Hibru 1:14 - Vengo (Babungo)

¹⁴ Nshiisə-ŋiisə Nwi sənshə luu sheꞌ vəzwitə faŋ vəŋ faꞌ tɨ́ Nwi, faŋ ŋwə tɔ̀ŋ vəŋ laa vəŋ gə gàŋtə vɨɨ mbɨə faŋ Nwi taa bweysə vəŋ nə.

Hibru 1:14 ပူးပေါင်းရင်းမြစ်များ

Matiu 1:20

Faŋ ŋwə nə bɨꞌtə nɨniŋ, njyəə shi ŋwə, nshiiŋii Nwi jwi maa ŋwə taa njyəə, gì laa, «Josef, wuu ŋiinə Deyvid, kɨ ghɔ fee maa məndi Meri maa zu wə me. Məgɔ ŋwə̀ faŋ ŋwə gɔ̀ nə, yɨ̀sə Zwitə Ley Nwi.

Matiu 13:41

Wuu yinsəŋ Nwi ndɔ tɔŋ nshiisə-ŋiisə Nwi, vəŋ baytə vɨɨ vənshə fɨ shɨ ŋwə, faŋ vəŋ nə bwèꞌsə vɨɨ, nə vɨɨ mbɨə faŋ vənu vəvəŋ kee lùu vəloomə me,

Matiu 18:10

Viŋ kɨ ndɨɨnə laa kɨ viŋ shia fɨ maa vaŋ vəbwavə və̀ me. Mə naysə tɨ́ viŋ laa nshiisə-ŋiisə Nwi nsɨə faŋ nsə shiŋnə vaŋ vɔ́, lùu yizɔ, ye yikəꞌ Tii ŋwaa faŋ ŋwə lùu yizɔ nə.

Matiu 2:13

Vəŋ ndɔ nɨniŋ, njyəə shi Josef. Nshiiŋii Nwi jwi maa ŋwə taa njyəə, gì tɨ́ ŋwə laa, «Ndɔ fɨ nsi, ndì wee ŋwə̀ ghɔ nshu wi, nyɨŋ gə̀ shɨ Ijip, gòꞌ shɔ, zìꞌ maa yighee njyə faŋ mə ndɔ naysə tɨ́ ghɔ, buꞌ laa fwàŋ Herod shoꞌ ghuu wee ŋwə̀ maa məzwi ŋwə.»

Matiu 24:31

Ŋwə ndɔ jwi nɨniŋ, tɔ̀ŋ nshiisə-ŋiisə si nə yisaw yikwalə faŋ vɨ taw ŋkee nəŋay. Nshiisə-ŋiisə sɔ́ baytə vɨɨ mbɨə faŋ vɨ shòꞌ fɨ taa mfaysə mbi sənshə, nə fɨ maa vəndwə və mbi vənshə.

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Matiu 4:11

Ŋwə nə gì nɨniŋ, tɨɨ vəzwitə vəbwəvə ndɔ fɨ yɨ ŋwə, gə̀. Nshiisə-ŋiisə Nwi kɨ nii jwì yɨ ŋwə, fàꞌ tɨ́ ŋwə.

Mark 10:17

Yeso kɨ nii fùu fu, zìꞌ jɨɨ, wə mɔ́ꞌ nyɨŋ jwì, tùŋ vətɔ vəyəə vi nsi vɨsɨ ŋwə, bìtə tɨ́ ŋwə laa, «Tɨta, a lùu wuu jəə. Mə kəə bitə tɨ́ ghɔ laa, mə sii taa yɨ kə buu zɨ məbwey vəlwaŋ faŋ ŋwə gòꞌsə yighee muꞌ?»

Lukas 1:19

Nshiiŋii Nwi yɔ́ bəŋsə tɨ́ ŋwə laa, «Mə lùu Gabreya faŋ ŋwə tɨ̀ŋnə yɨ Nwi. Vɨ tɔ̀ŋ mə laa mə jwi gì tɨ́ ghɔ maa mənaysə ntɔŋ yijəə nyə̀ tɨ́ ghɔ.

Lukas 1:23

Vəshi və faꞌ vi kɨ mè, ŋwə ndɔ gə̀ fu ŋwə.

