Filipi 3:13 - Vengo (Babungo)

¹³ Vaŋ-nshwi vaŋ, mə bɨꞌtə laa mə kee ta yiziꞌ yuu kii vənu vɔ́ me. Nu kəmuꞌ faŋ mə yɨ̀, lùu laa mə ndènə vənu vənshə faŋ mbə duꞌtə mbə shɔɔ, mə toꞌ nə wutə, gə vɨsɨ vɨsɨ, ndeynə vənu mbɨə faŋ mbə lùu vɨsɨ.

Filipi 3:13 ပူးပေါင်းရင်းမြစ်များ

Lukas 10:42

Luu sheꞌ nu kəmuꞌ faŋ ŋkə lùu nu kwalə. Ŋkə lùu laa wə kɨ zɔ yigisə Nwi. Gə fɨ maa Meri, ŋwə shoꞌ kwiŋ jəənə, kaꞌ wə kee fì fɨ ghɔ ŋwə me.»

Lukas 9:62

Yeso gi tɨ́ ŋwə laa, «Wə faŋ ŋwə jìa soo faꞌ ghɔ ŋwə, baa ndèynə yiba, buu ŋwə kee kùꞌ maa nu yifwàŋ Nwi me.»

2 Kɔrintian 5:16

Shù fɨ ndwə yia kee baa kɨ̀ɨ nə wə fɨ maa mbɨꞌtə wə mənsaw me. Yia nə baa kɨ̀ɨ nə Kristo fɨ maa mbɨꞌtə wə mənsaw maa yighee vɨsɨ. Luu nə, yia kee baa kɨ̀ɨ nə ŋwə maa jɨɨ yɔ́ ndwə me.

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Filipi 3:12

Kɨ mə kee gì laa mə duꞌtə mə kìi vətɔ mbɨə faŋ mə tə̀ sɨ shɔ nə me. Mə kee gì laa mə duꞌtə mə luu ŋkee wuu bɔŋsə me. Luu nə, mə gə nə vɨsɨ, ŋɨɨlə shɔ nəŋay, tɨ́ kaꞌ mə ndɔ kii vənu vɔ́ maa mə. Mə kəə kii vənu vɔ́, buꞌ laa Yeso Kristo, kìi mə taa ghɔ ŋwə.

Filipi 3:8

Maa yinsəŋ, vənu vɔ́ vənshə luu kəndi shee, buꞌ laa nu məkɨɨ nə Yeso Kristo, tɨta ŋwaa, kwàlə shɔ̀ɔ vənu vənshə. Luu buꞌ ŋwə faŋ mə meꞌ vənu vɔ́ vənshə, sheꞌ laa mə bee kii kii Kristo. Vənu vɔ́ gù yaa vəbɨ shee.

Hibru 6:1

Faŋ ŋkə lùu nɨniŋ nə, bàw nsiŋ kɨ gə vɨsɨ nə nu ŋkɨə faŋ lùu nu wə faŋ ŋwə ta kùꞌnə. Nsiŋ kee baa kɨ gisə kɔ̀ŋ mfɔŋsə vənu və Kristo me, faŋ lùu laa vɨɨ kwiinə fwisə vəŋ, kee baa kɨ yɨsə vənu vəbwəvə faŋ mbə jwi nə yiku nə me, baa nə laa vɨɨ nuŋ fwi vəŋ maa Nwi. Viŋ duꞌtə viŋ kɨɨ nə vənu vɔ́. Kaꞌ vɨ kee bɔ̀ŋ shɨ ŋii ghee bɔɔ me.

2 Pita 3:8

Vɨɨmba vaŋ faŋ mə kàw, kɨ viŋ manə nu kwalə mɔ́ꞌ me, laa vɨsɨ Nwi, shi kəmuꞌ kee lùu nɨŋkwiŋ fɨ ghɔ ŋuꞌ ŋkaŋ me, ŋuꞌ ŋkaŋ kee lùu nɨŋkwiŋ fɨ ghɔ shi kəmuꞌ me. Nwi ndi sheꞌ yaa fa kəmuꞌ.