Filipi 1:27 - Vengo (Babungo)

²⁷ Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Filipi 1:27 ပူးပေါင်းရင်းမြစ်များ

Matiu 12:25

Ŋwə kɨɨ nə nu ŋkɨə faŋ vəŋ nə bɨꞌtə nə, gì tɨ́ vəŋ laa, «Yifwàŋ tɨ̀ me yifwàŋ faŋ ŋgaasə lùu taa tey yi, ndɔ ndi. Vɨɨ shɨ mɔ́ꞌ, tɨꞌnə me ŋii yimɔ́ꞌ gàasə vəway vəbɔɔ, buu kaꞌ nyə kee tɨ̀ŋnə me.

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

Akts 24:24

Mbusə vəshi kɨ shɔɔ, goməna Feliks jwì, ghɔ zu wi Drusila, faŋ nə luu wəzwi Jus, tɔŋ tìi Pɔɔl, kɨ zɔ faŋ Pɔɔl gi buꞌ nu məbiŋ Yeso Kristo.

Akts 4:32

Nwaa vɨɨ mbɨə faŋ vəŋ nə fìŋ tɔ vəŋ tɨ́ Kristo nə, fwi vəŋ luu yimuꞌ, yigisə vəŋ luu yimuꞌ nɨzi. Tuu wə kee tìi fa nə ŋkii me, vətɔ vəvəŋ vənshə luu fa kəmuꞌ.

Roma 1:16

Tɔ kaŋ kee dɨdɨɨ maa ntɔŋ yijəə Nwi yɔ́ me, buꞌ laa lùu nu wutə Nwi, faŋ ŋkə kɔ məbwey vəlwaŋ tɨ́ vɨɨ mbɨə faŋ vəŋ nùŋ fwisə vəŋ maa Kristo, zì fɨ maa vɨɨ Jus, gə kɔ tɨ́ vɨɨ tɔmə day.

Roma 1:5

faŋ ŋwə kee gəŋ saŋ-nsiŋ, nùŋ mə maa vɨɨ ntɔŋ vi, laa mə gə faꞌ taa məshɨ mənshə, yɨsə vɨɨ tətɔŋ fu nuŋ fwisə vəŋ maa ŋwə, kɨ zɔnə ŋwə, bəŋsə yizii yi.

Roma 1:9

Mə lumə viŋ ghee nshə vɨsɨ Nwi. Nshɨ-tɔ Nwi faŋ mə faꞌ faꞌ wi nə fwi nyaa yinshə, sàynə ntɔŋ yijəə kɔ̀ŋ ŋwiŋ wi nə, kɔꞌ kɨɨ laa mə lùmə viŋ.

Roma 10:8

Luu nə, ŋwaꞌlə Nwi baa gì laa lee, «Yigisə Nwi lùu nshənə tɨ́ ghɔ. Nyə lùu shuu ghɔ, baa lùu taa fwi ghɔ nɨzi.» Yigisə Nwi yɔ́ lùu nu Kristo ŋkɨə faŋ yia fɨꞌtə tɨ́ vɨɨ nə, laa vəŋ nuŋ fwisə vəŋ maa ŋwə.

Roma 15:16

laa mə gu wuu faꞌ Yeso Kristo taa ŋwaa vɨɨ tətɔŋ fu. Mə faꞌ tɨ́ Nwi yaa wuu məfeꞌ Nwi, fɨꞌtə ntɔŋ yijəə Nwi tɨ́ vɨɨ. Nɨniŋ laa vɨɨ tətɔŋ fu jwi, kɨ kɔ Nwi nə yiŋwaa vəŋ. Zwitə Ley Nwi yɨsə vəŋ baw tɨ́ Nwi.

Roma 15:29

Faŋ mə ndɔ kɨ jwi yɨ viŋ nə, mə kɔꞌ kɨɨ laa mə ndɔ jwi nə mənɔŋ-bwaŋnə fɨ ghɔ Kristo ŋkee yaŋ.

1 Kɔrintian 1:10

Vaŋ-nshwi vaŋ, mə tɨsə viŋ maa yizii Tɨta ŋwaa-nsiŋ Yeso Kristo, laa nu kiŋ luu kəmuꞌ, yigisə yiŋ luu yimuꞌ. Kɨ viŋ kɨ gaasə yiŋwaa vəway vəway me. Bàw mbɨꞌtə yiŋ luu yimuꞌ. Viŋ nuŋ fwi siŋ maa nu kəmuꞌ.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