Lukas 16:22

Kɨ lùu maa shi mɔ́ꞌ, wuu ŋɨꞌ ghɔ́ ku. Nshiisə-ŋiisə Nwi jwi ndì ŋwə, koꞌ gə̀ nə ŋwə yizɔ, nùŋ ŋwə yɨ tii ŋwaa-nsiŋ Abraham. Tɨɨ ka ghɔ́ baa luu kù nɨzi, vɨ təə ŋwə.

Lukas 2:13

Sheꞌ fɨkɨꞌ nee, nwaa butə vɨɨ fɨ yizɔ gwəkə fuu yɨ nshiiŋii Nwi yɔ́, kɨ bəŋsə Nwi laa,

Lukas 2:9

Nshii-ŋii Nwi gwəkə fuu vɨsɨ vəŋ, məley Nwi bee kia vəŋ, vəŋ fee ŋkee dɨdɨꞌ.

Akts 11:22

Sɔꞌkə buꞌ nu kɔ́ ziꞌ maa vɨɨ Kristo fɨ ntɨꞌ Jerusalem. Vəŋ zɔ nu kɔ́, tɔ̀ŋ Barnabas ntɨꞌ Antiɔk (fɨ shɨ Siria).

Akts 12:23

Sheꞌ yighee tii-njii, nshiiŋii Nwi saŋ ŋwə, buꞌ laa ŋwə nə kee gwènə Nwi me, vəmbii vənsaysə kwə ŋwə, ŋwə ku.

Akts 12:7

Nshiiŋii Nwi gwəkə fùu, məley Nwi bee taa ŋii mfiŋ yɔ́. Nshiiŋii Nwi yɔ́ buꞌtə Pita fɨ yiŋii ŋwə, yə̀ŋ ŋwə, gì tɨ́ ŋwə laa, «Yasə ndɔ yizɔ!» Sheꞌ yighee yɔ́ mfiŋsə sɔ́ shiakə fɨ kwiŋ ŋwə, fìŋkə nsi.

Akts 13:2

Shi mɔ́ꞌ faŋ vəŋ nəə bəŋsə Nwi, baa baŋ fazɨ, Zwitə Ley Nwi gi tɨ́ vəŋ laa, «Viŋ shoꞌ Barnabas nə Sɔɔl, kɔ̀ tɨ́ mə, nùŋ vəŋ maa faꞌ ŋgwə faŋ mə yaa tii vəŋ shɔ nə.»

Akts 16:26

Faŋ vəŋ nə shɔꞌtə Nwi, zwaa nyaysə nə, nsi gwəkə nə̀ꞌnə, shɨŋii ŋii mfiŋ nəꞌnə. Sheꞌ yighee yɔ́ təshuu təfwə tə ŋii mfiŋ ŋaꞌnə, məŋkɔꞌ keꞌkə fɨ fəŋ wə tɨ̀ mə wə.

Akts 27:23

Nshiiŋii Nwi nii jwì maa mə vətuꞌ ndee. Nə luu nshiiŋii Nwi, faŋ kìi Nwi ghɔ́ kìi mə. Mə baa luu bəŋsə ŋwə.

Akts 5:19

Kɨ luu vətuꞌ nshiiŋii Nwi jwi, ŋàꞌsə shuu ŋii mfiŋ ghɔ́, fùusə vəŋ, gì laa,

Roma 11:14

tɨ́ kɨ kaꞌ yighee mɔ́ꞌ mə baa dɔ̀ŋsə ŋgwisə nyaa, bwèysə vɨɨ mɔ́ꞌ fɨ taa ŋwaa vəŋ nɨzi.

Roma 13:6

Maa lùu ŋiꞌ nu ŋkɨə faŋ viŋ ndɔꞌ tasə shɔ, buꞌ laa vɨɨ məsɔꞌ shɨ faꞌ tɨ́ Nwi, faꞌ vəfaꞌ vəvəŋ vɔ́ ghee nshə.

Roma 15:16

laa mə gu wuu faꞌ Yeso Kristo taa ŋwaa vɨɨ tətɔŋ fu. Mə faꞌ tɨ́ Nwi yaa wuu məfeꞌ Nwi, fɨꞌtə ntɔŋ yijəə Nwi tɨ́ vɨɨ. Nɨniŋ laa vɨɨ tətɔŋ fu jwi, kɨ kɔ Nwi nə yiŋwaa vəŋ. Zwitə Ley Nwi yɨsə vəŋ baw tɨ́ Nwi.

