Filipi 2:15 - Vengo (Babungo)

¹⁵ Nɨniŋ laa viŋ ndɔ baw shɨlə, tuu wee-ndoꞌ kee lùu maa viŋ me, viŋ luu vaŋ Nwi yinsəŋ, faŋ vəŋ kee kìi nu bwə taa fwisə vəŋ me. Viŋ lùu vaŋ ley Nwi taa ŋwaa vɨɨ, faŋ fwisə vəŋ lùu sətwiŋkə, vəŋ baa lùu vɨɨ vənu vəbwəvə. Viŋ luu taa ŋwaa vəŋ yaa məjwiŋ faŋ mbə bee fɨ taa yizɔ nə.

Filipi 2:15 ပူးပေါင်းရင်းမြစ်များ

Matiu 10:16

Yeso nə baa nàysə tɨ́ vɨɨ ntɔŋ vi laa, «Viŋ kɔꞌ kɨɨ laa mə tɔŋ viŋ taa mbi sheꞌ yuu vɨ tɔŋ bisə-njɨɨ taa ŋwaa nyaasə bwəsə. Nɨniŋ, viŋ kɨ tɔfə yaa zɔsə, duꞌ nshi yaa vəbɔŋsə.

Matiu 17:17

Yeso gi laa, «Aŋ viŋ, ŋgwisə vɨɨ faŋ viŋ kee nùŋ fwi maa Nwi me. Nsiŋ sii taa shi tày kɨkə? Nsiŋ sii taa mwəsə ndəəkə? Viŋ jwi nə wee ghɔ́ shee!»

Matiu 5:45

Nɨniŋ laa viŋ luu vaŋ tɨta Nwi, Tii wiŋ fɨ yizɔ, buꞌ faŋ ŋwə yɨsə shɨshwi wi bee tɔ vɨɨ bwənə nə vɨɨ jəənə, tɔŋ yighuu tɨ́ vɨɨ vənu vəloomə nə tɨ́ vɨɨ faŋ vənu vəvəŋ kee lùu vəloomə me.

Matiu 5:48

Nɨniŋ, bàw viŋ baw shɨlə yaa tɨta Nwi Tii wiŋ fɨ yizɔ, faŋ ŋwə bàw shɨlə nə.»

Lukas 1:6

Vənu vəvəŋ nə luu vəloomə yikəꞌ Nwi. Vəŋ nə toꞌ ghuu yitoꞌ vəŋ maa ntɨsə Nwi sənshə, yɨsə vənu vənshə faŋ Nwi nə nùŋsə. Tuu nu nə kee lùu shɔ faŋ vəŋ gù me.

Lukas 6:35

Nɨniŋ, viŋ kɨ kaw luu vɨɨ mbeenə viŋ. Viŋ kɨ yɨsə vənu vəjəəvə, shwaꞌ vɨɨ nə ka, kee kɨ tə sɨ maa məbaa fi me. Viŋ yɨ̀ nɨniŋ, buu sey wiŋ ndɔ yaŋ. Viŋ luu vaŋ Nwi Nshɔɔ-mbi, buꞌ laa ŋwə yɨsə jəə maa vɨɨ vənshə, nə tɨ́ vɨɨ faŋ vəŋ kee kɔ bwaŋ-wee tɨ́ ŋwə me, nə tɨ́ vɨɨ vəŋwiŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:35

Yinsəŋ, Jɔn nə luu yaa kiꞌ faŋ ŋwə bee ŋkee ley. Luu nə, viŋ nə kàw dùꞌ taa məley wi ghɔ́ sheꞌ maa kuŋtə yighee, baa ndɔ̀. Viŋ nə bìŋ yigisə yi sheꞌ maa kuŋtə yighee baa mèꞌtə.

Akts 2:40

Pita baa gì təgi təmɔ́ꞌ təyaŋ tɨ́ vəŋ, bùꞌ ghɔ dɨdɨꞌ laa vəŋ biŋ laa Nwi bweysə vəŋ fɨ taa ŋgwi nyə̀, faŋ vənu vəvəŋ lùu vəbwə.

Akts 20:30

Vɨɨ bwənə mɔ́ꞌ ndɔ fuu sheꞌ fɨ taa ŋwaa viŋ, fuu kɨ gisə təgi tə ba maa məsuꞌtə vɨɨ məbiŋ nu Kristo, laa vəŋ beꞌsə vəŋ.

Roma 16:19

Gə fɨ maa viŋ, vɨɨ vənshə duꞌtə vəŋ zɔ̀ kɔ̀ŋ məzɔnə wiŋ, faŋ viŋ zɔ̀nə Nwi nə. Mə kìi məŋaytə shɔ buꞌ viŋ. Mə kəə laa viŋ kɨ tɔfə maa nu faŋ lùu nu jəə, manə nu faŋ lùu nu bwə.

1 Kɔrintian 1:8

Nshɨ-tɔ Yeso Kristo ndɔ yɨ viŋ weꞌ maa nu ki, gə̀ zìꞌ tɨ́ yighee vəndwə, tɨ́ kaꞌ tuu wee-ndoꞌ kee ndɔ luu maa viŋ maa shi ŋkɨə faŋ tɨta Yeso Kristo ndɔ bəŋ jwi taa mbi me.

2 Kɔrintian 6:17

Nɨniŋ, Mɔꞌmbi baa gì laa, «Viŋ fuu fɨ taa ŋwaa vɨɨ məmanə Nwi vɔ́, gaasə viŋ vɨ vəŋ, kee kɔ̀ŋ fa faŋ ŋkə kee lùu kəley me, buu mə ndɨ viŋ.

