigi yɔ́. Tuu fa kee lùu shɔ faŋ ŋkə nə kee fùu fɨ maa yigi yɔ́ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:3

Yeso kɨɨ nɨzi laa, tɨta Nwi nə nùŋsə vənu vənshə ghɔ ŋwə, baa nə laa ŋwə nə ndɔ̀ fɨ yɨ Nwi, baa bəŋ gə̀ yɨ Nwi,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:32

Faŋ vɨɨ taa ye yikwalə Nwi buꞌ Wuu yinsəŋ Nwi, Nwi baa kɨ kɔ yikwalə tɨ́ ŋwə nɨzi sheꞌ ndwə ndwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:15

Mə kee baa tii viŋ nə vɨɨ faꞌ vaŋ me, buꞌ laa wuu faꞌ kee yaa kɨ kɨɨ nə nu ŋkɨə faŋ tii wi yɨ me. Mə tii viŋ nə vɨɨmba vaŋ, buꞌ laa mə nə nàysə vənu vənshə tɨ́ viŋ, faŋ mə nə zɔ̀ fɨ ghɔ Tii ŋwaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:15

Vənu vənshə faŋ lùu vənu və Tii ŋwaa, lùu vənu vaŋ nɨzi. Lùu ŋiꞌ nu ŋkɨə faŋ mə gì laa ŋkə ndɔ kɨ fi nu kaŋ, twelə tɨ́ viŋ nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:2

A nə kɔ̀ wutə shee maa məsɔꞌ vɨɨ vənshə fɨ shɨ nsi, laa mə kɨ kɔ məbwey faŋ ŋwə gòꞌsə yighee muꞌ tɨ́ vɨɨ vənshə, faŋ a nə kɔ̀ shee nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:25

Ntay yimɔ́ꞌ fuu taa ŋwaa vɨɨ məzwetə nu Jɔn ghɔ vɨ wə Jus mɔ́ꞌ, buꞌ nu məyɨsə wə ley vɨsɨ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:26

Sheꞌ faŋ Nwi kìi wutə maa məkɔ məbwey, ŋwə kɔ wutə kɔ́ tɨ́ ŋwiŋ wi nɨzi maa məkɔ məbwey tɨ́ vɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:27

Nwi nə kɔ̀ wutə məshia nsɔꞌsə vɨɨ tɨ́ ŋwiŋ wi, buꞌ laa ŋwə lùu Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:29

Yia kɔꞌ kɨɨ laa ŋkee fɨshi Nwi nə gì tɨ́ Mose. Gə̀ fɨ maa wə ŋwə̀, yia kee kɨɨ nə fɔɔ faŋ ŋwə ndɔ̀ fɨ fuŋ me.»

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Akts 2:17

«Nwi gì laa, yi ndɔ tu Zwitə Ley Nwi tɔ vɨɨ vənshə maa vəshi vəndwə, laa vaŋ viŋ, mbə vəndɔŋ nə mbə vəki, ndɔ kɨ naysə yigisə shuu Nwi. Zawə wiŋ ndɔ kɨ ye vəshwenə və Nwi. Gə fɨ maa vɨɨ taa viŋ, njyəəsə ndɔ kɨ shi vəŋ, laa vəŋ ye ŋiꞌ nu Nwi shɔ.

Roma 1:4

Ŋwə lùu wee Nwi buꞌ wutə Nwi nə Zwitə Ley ŋkɨə faŋ ŋkə lùu taa ŋwaa ŋwə. Nwi nùŋsə ŋwə maa ŋwiŋ wi, buꞌ faŋ ŋwə nə ywèysə ŋwə fɨ shɨ yiku. Wee Nwi ghɔ́ lùu tɨta ŋwaa-nsiŋ Yeso Kristo,

Roma 8:17

Faŋ nsiŋ lùu vaŋ Nwi nə, buu nsiŋ ndɔ zɨ vətɔ fɨ ghɔ ŋwə nɨzi. Nsiŋ ndɔ zɨ vətɔ vɔ́, nsiŋ vɨ Kristo mɔ́ꞌ. Nsiŋ kɨ luu ŋìi taa ŋɨꞌ nsiŋ vɨ Kristo mɔ́ꞌ, buu nsiŋ ndɔ kii feenə Nwi nsiŋ vɨ Kristo mɔ́ꞌ nɨzi.