Roma 15:27

Vəŋ nə kàw maa məyɨ nɨniŋ. Luu nə, nə baa lùu ŋkee nu vəŋ maa məyɨ nɨniŋ, buꞌ laa ŋkə kùꞌnə tɨ́ vɨɨ tətɔŋ fu faŋ vəŋ nə zɨ̀ nu Zwitə Nwi, faŋ ŋkə nə ndɔ̀ fɨ ghɔ vɨɨ Isirayl nə, laa vəŋ baa luu kɔ̀ vətɔ vəzɨvə tɨ́ vəŋ, vəŋ zəsə yiŋwaa yivəŋ shɔ.

Roma 8:17

Faŋ nsiŋ lùu vaŋ Nwi nə, buu nsiŋ ndɔ zɨ vətɔ fɨ ghɔ ŋwə nɨzi. Nsiŋ ndɔ zɨ vətɔ vɔ́, nsiŋ vɨ Kristo mɔ́ꞌ. Nsiŋ kɨ luu ŋìi taa ŋɨꞌ nsiŋ vɨ Kristo mɔ́ꞌ, buu nsiŋ ndɔ kii feenə Nwi nsiŋ vɨ Kristo mɔ́ꞌ nɨzi.

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

2 Kɔrintian 9:12

Viŋ kɔꞌ kɨɨ laa ŋiꞌ faꞌ ŋgwə faŋ nsiŋ faꞌ maa məgaŋtə vɨɨ nə, kee luu sheꞌ nu məkɔ vətɔ mbɨə faŋ mbə bəə fɨ ghɔ vɨɨ ley Nwi nə me. Ŋwə ndɔ yɨsə nu faŋ ŋkə shɔ̀ɔ yiŋkii, nu kɔ́ lùu laa vɨɨ vəyaŋ ndɔ kɨ bwaŋ Nwi shɔ.

Galatia 3:29

Viŋ kɨ yɨ lùu vɨɨ Kristo, buu ŋkə də̀ laa viŋ lùu vaŋ Abraham nɨzi, buu viŋ ndɔ fi vətɔ vənshə faŋ Nwi nə kɔ̀ꞌnə, laa Nwi ndɔ kɔ tɨ́ Abraham ghɔ ŋgwisə yi.

Galatia 3:7

Nɨniŋ, bàw viŋ kɨɨ laa, lùu vɨɨ mbɨə faŋ vəŋ nùŋ fwisə vəŋ maa Kristo, faŋ lùu vaŋ Abraham.

Galatia 3:9

Nɨniŋ, sheꞌ faŋ Nwi nə tù mənɔŋ-bwaŋnə tɔ Abraham, faŋ ŋwə nə bìŋ yigisə Nwi, Nwi baa tu mənɔŋ-bwaŋnə tɔ vɨɨ vənshə, faŋ vəŋ nuŋsə fwisə vəŋ maa Nwi, biŋ Nwi.

Efesɔs 3:6

Ŋiꞌ nu kɔ́ lùu laa, vɨɨ mbɨə faŋ vɨ nə kee bì vəŋ yaa vɨɨ Jus me, lùu vɨɨ məzɨ vətɔ və Nwi nɨzi, baa lùu way ŋwaa vɨɨ Nwi, ndɔ zɨ məbwey vəlwaŋ nɨzi, faŋ Nwi nə kɔ̀ꞌnə maa məkɔ tɨ́ vɨɨ nə. Lùu nɨniŋ buꞌ Yeso Kristo, faŋ vəŋ bìŋ ntɔŋ yijəə yi nə.

Filipi 2:17

Məbiŋ wiŋ faŋ viŋ biŋ Kristo nə, lùu yaa ndey faŋ viŋ fèꞌ tɨ́ Nwi. Kɨ yighee mɔ́ꞌ məbwey ŋwaa ndɔ ndi, buu lùu yaa fa faŋ vɨ ndi, kùꞌsə maa ndey yɔ́. Ŋkə taa luu nɨniŋ, buu mə taa kii məŋaytə taa fwi mə; nsiŋ baa faynə yiŋwaa, kɨ ŋaytə.

