Filipi 2:20 - Vengo (Babungo)

²⁰ Mə kee baa kìi wə mɔ́ꞌ, tɨ̀ lɨꞌ Timoti, faŋ ŋwə bɨꞌtə vənu yaa mə me, ŋwə kɨsə gaŋtə viŋ nə fwi yijəə.

Filipi 2:20 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:13

Wə ghɔ́ faŋ ŋwə faꞌ luu ka wi nə, kee shə̀ŋ maa bisə sɔ́ me, buꞌ faŋ kee kìi ŋwə me, nu bisə sɔ́ kee za ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:6

Faŋ ŋwə nə gì nɨniŋ nə, kee gi buꞌ mbəəsə faŋ ŋwə kee gəŋsə vəŋ me. Ŋwə nə gì nɨniŋ, buꞌ laa ŋwə nə luu ndɔꞌ. Ŋwaꞌ ka vəŋ nəə toꞌ fɨ ghɔ ŋwə nɨzi, ŋwə yaa kɨ fuusə fɨ fuŋ, faŋ wə kee yikɨɨ me.

Roma 15:5

Nshɨ-tɔ Nwi faŋ ŋwə yɨsə vɨɨ jia fwisə vəŋ taa ŋɨꞌ, baa zwìsə fwisə vəŋ nɨzi, yɨsə viŋ bɨꞌtə vənu viŋ shəŋ muꞌ, faŋ mbə kùꞌnə maa nu Yeso Kristo.

1 Kɔrintian 16:10

Timoti taa kɨ jwi yɨ viŋ, kɨ viŋ shiasə ŋwə me. Viŋ jia ŋwə jəə, tɨ́ kaꞌ fwi yi bàw, ŋwə kee fee maa məfaꞌ faꞌ Nwi me, buꞌ laa ŋwə nɨzi faꞌ tɨ́ tɨta Yeso Kristo sheꞌ faŋ mə faꞌ nə.

Filipi 2:2

Nɨniŋ, viŋ ye laa mbɨꞌtə yiŋ lùu yimuꞌ. Viŋ kɨ kawnə yiŋwaa yiŋ, fàynə nùŋ fwi siŋ maa nu kəmuꞌ. Viŋ yɨ nɨniŋ, buu mə kìi məŋaytə yaŋ.

Filipi 2:22

Gə fɨ maa Timoti, viŋ kɔꞌ kɨɨ nə nshinə yi, laa nyə lùu yijəə, baa nə laa ŋwə nəə beꞌsə mə maa faꞌ Nwi, sheꞌ faŋ wee yaa kɨ bèꞌsə tii wi. Yia ŋwə fàꞌ faꞌ Nwi mɔ́ꞌ, fɨꞌtə ntɔŋ yijəə Nwi tɨ́ vɨɨ.

Kɔlɔsii 4:11

Yeso ŋgwə faŋ vɨ tii ŋwə nə Justɔs nə, shɔꞌtə viŋ nɨzi. Luu sheꞌ vɨɨ vɔ́ vətia nə, yɨ mə, faŋ vəŋ lùu vɨɨ Jus, faŋ yia vɨ vəŋ faꞌ nu Kristo mɔ́ꞌ, fɨꞌtə nu yifwàŋ Nwi tɨ́ vɨɨ. Fwi nyaa zutə buꞌ vəŋ maa yinsəŋ.

1 Timoti 1:2

Mə tɔ̀ŋ ŋwaꞌlə ŋwə̀ tɨ́ ghɔ, Timoti, faŋ a luu ŋkee ŋwiŋ ŋwaa yinsəŋ fɨ yiba jɨŋ Kristo, buꞌ faŋ nsoo nùŋ fwi maa ŋwə nə. Tɨta Nwi ghɔ tɨta ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ ghɔ nə məduꞌ-nyɔŋ!

1 Timoti 4:6

A taa kɨ luu kɨ twelə vənu vɔ́ tɨ́ vaŋ-nshwi vaŋ-nsoo, buu a luu wuu faꞌ Yeso Kristo jəə, biasə ŋwaa wə maa nu Kristo faŋ nsiŋ nuŋ fwi saŋ-nsiŋ maa ŋwə nə, baa nə maa vənu vəjəəvə, faŋ nsiŋ deesə tɨ́ vɨɨ nə, faŋ nshɨ-tɔ wə nə zɔ biŋ.

2 Timoti 1:5

Mə lumə faŋ a nùŋ fwi yə maa Kristo ŋkee maa yinsəŋ. Nshɨ nshu wə Lois nə nshu wə Yunis nə duꞌtə vəŋ nuŋ fwisə vəŋ maa Kristo, wèꞌ shɔ. Mə kɔꞌ kɨɨ laa məbiŋ wə lùu weꞌ nɨzi.

2 Timoti 3:10

Gə fɨ maa ghɔ, a nə ndì ghuu yitoꞌ kaŋ maa nu ŋkɨə faŋ mə nə dèesə nə, baa luu bèꞌsə mə fɨ maa nshinə nyaa, baa nə faŋ mə kəə jɨɨsə maa məgə vɨsɨ vɨsɨ, nùŋ fwi nyaa maa Kristo, jìa fwi, dùꞌ bwaŋnə, kàw vɨɨ, jia fwi nyaa faŋ vɨ kɔ ŋɨꞌ tɨ́ mə.