Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filipi 3:19 - Vengo (Babungo)

19 Vəŋ ndɔ ŋii taa nsɔꞌ Nwi, ndì. Vəŋ kàw sheꞌ maa məzɨ shɨ. Nu kɔ́ lùu tɨ́ vəŋ yaa Nwi vəŋ. Vəŋ koꞌsə ŋwaa buꞌ vənu faŋ bee kii lùu vənu və tɔ dɨɨ. Vəŋ bɨꞌtə sheꞌ vənu və shɨ nsi.

အခန်းကိုကြည့်ပါ။ ကော်ပီ




Filipi 3:19
52 ပူးပေါင်းရင်းမြစ်များ  

Ŋwə kiasə ŋwaa wi, gì tɨ́ Pita laa, «Suꞌtə fɨ yiba jɨŋ mə, Satan, a kɔꞌsə mə taa mbwəə, buꞌ laa a kee bɨꞌtə nu Nwi me, a bɨꞌtə luu sheꞌ nu wə mənsaw.»


Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.


Mə yɨ nɨniŋ, buu mə taa gi fɨ taa fwi mə laa vətɔ vaŋ faŋ mə nuŋsə, yaŋ, kùꞌnə maa ŋuꞌsə səyaŋ, kaꞌ mə shəŋ ŋwaa, kɨ nu, ndɔ zɨ, ŋaytə.»


Yeso nə baa tìi yigisə tii yimɔ́ꞌ laa, «Tɨɨ ka mɔ́ꞌ nə luu shɔ, mɔꞌ vədalə nə njwisə fusə faŋ nsə bàw shɔ̀ɔ, zɨ ŋkee fazɨ jəə vəshi vənshə.


Ŋwə kee kaw biŋ me, tay. Kɨ luu fɨ yiba, faŋ wəzwi ghɔ́ nə jwi maa ŋwə ghee yaŋ, ŋwə bɨꞌtə fɨ taa fwi ŋwə laa, «Mə kee bee fee Nwi me, kee tii wə nə wuumba ŋwaa me.


buꞌ laa kəŋ vɨɨ vɔ́ kee faꞌ luu tɨ́ tɨta ŋwaa-nsiŋ Yeso Kristo me, vəŋ faꞌ luu tɨ́ njyoꞌ vəŋ, bweꞌsə vɨɨ faŋ məbiŋ vəŋ lùu ŋoo-shuu vəŋ nə yigisə yibwaŋnə nə yigisə yisɨꞌsə.


Ŋgwisə vətaŋ yiŋ faŋ viŋ nə mɔ̀ꞌ maa yighee yɔ́, nə luu mbɨə? Maa nə luu nu ŋkɨə faŋ tɔ kiŋ dɨ̀ɨ shɔ ndwə, buꞌ laa vəndwə və vənu vɔ́ lùu yiku.


buꞌ laa viŋ kɨ bii shi nshinə yiŋ yaa vɨɨ fɨ taa mbi. Viŋ kɨ bii nə fəsə baa nə ntaysə taa ŋwaa viŋ. Ŋkə də̀ laa mbɨꞌtə yiŋ kɨ bii yaa njyə vɨɨ fɨ taa mbi, viŋ toꞌ yaa vɨɨ fɨ taa mbi.


Sii kaꞌ viŋ koꞌsə yiŋwaa kɨkə, faŋ vɨɨ fɨ taa ŋwaa viŋ yɨsə kəŋ vənu vɔ́? Bàw viŋ gwia buꞌ vənu vəbwəvə viŋ. Bàw viŋ jɔŋ kəŋ wə ghɔ́, faŋ ŋwə yɨsə kəŋ nu ghɔ́, fɨ taa ŋwaa viŋ.


Ŋkə kee bàw laa viŋ kɨ koꞌsə yiŋwaa yiŋ, faŋ viŋ koꞌsə nə me. Maa viŋ kɨɨ laa vɨ yaa kɨ naysə bee, vɨ kwaŋ sheꞌ wee-dɨꞌ fənsɨŋ taa tey yi nee, fənsɨŋ fɔ́ yɨsə bee kɔ́ kənshə mwa sheꞌ fɨkɨꞌ nee.


