Filipi 4:18 - Vengo (Babungo)

¹⁸ Mə ye vətɔ vənshə faŋ viŋ tɔ̀ŋ shee nə, mbə yaŋ shɔ̀ɔ faŋ mə kəə. Fa kee baa lùu shɔ faŋ mə bəə me, buꞌ vətɔ mbɨə faŋ viŋ tɔ̀ŋ shee, Epafroditɔs jwì nə mbə nə. Mbə lùu yaa vətɔ faŋ mbə kìi lumə jəə, baa lùu yaa ndey faŋ wə fèꞌ tɨ́ Nwi, Nwi ŋaytə shɔ.

Filipi 4:18 ပူးပေါင်းရင်းမြစ်များ

Akts 10:4

Ŋwə ndeynə fee, gì laa, «Tɨta, lùu nu kə?» Nshiiŋii Nwi yɔ́ gi tɨ́ ŋwə laa, «Nwi zɔ̀ məshɔꞌtə wə, baa nə vəkɔ və faŋ a gaŋtə vɨɨ ŋɨꞌ shɔ nə. Nwi kàw vənu vɔ́.

Roma 12:1

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

2 Kɔrintian 11:8

Faŋ mə nəə faꞌ tɨ́ viŋ nə, ndɔꞌ nshəŋtə vɨɨ Nwi vəday ndɔꞌ mə. Mə nəə fi fɨ ghɔ vəŋ maa məfaꞌ tɨ́ viŋ.

2 Kɔrintian 9:12

Viŋ kɔꞌ kɨɨ laa ŋiꞌ faꞌ ŋgwə faŋ nsiŋ faꞌ maa məgaŋtə vɨɨ nə, kee luu sheꞌ nu məkɔ vətɔ mbɨə faŋ mbə bəə fɨ ghɔ vɨɨ ley Nwi nə me. Ŋwə ndɔ yɨsə nu faŋ ŋkə shɔ̀ɔ yiŋkii, nu kɔ́ lùu laa vɨɨ vəyaŋ ndɔ kɨ bwaŋ Nwi shɔ.

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

Filipi 4:12

Mə kɔꞌ kɨɨ maa məduꞌ taa ŋɨꞌ faŋ mə bəə vətɔ. Mə baa kɨɨ maa məduꞌ faŋ vətɔ lùu vəyaŋ. Mə duꞌtə mə ye kəŋ vənu vɔ́ vənshə, zwetə maa məjia fwi maa vənu vənshə. Mə kɨɨ nə yighee faŋ mə zɨ zwə, baa nə yighee faŋ jɨŋ zà mə. Mə kɨɨ nə yighee faŋ vətɔ yaŋ bə̀, nə yighee faŋ fa kee luu shɔ me.

2 Tesalonika 1:3

Vaŋ-nshwi via, bàw yia kɨ bwaŋ Nwi buꞌ viŋ ghee nshə. Ŋkə kùꞌnə maa məyɨ nɨniŋ, buꞌ laa viŋ wèꞌ maa nu ŋkɨə faŋ viŋ nùŋ fwi siŋ shɔ nə. Ŋkawnə yiŋ faŋ viŋ vənshə kaw nə yiŋwaa yiŋ, viŋ viŋ, baa lùu yiyaŋ, gə vɨsɨ vɨsɨ nɨzi.

Hibru 13:16

Kɨ viŋ ndenə maa məyɨ jəə tɨ́ vɨɨ mɔ́ꞌ me. Viŋ gaŋtə yiŋwaa yiŋ, viŋ viŋ, buꞌ laa lùu kəŋ ndey mɔ́ꞌ faŋ nyə bàw tɨ́ Nwi.

1 Pita 2:5

Nɨniŋ, bàw viŋ gu ŋoꞌsə bweysə nɨzi, tɨ́ kaꞌ Nwi ndì viŋ, bɔ̀ŋ viŋ yaa ŋoꞌsə, viŋ gù ŋii Zwitə Nwi, baa gù vɨɨ məfeꞌ Nwi nɨzi, faŋ vəŋ ley vɨsɨ Nwi. Nɨniŋ, kaꞌ viŋ kɔ Nwi maa Zwitə Ley Nwi, faŋ Nwi kaw nə, buꞌ Yeso Kristo.