Filipi 2:25

Gə fɨ maa Epafroditɔs, weenshu ŋwaa-nsiŋ, faŋ yia ŋwə nəə faꞌ mɔ́ꞌ nə, ŋɨɨlə buꞌ nu Nwi mɔ́ꞌ nə. Ŋwə baa lùu wuu ntɔŋ wiŋ, faŋ ŋwə nə jwì ndèynə mə, gàŋtə mə. Luu nə, ŋkə bàw laa mə baa tɔŋ ŋwə, ŋwə bəŋ jwi yɨ viŋ.

2 Tesalonika 1:7

Ŋwə ndɔ baa kɔ zutə tɨ́ viŋ faŋ viŋ yè ŋɨꞌ fɨ ghɔ vɨɨ ndwə nə. Ŋwə ndɔ kɔ zutə tɨ́ nsiŋ vənshə maa yighee njyə faŋ tɨta Yeso ndɔ fuu fɨ taa yizɔ ntee, kɨ jwi ghɔ nshiisə-ŋiisə Nwi faŋ wutə ki lùu maa vəŋ nə.

Taytəs 3:7

Ŋwə nə yɨsə nɨniŋ tɨ́ kaꞌ vənu vaŋ-nsiŋ lùu vəloomə sɨ Nwi, buꞌ faŋ Kristo kee gəŋ saŋ-nsiŋ, gaŋtə nsiŋ nə. Ŋwə baa bweysə nsiŋ laa nsiŋ kɨ kɨꞌ məbwey vəlwaŋ faŋ nsiŋ ndɔ zɨ, buꞌ faŋ nsiŋ lùu vaŋ vi nə.

Hibru 10:11

Gə fɨ maa kwiŋ vɨɨ məfeꞌ Nwi vɨɨ Jus, vəŋ vənshə tɨ̀ŋnə maa shəŋ məkɔ Nwi shi shi, faꞌ faꞌ vəŋ tɨ́ Nwi shɔ. Vəŋ ndi nyaasə, feꞌ sheꞌ kəŋ ndey yimuꞌ shɔ ghee nshə, faŋ kəŋ ndeysə sɔ́ kee bee kìi wutə maa məbaꞌsə nu bwə faŋ vɨɨ yɨ̀sə nə me.

Hibru 2:3

Faŋ ŋkə lùu nɨniŋ nə, gə̀ fɨ maa nsiŋ, faŋ nsiŋ zɔ ntɔŋ yimɔ́ꞌ faŋ nyə kwàlə shɔ̀ɔ, kɔ̀ jɨɨ məbwey vəlwaŋ tɨ́ vɨɨ, sii kaꞌ nsiŋ fùu fɨ taa nsɔꞌ kɨkə, faŋ nsiŋ kee zɔnə ntɔŋ yinjii me? Ntɔŋ yɔ́ nə fɔŋ fùu taa mbi faŋ tɨta Yeso nə fɨ̀ꞌtə tɨ́ vɨɨ nə. Vɨɨ mbɨə faŋ vəŋ nə zɔ̀ ntɔŋ yɔ́, lèsə tɨ́ nsiŋ laa lùu nu yinsəŋ.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

Hibru 6:12

Yia kee kəə laa viŋ kɨ bəə ŋay me, yia kəə laa viŋ kɨ beꞌsə vɨɨ mbɨə faŋ vəŋ nùŋ fwisə vəŋ maa Nwi, twèꞌ shɔ, tɨ́ kaꞌ vəŋ ndɔ zɨ məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ vi nə.

Hibru 6:17

Sheꞌ nɨniŋ, Nwi nəə kəə də̀ tɨ́ vɨɨ mbɨə faŋ Nwi nə kɔꞌnə vəŋ nə, laa yi taa kɔ fa ŋkɨə faŋ yi kɔ̀ꞌnə tɨ́ vəŋ nə, kee kwìinə fwi yi me. Nɨniŋ, ŋwə lɨꞌtə nu ŋkɨə faŋ ŋwə kɔ̀ꞌnə nə.

Hibru 8:6

Nɨniŋ, nsiŋ ye laa Nwi kɔ̀ faꞌ tɨ́ Yeso, faŋ ŋwə kwàlə shɔ̀ɔ ŋgwə vɨɨ məfeꞌ Nwi vənshə. Yeso baa luu jwì nə məkee məfimə faŋ Nwi nə gwìa tɨ́ vɨɨ. Məkee məfimə mbɔ́ bàw shɔ̀ɔ məkee məmwamə buꞌ vənu vəjəəvə faŋ Nwi kɔ̀ꞌnə tɨ́ nsiŋ nə.

