Filipi 2:11 - Vengo (Babungo)

¹¹ Vəŋ vənshə ndɔ biŋ ntee laa Yeso Kristo lùu wuu məsɔꞌ mbi. Nɨniŋ, vəŋ kɔ feenə tɨ́ tɨta Nwi.

Filipi 2:11 ပူးပေါင်းရင်းမြစ်များ

Matiu 10:32

Viŋ zɔ! Wə tɨ̀ me wə faŋ ŋwə bìŋ mə ntee vɨsɨ vɨɨ, buu mə ndɔ biŋ ŋwə nɨzi vɨsɨ Tii ŋwaa faŋ ŋwə lùu yizɔ.

Lukas 2:11

Vɨ bì wuu məbweysə wiŋ ndee ntɨꞌ Deyvid. Ŋwə lùu Kristo, Tɨɨ-mbi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:42

Nɨniŋ nə, ŋkee vɨɨ kwalə vɨɨ Jus vəyaŋ nə bìŋ Yeso, luu nə, kee bìŋ ntee me, buꞌ laa vəŋ nəə fee vɨɨ Farisii, buꞌ vɨ fuusə vəŋ fɨ taa ŋii məshəŋtə vəŋ yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:13

Maa viŋ tii mə nə «Wuu mədeesə», nə «tɨta». Viŋ tii yinsəŋ, mə lùu nɨniŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:14

Faŋ mə lùu wuu mədeesə wiŋ, baa lùu tɨta wiŋ, sɔ̀ ghuu ghiŋ nə, nu kiŋ lùu laa viŋ kɨ sɔ ghuu ghiŋ wə nə wə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:13

Fa tɨ̀ me fa faŋ viŋ ndwaŋ fɨ ghɔ Nwi maa yizii nyaa, buu mə taa yɨ̀sə laa viŋ kii, tɨ́ kaꞌ vɨɨ kɨ̀ɨ nə yikwalə Nwi fɨ yiba jɨŋ ŋwiŋ wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:23

Yeso gi tɨ́ ŋwə laa, «Wə ntɨə faŋ ŋwə kaw mə, ŋwə taa kɨ nuŋsə yigisə nyaa nɨzi, Tii ŋwaa taa kaw ŋwə, yia Tii ŋwaa taa kɨ shi yia vɨ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:1

Faŋ Yeso nə gì vənu vɔ́ mètə, ndèynə yizɔ, shɔꞌtə Nwi, gì laa lee, «Tɨta, yighee kùꞌ, də yikwalə ŋwiŋ wə tɨ́ mbi, tɨ́ kaꞌ vɨɨ kɨ̀ɨ nə yikwalə yə buꞌ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:28

Tɔmas gi tɨ́ Yeso laa, «Tɨta ŋwaa, Nwi ŋwaa!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:23

Nwi yɨ̀ nɨniŋ laa vɨɨ kɔ feenə tɨ́ ŋwiŋ wi, sheꞌ faŋ vəŋ fee tɨta Nwi nə. Nɨniŋ, wə ntɨə faŋ ŋwə kee fèe Wee Nwi ghɔ́ me, buu ŋwə nɨzi kee fee tɨta Nwi, faŋ ŋwə nə tɔ̀ŋ ŋwiŋ wi shɨ nsi nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:22

Vətɨɨ vi nə gì nɨniŋ, buꞌ laa vəŋ nəə fee vɨɨ Jus vɔ́, buꞌ laa vɨɨ Jus vɔ́ nə duꞌtə vəŋ tə laa, wə faŋ ŋwə taa biŋ ntee, ndɔ gì ntee laa Yeso lùu wə ntɨə faŋ Nwi shòꞌ, buu vəŋ taa fuusə ŋwə fɨ taa ŋii məshəŋtə vəŋ yighee muꞌ.

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Akts 2:36

Nɨniŋ nə, bàw vɨɨ vənshə fɨ shɨ Isirayl kɨɨ yinsəŋ laa Nwi nùŋsə sheꞌ Yeso ghɔ́ faŋ viŋ nə bèy fuu fəŋkɔꞌ fə ŋkɨꞌsə nə, laa ŋwə luu tɨta ŋwaa-nsiŋ, baa luu wuu məbweysə ŋwaa-nsiŋ.»

Roma 14:11

Luu sheꞌ faŋ ŋkə lùu taa ŋwaꞌlə Nwi laa, «Mɔꞌmbi gì laa, ŋkee maa yinsəŋ, sheꞌ faŋ mə dùꞌ bwey nə, vɨɨ vənshə ndɔ kɨ tuŋ vətɔ vəyəə vəvəŋ nsi vɨsɨ mə. Wə tɨ̀ me wə ndɔ kɨ bəŋsə Nwi.»