Efesɔs 5:27

Nɨniŋ, ŋwə nuŋsə nwaa vɨɨ Nwi laa vəŋ baw tɨ́ ŋwə, laa tuu nu bwə, tɨꞌnə me tuu wee-ndoꞌ kee lùu maa vəŋ me, laa vəŋ luu ŋkee vɨɨ ley vɨsɨ Nwi.

Filipi 1:10

Mə shɔꞌtə Nwi tɔ viŋ nɨniŋ, tɨ́ kaꞌ viŋ shòꞌ nu ŋkɨə faŋ luu nu jəə fɨ maa vənu vənshə. Nɨniŋ, viŋ ndɔ luu ŋkee vɨɨ ley faŋ vənu vəvəŋ lùu vəloomə maa shi ŋkɨə faŋ Kristo ndɔ baa bəŋ jwi taa mbi nə.

Filipi 3:6

Mə nə luu wuu weꞌ maa nu vɨɨ Jus, kɔ ŋɨꞌ tɨ́ vɨɨ mbɨə faŋ vəŋ nəə beꞌsə Yeso. Mə nə kee bɨꞌ tuu ntɨ vɨɨ Jus yimuꞌ me. Nɨniŋ, mə nə luu ŋkee wuu ley maa vənu vɔ́.

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

1 Timoti 3:10

Bàw vɨ kɨ mɔŋ nu vɨɨ vɔ́ ŋkəə, laa vəŋ yikuꞌnə mu, buu vəŋ tey kɨ faꞌ faꞌ ghɔ́ nə.

1 Timoti 3:2

Luu nə, ŋkə bàw laa kɨ tuu wee-fɨ-nu bwə lùu maa wuu məndeynə vɨɨ Nwi me. Bàw zu wi luu sheꞌ muꞌ. Tɔ ki luu kəley, ŋwə kɨ yɨsə vənu nə yitɔfə, yɨsə vənu maa jɨɨ yiloomə, kwaŋ vəndɔ taa ŋii ŋwə, baa kùꞌnə maa mətwelə ŋiꞌ nu Nwi.

1 Timoti 5:14

Nɨniŋ, mə kəə laa vəki ŋkusə faŋ vəŋ kɨ bii vaŋmbwaa, ndaa, bì vaŋ vəŋ, kɨ sɔꞌ ŋiinə vəŋ, tɨ́ kaꞌ vəŋ kee kɔ jɨɨ tɨ́ tɨɨ vəzwitə vəbwəvə maa məjia vəŋ, vɨ gisə bwə tɔ vəŋ me.

1 Timoti 5:20

Vɨɨ lùu shɔ taa ŋwaa vəŋ faŋ vəŋ yɨsə nu bwə, bàw a sɔꞌ vəŋ taa ŋwaa vɨɨ vənshə, laa vɨɨ mɔ́ꞌ fee nɨzi.

1 Timoti 5:7

Kɨ tɨsə vəŋ buꞌ kəŋ vənu vɔ́ laa, kɨ nu bwə mɔ́ꞌ fuu taa ŋwaa vəŋ me.

Taytəs 1:6

Bàw laa wuu taa fɨ taa nshəŋtə vɨɨ Nwi luu wə faŋ tuu kee wee-nsɔꞌ kee lùu maa ŋwə me, zu wi baa luu sheꞌ muꞌ, vaŋ vi bìŋ nu Kristo nɨzi, kee kɨ bɨbuulə me, kee shɨshii me.

Taytəs 2:10

kee shaw fa fɨ ghɔ vəŋ me, yɨsə vənu vəvəŋ vənshə vəbi. Nɨniŋ, vəŋ gaŋtə nu Nwi, wuu məbweysə ŋwaa-nsiŋ, maa vənu vənshə, laa ŋkə baw tɨ́ vɨɨ.

Taytəs 2:15

Kɨ gisə vənu vɔ́ tɨ́ vɨɨ, tɨsə vəŋ shɔ, ŋaꞌsə sɨ vəŋ buꞌ vənu vəbwəvə vəŋ, yɨsə nɨniŋ nə wutə kə kənshə. Kɨ wə shia ghɔ me.

Hibru 7:26

Ŋwə luu ŋkee wuu ley, kee kìi nu bwə me, tɨꞌnə me kìi wee-ndoꞌ maa ŋwə me. Ŋwə kee kìi nu ghɔ vɨɨ bwənə me. Nwi nùŋsə ŋwə ŋkee taa yizɔ, laa ŋwə duꞌ yɨ Nwi. Nɨniŋ, ŋwə kùꞌnə tɨ́ kaꞌ ŋwə lùu wuu kwalə məfeꞌ Nwi tɨ́ nsiŋ.

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

Reveleyshən 2:5

Bàw a lumə nu ŋkɨə faŋ a gù ŋkə, kwìinə fwi yə, baa kɨ yɨsə nu ŋkɨə faŋ a nəə yɨsə yighee vɨsɨ nə. A kee yɨ nɨniŋ me, kee kwìinə fwi yə me, buu mə taa jwi ye ghɔ, sùꞌtə kiꞌ wə fɨ maa shəŋ ŋkɨə faŋ ŋwə lùu shɔ nə.

Reveleyshən 3:9

Zɔ nu ŋkɨə faŋ mə taa kɨ yɨsə maa vɨɨ vì fɨ taa ŋii nshəŋtə Satan, faŋ vəŋ gisə laa vəŋ lùu vɨɨ Jus nə, kee bee lùu me, sɨɨ luu ba. Mə taa yɨsə vəŋ jwi ye ghɔ, tùŋ vətɔ vəyəə vəŋ nsi vɨsɨ ghɔ, taa kɨ kɨɨ laa mə kaw ghɔ.