1 Kɔrintian 2:7

Nu tɔ-ley ŋkɨə faŋ yia gisə nə, luu ŋkee nu tɔ-ley Nwi, faŋ wə mənsaw nə kee ta yiye me. Ŋkee fɨshi, faŋ Nwi nə kee ta zì kɨ bɔŋ mbi me, Nwi nə duꞌtə Nwi tə nu tɔ-ley kɔ́, tɨ́ kaꞌ nsiŋ vɨ vəŋ ndɔ luu mɔ́ꞌ taa yikwalə yi.

1 Kɔrintian 8:6

nsiŋ kɔꞌ kɨɨ laa Nwi luu sheꞌ muꞌ. Lùu ŋwə lùu Tii ŋwaa-nsiŋ. Bɔ̀ŋ ŋwə bɔ̀ŋ vətɔ vənshə. Ŋwə baa bɔ̀ŋ nsiŋ, laa nsiŋ kɨ kɔ feenə tɨ́ ŋwə. Wə ntɨə faŋ ŋwə kìi nsiŋ, luu sheꞌ muꞌ, lùu Yeso Kristo. Nwi nə shɔ̀ɔ fɨ yiba jɨŋ ŋwə, buu bɔŋ vətɔ vənshə. Məbwey ŋwaa-nsiŋ ndɔ̀ fɨ ghɔ ŋwə.

Galatia 4:4

Luu nə, Nwi kɨ nii tɔ̀ŋ ŋwiŋ wi taa mbi maa yighee njyə faŋ Nwi nə tə. Wəzwi mɔ́ꞌ gɔ ŋwə, bì ŋwə. Ŋwə nəə beꞌsə ntɨsə nsɨə faŋ Nwi nə kɔ̀ tɨ́ vɨɨ Jus nə nɨzi.

Efesɔs 1:10

faŋ yighee ndɔ kɨ kuꞌ nə. Maa yighee yɔ́ ŋwə nə tɔ̀ŋ Kristo laa ŋwə baytə vətɔ vənshə faŋ mbə lùu yizɔ, nə mbɨə faŋ mbə lùu nsi, laa Kristo ndɔ sɔꞌ mbə vənshə.

Efesɔs 3:9

tɨ́ kaꞌ mə kɨ ŋaꞌsə sɨ vəŋ, vəŋ kɨɨ nə jɨɨ njyə faŋ Nwi, wuu məbɔŋ vətɔ vənshə, yɨsə vənu. Jɨɨ yɔ́ nə ndènə taa njyoꞌ ŋwə shù fɨshi.

Hibru 1:5

Nwi nə gì tɨ́ ŋwə laa, «A lùu ŋwiŋ ŋwaa. Nshɨ-tɔ ŋwaa nə bì ghɔ ndee.» Nwi nə baa luu gì tɨ́ ŋwə laa, «A lùu ŋwiŋ ŋwaa, mə luu tii wə.» Nshiiŋii Nwi kee lùu shɔ, faŋ Nwi nə gì kəŋ nu ghɔ́ tɨ́ ŋwə me. Nwi nə gì nɨniŋ sheꞌ tɨ́ ŋwiŋ wi Yeso Kristo.

Hibru 1:8

Gə̀ fɨ maa ŋwiŋ wi, Nwi nə gì tɨ́ ŋwə laa, «Ghɔ Nwi, yifwàŋ yə ndɔ goꞌsə yighee muꞌ, a sɔꞌ yifwàŋ yə nə yinsəŋ.

Hibru 11:3

Lùu nu məbiŋ faŋ nsiŋ kɨɨ laa Nwi nə bɔ̀ŋ mbi sheꞌ nə yigisə yi. Ŋwə nə gì nu, vətɔ kɨ nii lùu shɔ. Nɨniŋ, vətɔ faŋ wə ye nə yisɨ taa mbi nyə̀, mbə nə fùu sheꞌ fɨ taa yigi, faŋ kaꞌ wə kee bee ye yigi yɔ́ me.

