Filipi 2:26 - Vengo (Babungo)

²⁶ Ŋwə dùꞌ kɨ kəə sheꞌ laa yi baa ye viŋ, fwi yi nə za buꞌ faŋ ŋwə nə zɔ laa, viŋ zɔ̀ laa ŋwə zɨzasə.

Filipi 2:26 ပူးပေါင်းရင်းမြစ်များ

Matiu 11:28

Yeso nə baa gì laa, «Viŋ jwi yɨ mə, viŋ vənshə, faŋ viŋ bwà fɨ maa vəfaꞌ faŋ mbə shɔ̀ɔ wutə kiŋ, tɨꞌnə me faŋ vəbiꞌ vədɨɨvə lùu tɔ viŋ, mə taa yɨsə viŋ shəŋ ŋwaa.

Matiu 26:37

Ŋwə kɨ nii ndì Pita ghɔ vaŋ Zebedii vəbɔɔ nə, ghɔ vɨ vəŋ gə. Vəŋ gə nɨniŋ, ŋwə tey kɨ luŋ, fwi yi ghaysə ŋwə.

Akts 21:13

Luu nə, Pɔɔl kee kaw zɔ me, gì laa, «Viŋ sii yɨ̀ kə, gwia tɨ́ kə? Kɨ viŋ yɨsə fwi nyaa lɔꞌ me! Mə duꞌtə mə biŋ laa vɨ kwaŋ mə mfiŋ Jerusalem. Mə biŋ ŋkee maa məku buꞌ yizii tɨta Yeso.»

Roma 1:11

Mə buꞌ ghɔ nɨniŋ, buꞌ laa jɨŋ yiŋ zasə mə maa məye viŋ, tɨ́ kaꞌ mə gaŋtə viŋ fɨ maa Zwitə Nwi, viŋ baa weꞌ.

Roma 12:15

Viŋ kɨ ŋaytə viŋ vɨ vɨɨ mbɨə faŋ vəŋ ŋaytə, gwia viŋ vɨ vɨɨ faŋ vəŋ gwia.

Roma 9:2

Mə luŋ ŋkee dɨdɨꞌ, ŋɨꞌ ghaysə mə fɨ taa fwi mə kɔ̀ŋ vɨɨ vaŋ, vɨɨ Isirayl.

1 Kɔrintian 12:26

Kɨ luu laŋnə ŋwaa wə kəmuꞌ ye ŋɨꞌ, buu vəlaŋ və ŋwaa vənshə taa ye ŋɨꞌ nɨzi. Kɨ luu laŋ kəmuꞌ kii feenə, buu vəlaŋ vənshə taa kɨ ŋaytə nə laŋnə ŋwaa yiŋkii.

2 Kɔrintian 9:14

ndwaŋ Nwi tɔ viŋ. Jɨŋ yiŋ kɨ zasə vəŋ nɨzi, buꞌ gəŋsə Nwi, faŋ Nwi nə gaŋtə viŋ shɔ̀ɔ ki nə.

Galatia 6:2

Viŋ gaŋtə wə nə wə, shàꞌ ŋɨꞌ wə nə wə. Viŋ yɨ̀ nɨniŋ, buu ŋkə də̀ laa nshinə Kristo lùu maa viŋ.

Efesɔs 3:13

Nɨniŋ, mə buꞌ ghɔ laa kɨ viŋ bwa maa ŋɨꞌ njyə faŋ nyə ŋìi maa mə buꞌ viŋ me, buꞌ laa lùu nu faŋ ŋkə də̀ laa Nwi kaw viŋ.

Filipi 1:3

Yighee tɨ̀ me yighee faŋ mə lùmə viŋ, mə bwaŋ Nwi ŋwaa buꞌ viŋ.

Filipi 1:8

Nwi kɔꞌ kɨɨ yinsəŋ laa ŋkawnə njyə faŋ mə kìi nyə maa viŋ vənshə, ndɔ̀ fɨ ghɔ Yeso Kristo.

Filipi 2:25

Gə fɨ maa Epafroditɔs, weenshu ŋwaa-nsiŋ, faŋ yia ŋwə nəə faꞌ mɔ́ꞌ nə, ŋɨɨlə buꞌ nu Nwi mɔ́ꞌ nə. Ŋwə baa lùu wuu ntɔŋ wiŋ, faŋ ŋwə nə jwì ndèynə mə, gàŋtə mə. Luu nə, ŋkə bàw laa mə baa tɔŋ ŋwə, ŋwə bəŋ jwi yɨ viŋ.

Filipi 2:27

Lùu yinsəŋ laa ŋwə nəə zɨzasə, goꞌ sheꞌ tɨtiꞌ ŋwə ku. Luu nə, Nwi nə kèe gəŋsə, yɨ̀sə ŋwə bwaŋnə. Ŋkə də̀ laa ŋwə kèe gəŋsə maa mə nɨzi, laa kɨ nu mɔ́ꞌ baa jia mə me, maa yighee njyə faŋ vənu və ŋɨꞌ bàytə kìa mə nə.

Filipi 4:1

Vaŋ-nshwi vaŋ, faŋ mə kàw viŋ, baa kaw maa məye viŋ, yaa kɨ yɨ viŋ laa fwi nyaa kɨ kii məŋaytə. Viŋ lùu vəkeynə vaŋ fɨ ghɔ Nwi. Vɨɨmba vaŋ, viŋ kɨ tɨŋnə weꞌ maa nu Nwi, sheꞌ faŋ mə duꞌtə mə naysə tɨ́ viŋ nə.

1 Pita 1:6

Nɨniŋ, viŋ kɨ ŋaytə buꞌ vənu vɔ́, ŋkee ndwə faŋ yighee mɔ́ꞌ viŋ lɨluŋ, buꞌ məmɔŋ faŋ viŋ yè jɨɨsə jɨɨsə. Məmɔŋ ghɔ́ luu sheꞌ maa kuŋtə yighee.