Nu ŋkɨə faŋ mə yɨsə, mə ndɔ kɨ yɨsə, tɨ́ kaꞌ mə shìa jɨɨ fɨ ghɔ vɨɨ mbɨə faŋ vəŋ kəə jɨɨ, shɔɔ fuŋ, laa vəŋ kɨ bəŋsə yiŋwaa vəŋ, laa vəŋ luu sheꞌ yuu yia.


Faŋ ŋkə lùu nɨniŋ, vɨɨ faꞌ Satan kwìinə ŋwaa vəŋ maa məfɨnə vɨɨ faꞌ nu yinsəŋ, buu kee lùu nu kwalə me, vəndwə vəvəŋ ndɔ luu sheꞌ yaa njɨɨnə vəŋ.


Vɨɨ vɔ́ faŋ vəŋ sɨɨtə vɨɨ nə, nshɨ-tɔ vəŋ kee bee zɔnə ntɨsə vɨɨ Jus sənshə me. Vəŋ kəə sheꞌ laa viŋ biŋ vɨ sɨɨtə viŋ, tɨ́ kaꞌ vəŋ kɨ koꞌsə yiŋwaa, laa viŋ suꞌsə yiŋwaa yiŋ nsi.


Bətə vɨɨ bɨꞌtə sheꞌ vənu vəvəŋ; vəŋ kee bɨꞌtə vənu və Yeso Kristo me.


Nɨniŋ, viŋ tə sɨ maa vətɔ mbɨə faŋ mbə lùu yizɔ, kee kɨ tə sɨ maa vətɔ fɨ shɨ nsi me.


Nsɔꞌ ndɔ ŋii maa vɨɨ vɔ́ ŋkee yiweꞌ, vəŋ ndɔ ye ŋɨꞌ yiyaŋ dɨdɨꞌ faŋ nyə gòꞌsə yighee muꞌ. Ŋkə taa ndɔ fɨ ghɔ tɨta Kristo, fɨ maa wutə ki kəkwalə nə, faŋ ŋkə bàw shɔ̀ɔ ki.


Nɨniŋ, Nwi kwàŋ nsɔꞌ tɔ vɨɨ vənshə faŋ vəŋ nə kee bìŋ nu yinsəŋ me, kaw sheꞌ nu ŋkɨə faŋ ŋkə kee lùu kəloomə me. Vəŋ ndɔ gu nsɔꞌ.


Ndɔ luu maa yighee yɔ́, wuu mətwey Nwi ghɔ́ fuu ntee. Luu nə, tɨta Yeso ndɔ zwi ŋwə sheꞌ nə zwitə shuu ki, ndìsə ŋwə maa shi ŋkɨə faŋ ŋwə ndɔ baa fuu ntee, jwì yè vɨɨ vi.


Vɨɨ kɨ nii gàasə yiŋwaa, tay ntaysə ghee nshə, buꞌ faŋ tɔ ley vəŋ bùulə, nu bi ndi fɨ ghɔ vəŋ, vəŋ bɨꞌtə laa nu məbəŋsə Nwi lùu nu tɨ́ kaꞌ vɨ kɨ fuꞌ ka fɨ fuŋ.


sɨɨ təba tɔ vɨɨ, kee fee nu me, məmwa, kaw maa məzɨ vətɔ, kee kaw Nwi me.


Luu nə, viŋ kɨ bii koꞌsə yiŋwaa yiŋ baa mwà. Məkoꞌsə ŋwaa ghɔ́ nə məmwa ghɔ́ lùu nu bwə.