Hibru 2:3

Faŋ ŋkə lùu nɨniŋ nə, gə̀ fɨ maa nsiŋ, faŋ nsiŋ zɔ ntɔŋ yimɔ́ꞌ faŋ nyə kwàlə shɔ̀ɔ, kɔ̀ jɨɨ məbwey vəlwaŋ tɨ́ vɨɨ, sii kaꞌ nsiŋ fùu fɨ taa nsɔꞌ kɨkə, faŋ nsiŋ kee zɔnə ntɔŋ yinjii me? Ntɔŋ yɔ́ nə fɔŋ fùu taa mbi faŋ tɨta Yeso nə fɨ̀ꞌtə tɨ́ vɨɨ nə. Vɨɨ mbɨə faŋ vəŋ nə zɔ̀ ntɔŋ yɔ́, lèsə tɨ́ nsiŋ laa lùu nu yinsəŋ.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Hibru 4:14

Nsiŋ tɨŋ sheꞌ maa nu ŋkɨə faŋ nsiŋ bìŋ yikəꞌ vɨɨ nə, buꞌ laa wuu kwalə məfeꞌ Nwi lùu shɔ, faŋ ŋwə tɨ̀ŋ tɔ nsiŋ. Wuu kwalə məfeꞌ Nwi ghɔ́ lùu Yeso, wee Nwi, faŋ ŋwə nə koꞌ gə̀ yɨ Nwi yizɔ.

Hibru 5:8

Faŋ ŋwə nə kɔlə lùu Wee Nwi nə, ŋwə nə zwètə maa məzɔnə Tii wi, faŋ ŋwə nə fì ŋɨꞌ yi nə.

Hibru 7:28

Vɨɨ kwalə məfeꞌ Nwi mbɨə faŋ vɨ nùŋsə maa jɨɨ ntɨsə Mose, lùu vɨɨ faŋ vəŋ yaa kɨ gu nu. Gə fɨ Wee Nwi faŋ Nwi nùŋsə ŋwə fɨ maa məkee mbɨə faŋ mbə nə ndì shəŋ ntɨsə sɔ́, ŋwə fàynə ŋkɨɨ Nwi yinshə, gòꞌsə yighee muꞌ.

Hibru 7:3

Vɨ kee nyɔ̀ꞌ yizii tɨɨ Melkizedek taa ŋwaꞌlə Nwi me, tɨꞌnə me yizii nshu wi me. Vɨ kee gì nu kɔ̀ŋ ŋiꞌ ŋii ki me. Vɨ kee kɨ̀ɨ nə yighee njyə faŋ vɨ nə bì ŋwə me, kee kɨ̀ɨ nə yighee njyə faŋ ŋwə nə kù shɔ me. Nɨniŋ, ŋkə kɨ nii lùu laa ŋwə lùu wuu məfeꞌ Nwi faŋ ŋwə gòꞌsə yighee muꞌ. Ŋkə baa lùu laa ŋwə lùu yaa Wee Nwi, faŋ ŋwə gòꞌsə yighee muꞌ nɨzi.

Hibru 9:26

Ŋkə nəə toꞌ kee lùu nɨniŋ me, buu ŋwə nə yè ŋɨꞌ ghee yaŋ, zì fɨ maa yighee njyə faŋ mbi nə tèy. Yinsəŋ ŋwə nə fùu taa mbi sheꞌ yighee muꞌ, faŋ lùu ndwə, faŋ mbi kəə me nə. Ŋwə nə ndì ŋkee ŋwaa wi, fèꞌ ndey shɔ tɨ́ Nwi maa məndisə nu bwə wə mənsaw yighee muꞌ.

1 Pita 1:20

Nwi nə nùŋsə ŋwə maa nu kɔ́, shù faŋ ŋwə nə kee ta zì maa məbɔŋ mbi me. Luu nə, ŋwə fuu ntee vɨsɨ vɨɨ sheꞌ maa yighee vəshə. Nu kɔ́ bàw tɨ́ viŋ,

2 Pita 3:3

Viŋ kɔꞌ kɨɨ jəə jəə laa vɨɨ məshɨꞌ vɨɨ Nwi ndɔ fuu, kɨ shɨꞌ viŋ shɨshɨꞌ maa yighee shə. Vɨɨ vɔ́ ndɔ kɨ yɨsə sheꞌ vənu faŋ too vəŋ kàw, kɨ shɨꞌ viŋ shɨshɨꞌ,

Ŋwaꞌlə Jud 1:18

Vəŋ nəə gisə laa, vɨɨ ndɔ fuu maa yighee shə, kɨ shɨꞌ nu Nwi. Lùu vɨɨ faŋ vəŋ kee kɨ̀ɨ nə Nwi me, yɨ sheꞌ vənu faŋ yiŋwaa vəŋ kàw.