Filipi 3:17 - Vengo (Babungo)

¹⁷ Vaŋ-nshwi vaŋ, viŋ vənshə kɨ toꞌ nə nshinə njyə faŋ viŋ yè maa mə nə. Viŋ kɨ ndeynə vɨɨ mbɨə faŋ vəŋ yɨ jəə maa jɨɨ yinjii. Yia lùu vəshwenə, tɨ́ kaꞌ viŋ kɨ beꞌsə.

Filipi 3:17 ပူးပေါင်းရင်းမြစ်များ

Roma 16:17

Vaŋ-nshwi vaŋ, mə tɨsə viŋ laa, viŋ kɨ tɔfə maa vɨɨ mbɨə faŋ vəŋ jwi nə ŋgaasə, yɨsə vɨɨ gu maa nu Kristo, faŋ viŋ nə zwètə nə. Viŋ nyɨŋ fɨ yɨ vəŋ,

1 Kɔrintian 10:32

Kɨ kɨɨ buꞌ viŋ yɨ nu faŋ ŋkə taa yɨ laa fwi wə shə. Kɨ luu wə ghɔ́ lùu wuu Jus, tɨꞌnə me wuu tɔmə day, tɨꞌnə me wuu Nwi, kɨ viŋ yɨsə fwi yi shə me.

1 Kɔrintian 11:1

Bàw viŋ kɨ faꞌ sheꞌ faŋ mə faꞌ, buꞌ faŋ mə baa luu fàꞌ sheꞌ yaa Kristo.

1 Kɔrintian 4:16

Nɨniŋ, mə buꞌ ghɔ tɨ́ viŋ laa viŋ beꞌsə ghuu yitoꞌ kaŋ.

Filipi 4:9

Viŋ kɨ yɨsə vənu mbɨə faŋ mə nə dèesə viŋ shɔ, baa mèꞌtə taa ghɔ viŋ nə. Vənu mbɨə faŋ viŋ nə zɔ̀ fɨ ghɔ mə, baa yè faŋ mə yɨsə, lùu mbɨə faŋ viŋ taa yɨ nɨzi. Nɨniŋ nə, Nwi, faŋ ŋwə kɔ məduꞌ-nyɔŋ tɨ́ vɨɨ nə, taa goꞌsə viŋ vɨ vəŋ.

1 Tesalonika 1:6

Viŋ nə zwètə nshinə yia baa nə nshinə tɨta Yeso, buꞌ faŋ viŋ nə zɔ̀ nu Nwi, bìŋ nə məŋaytə, faŋ vɨ nə kɔlə kɔ ŋɨꞌ tɨ́ viŋ ŋkee yiyaŋ. Nə yɨsə Zwitə Ley Nwi laa viŋ nə bìŋ nə məŋaytə nə.

2 Tesalonika 3:14

Kɨ luu wə mɔ́ꞌ kee zɔ̀ ntɨ yia faŋ nyə lùu taa ŋwaꞌlə ŋwə̀ nə me, viŋ shwenə ŋwə, kee kɨ zɨnə viŋ vɨ vəŋ me, yuu tɔ ki dɨɨ, ŋwə kwiinə fwi yi.

2 Tesalonika 3:7

Viŋ kɔꞌ kɨɨ faŋ ŋkə bàw laa viŋ kɨ beꞌsə ghuu yitoꞌ kia, buꞌ laa yia nə kee tòꞌ twey faꞌ taa ŋwaa viŋ me,

2 Tesalonika 3:9

Yia nəə kee yɨ nɨniŋ buꞌ faŋ ŋkə nə kee kùꞌnə tɨ́ yia me. Yia nəə yɨ nɨniŋ laa yia də shwenə nu tɨ́ viŋ, tɨ́ kaꞌ viŋ ndì ghuu yitoꞌ kia fɨ fuŋ.

1 Timoti 4:12

Kɨ wə shia ghɔ buꞌ faŋ a kɨ bii wuu zawə nə me. Kɨ yɨsə laa a luu mfɨꞌ nu tɨ́ vɨɨ məbiŋ nu Kristo fɨ maa yigisə yə, nə ghuu yitoꞌ kə, nə nu məkaw vɨɨ, nə maa mənuŋ fwi maa Kristo, baa nə maa məyɨsə vənu vəleyvə.

Hibru 13:7

Viŋ lumə vɨɨ mbɨə faŋ vəŋ nə fɔŋ kìi viŋ, də̀ jɨɨ tɨ́ viŋ, baa fɨ̀ꞌtə yigisə Nwi tɨ́ viŋ. Viŋ ywiitə faŋ nshinə vəŋ nə dùꞌ ziꞌ maa shi yiku vəŋ. Viŋ nuŋ fwi siŋ maa Nwi sheꞌ faŋ vəŋ nəə yɨsə nə.

1 Pita 5:3

Kɨ viŋ kɨ sɔꞌ vɨɨ mbɨə faŋ vɨ nùŋ taa ghɔ viŋ nə məshəsə me. Bàw viŋ luu shwenə tɨ́ nwaa bisə ghɔ́.