Filipi 2:30 - Vengo (Babungo)

³⁰ Viŋ kɔꞌ kɨɨ laa nu ŋkɨə faŋ ŋkə yɨ̀ faŋ ŋwə yaa zasə, kɨ kəə ku nə, luu buꞌ faꞌ ŋgwə faŋ ŋwə faꞌ tɨ́ Kristo nə. Viŋ nə tɔ̀ŋ ŋwə shee, laa ŋwə metə faꞌ wiŋ shee. Ŋwə nə biŋ jwi faŋ nə kɔlə luu ntɔŋ tɨ́ kaꞌ ŋwə gə shɔ ku nə.

Filipi 2:30 ပူးပေါင်းရင်းမြစ်များ

Akts 20:24

Luu nə, mə kee fii ŋwaa ŋwaa nə nu me. Mə kəə sheꞌ laa mə yɨsə, ndɔ mètə faꞌ ŋgwə faŋ Yeso nə kɔ̀ shee, laa mə faꞌ nə, laa mə fɨꞌtə ntɔŋ yijəə Nwi, faŋ Nwi kee gəŋsə vɨɨ, kəə kɔ məbwey vəlwaŋ tɨ́ vɨɨ.

Roma 16:4

Vəŋ nəə kəə biŋ ŋkee maa məku tɔ mə, maa məbweysə mə faŋ vɨɨ nəə shoꞌ ghuu ŋaa nə. Kee bwaŋ mə bwaŋ vəŋ nɨnɔŋ me, vəməshəŋtə və vɨɨ Kristo vənshə fɨ taa tətɔŋ fu bwaŋ vəŋ nɨzi.

1 Kɔrintian 15:53

Kaꞌ nsiŋ kee ndɔ baa kii yiŋwaa nyaa-nsiŋ njyə faŋ nyə ndɔ shuu bɨ nə me. Ŋwə taa kwiinə, gu fa faŋ ŋkə kee ndɔ baa bɨ me. Ŋwaa ghɔ́ faŋ ŋwə ku nə, ndɔ kwiinə, gù fa faŋ ŋkə kee ndɔ baa ku me.

1 Kɔrintian 16:10

Timoti taa kɨ jwi yɨ viŋ, kɨ viŋ shiasə ŋwə me. Viŋ jia ŋwə jəə, tɨ́ kaꞌ fwi yi bàw, ŋwə kee fee maa məfaꞌ faꞌ Nwi me, buꞌ laa ŋwə nɨzi faꞌ tɨ́ tɨta Yeso Kristo sheꞌ faŋ mə faꞌ nə.

1 Kɔrintian 16:17

Mə ŋàytə ŋkee dɨdɨꞌ buꞌ laa Stefanas nə Fɔrtunatɔs nə Akaykɔs jwì yɨ mə feenə. Faŋ mə nə ye vəŋ nə, ŋkə ghɨɨ yaa mə yè viŋ nɨzi.

2 Kɔrintian 12:15

Nɨniŋ, mə taa ŋaytə maa məbɨsə fa ŋkɨə faŋ mə kìi kənshə, nə nshɨ-tɔ ŋwaa nɨzi, maa məgaŋtə viŋ, tɨ́ kaꞌ viŋ kìi məbwey vəlwaŋ. Nə yɨ̀ laa mə kàw viŋ ŋkee dɨdɨꞌ, buu viŋ kee kàw mə yimu?

2 Kɔrintian 4:12

Nɨniŋ, yiku faꞌ faꞌ wi taa ŋwaa yia, məbwey faꞌ faꞌ wi taa ŋwaa viŋ.

Filipi 2:17

Məbiŋ wiŋ faŋ viŋ biŋ Kristo nə, lùu yaa ndey faŋ viŋ fèꞌ tɨ́ Nwi. Kɨ yighee mɔ́ꞌ məbwey ŋwaa ndɔ ndi, buu lùu yaa fa faŋ vɨ ndi, kùꞌsə maa ndey yɔ́. Ŋkə taa luu nɨniŋ, buu mə taa kii məŋaytə taa fwi mə; nsiŋ baa faynə yiŋwaa, kɨ ŋaytə.

Filipi 2:27

Lùu yinsəŋ laa ŋwə nəə zɨzasə, goꞌ sheꞌ tɨtiꞌ ŋwə ku. Luu nə, Nwi nə kèe gəŋsə, yɨ̀sə ŋwə bwaŋnə. Ŋkə də̀ laa ŋwə kèe gəŋsə maa mə nɨzi, laa kɨ nu mɔ́ꞌ baa jia mə me, maa yighee njyə faŋ vənu və ŋɨꞌ bàytə kìa mə nə.

Filipi 4:10

Mə ŋaytə ŋkee dɨdɨꞌ, baa bwaŋ tɨta Nwi, buꞌ laa viŋ baa tey kɨ kɨꞌ mə nə. Ŋkə gə̀ ŋkee ntaŋ, faŋ viŋ nə kɨ̀ꞌ mə nə. Nɨniŋ, mə kìi məŋaytə yaŋ ndwə. Mə kɔꞌ kɨɨ laa viŋ yaa lumə mə ghee nshə, luu nə, viŋ nə kee kìi jɨɨ kɨ gaŋtə mə me.

Filipi 4:18

Mə ye vətɔ vənshə faŋ viŋ tɔ̀ŋ shee nə, mbə yaŋ shɔ̀ɔ faŋ mə kəə. Fa kee baa lùu shɔ faŋ mə bəə me, buꞌ vətɔ mbɨə faŋ viŋ tɔ̀ŋ shee, Epafroditɔs jwì nə mbə nə. Mbə lùu yaa vətɔ faŋ mbə kìi lumə jəə, baa lùu yaa ndey faŋ wə fèꞌ tɨ́ Nwi, Nwi ŋaytə shɔ.

Filemon 1:13

Mə nəə kəə jia ŋwə, yia ŋwə duꞌ mɔ́ꞌ, ŋwə kɨ faꞌ shee tɔ ghɔ, yuu mə luu mfiŋ buꞌ nu ntɔŋ yijəə Nwi nə.

Reveleyshən 12:11

Vaŋ-nshwi vaŋ-nsiŋ vɔ́ baa luu ghɔꞌ ŋwə nɨzi buꞌ mənshi mə wee-bi-njɨɨ ghɔ́, buꞌ faŋ vəŋ nə bìŋ nu Kristo ntee, kàw ŋwə shɔɔ məbwey vəŋ, biŋ ŋwə, zìꞌ tɨ́ yiku.