Luu nə, vɨɨ faŋ vəŋ nəə toꞌ, sɨ̀ɨ təba, gisə yigi laa lùu yigisə shuu Nwi, nə lùu taa ŋwaa vɨɨ Nwi nɨzi. Ŋkə ndɔ lùu taa ŋwaa viŋ sheꞌ nɨndɨŋ, vɨɨ ndɔ jwi faŋ vəŋ toꞌ deesə təba tɨ́ vɨɨ. Vəŋ taa kɨ toꞌ taa ŋwaa viŋ fɨ yiba, deesə mədeesə bwə, faŋ ŋwə taa bɨsə mbɨꞌtə vɨɨ. Vəŋ ndɔ twey tɨta Yeso, faŋ ŋwə nə bwèysə vəŋ fɨ maa vənu vəbwəvə vəŋ. Luu nə, sheꞌ fɨkɨꞌ nee, Nwi taa kwaŋ vəŋ ŋkee taa ŋɨꞌ.


Nwi ndɔ ndɔꞌ tɨ́ vəŋ nə ŋɨꞌ sheꞌ faŋ vəŋ nəə kɔ ŋɨꞌ tɨ́ vɨɨ nə. Vəŋ kəə sheꞌ maa məzɨ yiŋwaa vəŋ, yɨ nu kɔ́ ŋkee nə shɨshwi. Nshinə vəŋ luu ŋkee nu tɔ dɨɨ tɨ́ vɨɨ Nwi. Viŋ vɨ vəŋ dùꞌ mɔ́ꞌ zɨ nu, vəŋ kɨ gə yiba, vəŋ yɨ vənu vəbwəvə faŋ vəŋ kàw.


Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.


Gə fɨ maa vɨɨ vɔ́, vəŋ ndasə vənu faŋ vəŋ kee kɨ̀ɨ nə mbə me. Vəŋ lùu yaa nyaasə taa gay faŋ nsə kee yaa kɨ bɨꞌtə nu me. Vəŋ yɨsə vənu sheꞌ yaa nyaasə, faŋ nsə yaa kɨ yɨsə vənu, kee bee bɨꞌtə nu shɔ me. Vəŋ yɨ nɨniŋ, buu ndìsə sheꞌ vənu vɔ́ ndìsə vəŋ.


Vɨɨ vɔ́ lɨlulə ghee nshə, gisə laa vənu vənshə bɨ̀ tɨ́ vəŋ. Vəŋ lulə nɨniŋ, yɨsə sheꞌ vənu mbɨə faŋ yiŋwaa vəŋ kàw. Vəŋ koꞌsə yiŋwaa, baa gìsə yigi yisɨꞌsə maa məbweꞌsə vɨɨ laa vəŋ kɨ yɨsə nu ŋkɨə faŋ vəŋ kàw.


Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.


Viŋ kɔ ŋɨꞌ tɨ́ ŋwə yiyaŋ shɔ̀ɔ faŋ məzɨ ŋwaa nə vətɔ vəjəəvə faŋ ŋwə nə zɨ̀ ŋwaa wi shɔ nə, buꞌ laa ŋwə bɨꞌtə fɨ taa fwi ŋwə laa yi duꞌ feenə yaa fwàŋ, kee lùu zu ŋku me, kee ndɔ kii nu məluŋ me.


Vɨ jia nyaa yɔ́, baa jìa wuu məsɨɨ təba wì faŋ ŋwə nəə naysə vəshwenə və shuu yɔŋvə vɨsɨ ŋwə, bweꞌsə vɨɨ shɔ nə, mbɨə faŋ vəŋ nə kìi shwenə nyaa yɔ́, nə vɨɨ mbɨə faŋ vəŋ nəə bəŋsə fənyia fə nyaa yɔ́ nə. Vɨ ndi nyaa yɔ́, ghɔ wuu ntɔŋ wi, vəbwey, mɔ̀ꞌ taa shəŋ wi kwalə faŋ ŋwə kɨɨ, lumə ki zwilə vɨɨ.


Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»


Vɨɨ mbɨə faŋ vəŋ lùu fu fɨ taa ŋkɔꞌ, lùu vɨɨ bwənə, nə vɨɨ ŋay, nə vɨɨ mətii vəki, nə vɨɨ məzwilə vɨɨ, nə vɨɨ faŋ vəŋ bəŋsə vənwi vədayday, nə vɨɨ təba, faŋ vəŋ kàw təba, baa yɨsə nu təba.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