Filipi 3:18 - Vengo (Babungo)

¹⁸ Vɨɨ vəyaŋ lùu shɔ faŋ vəŋ kee tòꞌ nɨniŋ me. Mə duꞌtə mə gi tɨ́ viŋ kɔ̀ŋ vɨɨ vɔ́ ghee yaŋ. Mə baa naysə tɨ́ viŋ nə mənsɨ sɨ mə ndwə laa, jɨɨ njyə faŋ vɨɨ vɔ́ toꞌ fɨ fuŋ nə, lùu jɨɨ vɨɨ mbeenə nu fəŋkɔꞌ fə ŋkɨꞌsə fə Kristo.

Filipi 3:18 ပူးပေါင်းရင်းမြစ်များ

Lukas 19:41

Ŋwə gə, kɨ ziꞌ nshənə fɨ ntɨꞌ Jerusalem, kɔ̀ tɔ, yè ntɨꞌ yɔ́, gwia buꞌ ntɨꞌ yɔ́,

Akts 20:19

Mə nə faꞌ faꞌ tɨ́ tɨta Yeso, bwàsə ŋwaa ŋwaa nsi maa vənu vənshə, gwia mənsɨ, ndɔ yè məmɔŋ, faŋ vɨɨ Jus nə kà mənay tɔ mə.

Roma 9:2

Mə luŋ ŋkee dɨdɨꞌ, ŋɨꞌ ghaysə mə fɨ taa fwi mə kɔ̀ŋ vɨɨ vaŋ, vɨɨ Isirayl.

1 Kɔrintian 1:18

Vɨɨ mbɨə faŋ vəŋ toꞌ fɨ maa jɨɨ yiku, ndɨ yigi yɔ́ kɔ̀ŋ yiku Yeso fuu fəŋkɔꞌ fə ŋkɨꞌsə yaa yigisə vəmfaw. Gə̀ fɨ maa nsiŋ, faŋ Nwi bwèysə nsiŋ nə, nsiŋ kɔꞌ kɨɨ laa wutə Nwi lùu shɔ.

1 Kɔrintian 6:9

Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

2 Kɔrintian 11:13

Vɨɨ vɔ́ sɨɨ ba laa vəŋ lùu vɨɨ ntɔŋ Kristo. Vəŋ lùu vɨɨ faꞌ bwənə, kwìinə yiŋwaa vəŋ maa məkəꞌ yaa ŋkee vɨɨ ntɔŋ Kristo.

2 Kɔrintian 11:29

Sii bwà ndə, mə kee bwa me? Kɔ̀ ndə kɔ̀ nu məbuulə, fwi nyaa kee za me?

2 Kɔrintian 2:4

Mə nə nyɔ̀ꞌ ŋwaꞌlə ghɔ́ tɨ́ viŋ nə məlaꞌ. Fwi nyaa nəə ghaysə mə. Mə nyɔꞌ ŋkee nə mənsɨ sɨ mə. Mə nəə kee kəə yɨsə laa fwi siŋ za me, luu nə, laa viŋ kɨɨ faŋ ŋkawnə nyaa maa viŋ, lwàŋ taa fwi mə.

Galatia 1:7

Jɨɨ Nwi yiday kee lùu shɔ me. Nu Nwi kəday kəmɔ́ꞌ kee lùu shɔ me. Luu sheꞌ vɨɨ mɔ́ꞌ shɔ, faŋ vəŋ buulə tɔ kiŋ, buꞌ faŋ vəŋ kəə kwiinə nu Kristo, faŋ lùu jɨɨ məbwey vəlwaŋ.

Galatia 2:14

Nɨniŋ, faŋ mə nə ye laa vəŋ kee beꞌsə jɨɨ yinsəŋ nu Nwi me, mə ndɔ tɨ̀ŋnə vɨsɨ vəŋ vənshə nə Pita, gì tɨ́ Pita ntee laa, «Aŋ ghɔ, faŋ a lùu wuu Jus, a yɨsə vənu yaa vɨɨ mbɨə faŋ vəŋ kee lùu vɨɨ Jus me; a kee shi nshinə yə yaa wuu Jus me. Faŋ ŋkə lùu nɨniŋ, sii yɨ̀ kə a kəə laa vɨɨ mbɨə faŋ vəŋ kee lùu vɨɨ Jus me, yɨsə vənu yaa vɨɨ Jus, toꞌ maa nuŋsə vɨɨ Jus, buu kaꞌ a biŋ vəŋ yinsəŋ?

Galatia 2:21

Nɨniŋ, kaꞌ mə kee mèꞌ gəŋsə Nwi yaa fa dayday me. Nəə toꞌ luu buꞌ mənuŋsə ntɨsə, laa wə luu wuu ley vɨsɨ Nwi, buu yiku Yeso Kristo lùu nu dayday.