Hibru 9:28

Sheꞌ nɨniŋ, Kristo nə fɔŋ jwì kù yighee muꞌ, laa ŋwə yɨsə vɨɨ vəyaŋ nyɨŋ fɨ taa nu bwə vəŋ, baa nə laa ŋwə ndɔ baa bəŋ jwi mbi nyə̀, lwesə ghee bɔɔ. Maa yighee yɔ́ ŋwə ndɔ kee baa jwi maa məsɔ nu bwə vɨɨ me; ŋwə ndɔ bee kii jwi maa məkɔ məbwey vəlwaŋ tɨ́ vɨɨ vi faŋ vəŋ kɨꞌ ŋwə nə.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

1 Pita 1:12

Vəŋ nəə kəə nɨniŋ, Nwi twelə tɨ́ vəŋ laa nu kɔ́ nə kee lùu tɨ́ vəŋ me, faꞌ vəŋ nə luu buꞌ viŋ, faŋ vəŋ nə fɨ̀ꞌtə vənu vɔ́ nə. Vənu vɔ́ nə luu sheꞌ vənu mbɨə faŋ viŋ zɔ fɨ ghɔ vɨɨ məfɨꞌtə ntɔŋ yijəə Nwi ndwə. Nwi nə tɔ̀ŋ Zwitə Ley fɨ yizɔ, ŋkə ŋii taa fwisə vəŋ, buu vəŋ jwi kɨ fɨꞌtə ntɔŋ yijəə yɔ́ tɨ́ viŋ ndwə. Luu ŋkee ntɔŋ yijəə faŋ ŋkee nshiisə-ŋiisə Nwi kəə taa ghaa ye vənu vɔ́ nɨzi.

1 Pita 1:4

Ŋwə bì nsiŋ nə nshinə yifi, laa nsiŋ kɨꞌ vətɔ mbɨə faŋ nsiŋ ndɔ zɨ yinsəŋ. Vətɔ vɔ́ kaꞌ mbə kee ndɔ shuu me, kee bɨ me, kee mè me. Nwi nùŋsə vətɔ vɔ́ yizɔ tɨ́ viŋ,

1 Pita 3:7

Gə fɨ maa viŋ, vəndɔŋ, viŋ duꞌ jəə viŋ vɨ vəki viŋ. Viŋ kɨ tɔfə buꞌ laa viŋ kɔꞌ kɨɨ laa wutə vəki kee kùꞌ ghɔ ŋkiŋ me. Viŋ kɨ zɔnə vəŋ nɨzi, buꞌ laa Nwi kɔ̀ məbwey vəlwaŋ tɨ́ viŋ vɨ vəŋ vənshə dayday. Viŋ kɨ yɨ nɨniŋ, tɨ́ kaꞌ nu kəmuꞌ kee ghɔ̀ꞌ viŋ faŋ viŋ shɔꞌtə Nwi me.

Ŋwaꞌlə Jud 1:14

Ŋkee fɨshi, Enok, faŋ lùu vəshiŋ və vɨɨ lwesə kwatia fɨ ghɔ Adam, nə gì nu ŋkɨə faŋ Nwi nə kwàŋ taa fwi ŋwə kɔ̀ŋ vɨɨ vì. Ŋwə nə gì laa, «Viŋ zɔ! Tɨta Nwi ndɔ jwi nə vɨɨ ley vi, vəmalia vəmalia,

Reveleyshən 5:6

Mə kɨ nii yè wə faŋ ŋwə lùu yaa wee-bi-njɨɨ faŋ ŋwə tɨ̀ŋ nɨntəŋ ŋwaa vəŋkaw vɔ́, tɨ́ vətɔ vəbweyvə vɔ́ yishwe nə vɨɨ taa vɔ́ kia ŋwə, bi yɔ́ kəꞌ yaa vɨ nii zɨzwi, ndaw si nə luu shɔ kwatia, nə sɨ ghi kwatia. Luu ŋkee vəzwitə və Nwi kwatia faŋ ŋwə tɔ̀ŋ, mbə gə maa vəshəŋ vənshə fɨ taa mbi.