Roma 14:9

Lùu ŋiꞌ nu ŋkɨə faŋ tɨta Kristo nə ku, baa ywèy fɨ shɨ yiku, laa ŋwə ndɔ sɔꞌ vəŋku və nsisə, baa nə vɨɨ bweynə.

Roma 15:9

Gə fɨ maa vɨɨ tətɔŋ fu, vəŋ bəŋsə Nwi, buꞌ laa ŋwə nə kèe gəŋsə vəŋ nɨzi, sheꞌ faŋ ŋkə lùu taa ŋwaꞌlə Nwi laa, «Lùu nu ŋkɨə faŋ mə taa kɨ bwaŋ ghɔ taa ŋwaa vɨɨ tətɔŋ fu, zwa nyaysə maa yizii yə.»

1 Kɔrintian 12:3

Nɨniŋ, bàw ŋkə ley tɨ́ viŋ laa, kɨ luu sɔ̀ꞌ Zwitə Nwi sɔ̀ꞌ wə, buu kaꞌ wə ghɔ́ kee ndà Yeso me. Gə fɨ maa wə faŋ ŋwə gì laa Yeso lùu tɨta wi, kaꞌ ŋwə kee gì nɨniŋ me, tɨ̀ lɨꞌ laa Zwitə Ley Nwi yiba jɨŋ ŋwə me.

1 Kɔrintian 15:47

Mfɔŋ wə nə ndɔ̀ fɨ shɨ nsi, Nwi nə bɔ̀ŋ ŋwə nə shɔꞌ. Wə ŋgwii-wə faŋ ŋwə nə bèꞌsə nə, nə ndɔ luu fɨ yizɔ.

1 Kɔrintian 8:6

nsiŋ kɔꞌ kɨɨ laa Nwi luu sheꞌ muꞌ. Lùu ŋwə lùu Tii ŋwaa-nsiŋ. Bɔ̀ŋ ŋwə bɔ̀ŋ vətɔ vənshə. Ŋwə baa bɔ̀ŋ nsiŋ, laa nsiŋ kɨ kɔ feenə tɨ́ ŋwə. Wə ntɨə faŋ ŋwə kìi nsiŋ, luu sheꞌ muꞌ, lùu Yeso Kristo. Nwi nə shɔ̀ɔ fɨ yiba jɨŋ ŋwə, buu bɔŋ vətɔ vənshə. Məbwey ŋwaa-nsiŋ ndɔ̀ fɨ ghɔ ŋwə.

1 Pita 1:21

buꞌ laa viŋ kwàŋ fwi siŋ maa Nwi buꞌ ŋwə, faŋ Nwi nə ywèysə ŋwə fɨ shɨ yiku, kòꞌsə ŋwə fuu ŋkaw yifwàŋ. Nɨniŋ, kaꞌ viŋ nùŋ fwi siŋ maa Nwi, kɨ kɨꞌ məbwey vəlwaŋ fɨ ghɔ ŋwə.

1 Jɔn 4:15

Wə ntɨə faŋ ŋwə biŋ ntee laa, Yeso lùu Wee Nwi, buu Nwi taa fwi ŋwə. Ŋwə baa luu gòꞌ fa kəmuꞌ ghɔ Nwi.

1 Jɔn 4:2

Nu ŋkɨə faŋ kaꞌ viŋ kɨ̀ɨ nə Zwitə Ley Nwi fɨ fuŋ, lùu laa, wə ntɨə faŋ ŋwə bìŋ ntee laa Yeso lùu Kristo, wuu məbweysə ŋwaa-nsiŋ, faŋ ŋwə nə jwì mbi yaa wə, buu Zwitə Ley wə ghɔ́ ndɔ̀ fɨ ghɔ Nwi.

2 Jɔn 1:7

Viŋ kɔꞌ kɨɨ laa vɨɨ məbweꞌsə vɨɨ fùu taa mbi vəyaŋ, faŋ vəŋ kee bìŋ laa Yeso Kristo lùu wuu məbweysə ŋwaa-nsiŋ me, faŋ ŋwə ndɔ̀ fɨ ghɔ Nwi me, baa nə laa ŋwə kee jwi mbi gù fa fənshi yaa wə me. Kəŋ wə ghɔ́ lùu wuu məbweꞌsə vɨɨ, baa lùu wuu mbeenə Kristo.

Reveleyshən 3:5

Wə ntɨə faŋ ŋwə tɨ̀ŋnə, wèꞌ maa nu kaŋ, kɨ ghɔꞌ nu bwə, buu vɨ ndɔ mɔꞌ njwisə fusə maa ŋwə. Mə nyɔꞌ yizii yi taa ŋwaꞌlə məbwey vəlwaŋ, kee ndɔ baa ndɨɨsə me. Mə biŋ yizii yi vɨsɨ Tii ŋwaa, baa nə vɨsɨ nshiisə-ŋiisə Nwi.»