Galatia 5:21

nə məsəsə vətɔ və vɨɨ, nə məzwi wə, nə mənu məluꞌ məyaŋmə, nə maa mətia yiŋwaa, nə kəŋ vənu vɔ́ vəyaŋ. Mə gì tɨ́ viŋ faŋ mə nə duꞌtə mə gi tɨ́ viŋ laa, vɨɨ faŋ vəŋ yɨsə kəŋ vənu vɔ́, kee ndɔ ŋii məbwey vəlwaŋ taa yifwàŋ Nwi me.

Galatia 6:12

Viŋ kɔꞌ kɨɨ laa vɨɨ mbɨə faŋ vəŋ dɔ̀ɔ laa vɨ sɨɨtə viŋ nə, lùu vɨɨ faŋ vəŋ kəə laa vɨɨ kaw vəŋ, biŋ vəŋ. Vəŋ kəə laa vɨ sɨɨtə viŋ sheꞌ maa məyɨ jəə sɨ vɨɨ Jus, laa kɨ vɨ kɔ ŋɨꞌ tɨ́ vəŋ buꞌ ntɔŋ yijəə Nwi kɔ̀ŋ fəŋkɔꞌ fə ŋkɨꞌsə fə Kristo me.

Galatia 6:14

Gə fɨ maa mə, luu sheꞌ fa kəmuꞌ faŋ kaꞌ ŋkə yɨsə mə koꞌsə ŋwaa; fa kɔ́ lùu fəŋkɔꞌ fə ŋkɨꞌsə fə tii ŋwaa-nsiŋ Yeso Kristo, faŋ ŋkə yɨsə laa vənu və mbi nyə̀ kukə sɨ mə. Mə kee shi mbi buꞌ vənu vɔ́ me.

Efesɔs 4:17

Nɨniŋ, mə gì tɨ́ viŋ, tɨsə viŋ maa yizii tɨta Yeso laa, kɨ viŋ kɨ toꞌ ghuu yitoꞌ kiŋ yaa vɨɨ məmanə Nwi me, faŋ vəŋ toꞌ nə nu vəmfaw vəŋ faŋ vəŋ beꞌsə nə.

Filipi 1:4

Ghee nshə faŋ mə shɔꞌtə Nwi tɔ viŋ, mə shɔꞌtə ŋwə tɔ viŋ vənshə nə məŋaytə,

1 Tesalonika 4:6

Baa nə laa kɨ wə yɨ nu bwə maa weenshu wi me, kee kɨ fuŋsə ŋwə maa nu me, buꞌ laa tɨta Nwi bəŋsə vənu vəbwəvə vɔ́ vənshə tɨ́ vɨɨ, kwaŋ nsɔꞌ tɔ vəŋ, sheꞌ faŋ yia nə duꞌtə yia naysə tɨ́ viŋ, baa tɨsə viŋ shɔ nə.

2 Tesalonika 3:11

Yia nyɔ̀ꞌ vənu vɔ́ tɨ́ viŋ nɨniŋ, buꞌ laa yia zɔ laa vɨɨ mɔ́ꞌ taa ŋwaa viŋ kee toꞌ maa jɨɨ yijəə me, kee kàw faꞌ me, toꞌ sheꞌ maa nu dayday.

2 Pita 2:10

Vɨɨ mbɨə faŋ Nwi ndɔ kwaŋ taa nsɔꞌ shɔ̀ɔ ki, lùu vɨɨ mbɨə faŋ vəŋ yɨ sheꞌ vənu vəbwəvə faŋ mbɨꞌtə vəŋ də tɨ́ vəŋ, baa nə faŋ vəŋ twey maa məzɔnə Nwi. Vɨɨ vɔ́ faŋ vəŋ toꞌ deesə nu faŋ kee lùu nu yinsəŋ nə me, vəŋ koꞌsə ŋwaa vəŋ dɨdɨꞌ, kee fee maa məgi nu bwə kɔ̀ŋ vəzwitə mbɨə faŋ mbə kìi wutə yizɔ nə me. Vəŋ toꞌ ndasə vəzwitə vɔ́.

Ŋwaꞌlə Jud 1:13

Vəŋ baa lùu yaa muu faŋ mbə lùu mətatə, vənu vəbwəvə vəŋ luu yaa təfwi tə muu ntɨə faŋ muu fùu meꞌtə. Vəŋ baa lùu yaa məjwiŋ faŋ mbə mèꞌtə vəshəŋ vəvəŋ. Nɨniŋ, Nwi lòotə shəŋ tɨ́ vəŋ maa shəŋ ŋkɨə faŋ ŋkə lùu ŋkee kəfəŋ, laa vəŋ goꞌ shɔ yighee muꞌ.