2 Kɔrintian 9:13

Faꞌ ghɔ́ ndɔ twelə nu kiŋ tɨ́ vəŋ laa viŋ kùꞌnə maa nu Nwi. Vəŋ kɨ bəŋsə Nwi, buꞌ laa viŋ bìŋ ntɔŋ yijəə Nwi kɔ̀ŋ Yeso Kristo ntee, zɔnə ŋwə, gaŋtə vəŋ nə vətɔ viŋ nə fwi yimuꞌ. Vəŋ ndɔ biŋ viŋ nɨniŋ, ghɔ vɨ vɨɨ Nwi vənshə,

Galatia 1:7

Jɨɨ Nwi yiday kee lùu shɔ me. Nu Nwi kəday kəmɔ́ꞌ kee lùu shɔ me. Luu sheꞌ vɨɨ mɔ́ꞌ shɔ, faŋ vəŋ buulə tɔ kiŋ, buꞌ faŋ vəŋ kəə kwiinə nu Kristo, faŋ lùu jɨɨ məbwey vəlwaŋ.

Efesɔs 1:13

Gə fɨ maa viŋ, faŋ viŋ nə zɔ̀ nu yinsəŋ Nwi sheꞌ fɨ yiba, viŋ zɔ̀ ntɔŋ yijəə Nwi nɨzi, faŋ nyə bweysə viŋ nɨzi. Viŋ kɨ nii nùŋ fwi siŋ maa Kristo nɨzi. Nwi kɔ viŋ nə Zwitə Ley ki, faŋ ŋwə nə kɔ̀ꞌnə maa məkɔ tɨ́ vɨɨ nə. Zwitə Ley Nwi kɔ́ lùu shwenə ki mbɨɨ ŋwaa viŋ,

Efesɔs 1:15

Nɨniŋ, shù fɨ nə faŋ mə nə zɔ laa viŋ nùŋ fwi siŋ maa tɨta Yeso, baa nə laa viŋ kɨ kaw vaŋ-nshwi viŋ vɨɨ Nwi,

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

Filipi 1:5

buꞌ laa viŋ nəə beꞌsə mə maa faꞌ yigisə Nwi, shù fɨ́ maa yighee njyə faŋ viŋ nə fɔŋ zɔ ntɔŋ yijəə Nwi, jwi kɔ tɔ və-ndee.

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Filipi 2:24

Gə fɨ maa mə, mə nùŋ fwi nyaa maa tɨta Yeso laa fɨkɨꞌ nee, mə jwi yɨ viŋ nɨzi.

Filipi 3:18

Vɨɨ vəyaŋ lùu shɔ faŋ vəŋ kee tòꞌ nɨniŋ me. Mə duꞌtə mə gi tɨ́ viŋ kɔ̀ŋ vɨɨ vɔ́ ghee yaŋ. Mə baa naysə tɨ́ viŋ nə mənsɨ sɨ mə ndwə laa, jɨɨ njyə faŋ vɨɨ vɔ́ toꞌ fɨ fuŋ nə, lùu jɨɨ vɨɨ mbeenə nu fəŋkɔꞌ fə ŋkɨꞌsə fə Kristo.

Filipi 3:20

Gə fɨ maa nsiŋ, nsiŋ lùu vɨɨ faŋ fu ŋwaa-nsiŋ lùu yizɔ. Nsiŋ tə sɨ, kɨ kɨꞌ tɨta Yeso Kristo, faŋ lùu mbweysə nyaa-nsiŋ, faŋ ŋwə ndɔ fuu fɨ yizɔ, jwì yɨ nsiŋ.

Filipi 4:1

Vaŋ-nshwi vaŋ, faŋ mə kàw viŋ, baa kaw maa məye viŋ, yaa kɨ yɨ viŋ laa fwi nyaa kɨ kii məŋaytə. Viŋ lùu vəkeynə vaŋ fɨ ghɔ Nwi. Vɨɨmba vaŋ, viŋ kɨ tɨŋnə weꞌ maa nu Nwi, sheꞌ faŋ mə duꞌtə mə naysə tɨ́ viŋ nə.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

Kɔlɔsii 1:4

Yia bwaŋ Nwi buꞌ laa yia nə zɔ laa viŋ nùŋ fwi siŋ maa Yeso Kristo, baa kàw vɨɨ ley Nwi vənshə,

1 Tesalonika 3:6

Lùu ndwə, Timoti bə̀ŋ jwì fɨ yɨ viŋ, jwì yɨ yia, nàysə ntɔŋ yijəə tɨ́ yia, laa viŋ gòꞌsə viŋ vɨ Kristo, kawnə viŋ viŋ, ndɔ lumə yia jəə ghee nshə, baa nə laa jɨŋ məye yia zasə viŋ nɨzi, sheꞌ faŋ jɨŋ yiŋ zasə yia nɨzi.

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

1 Timoti 1:11

Nu Nwi yinsəŋ luu sheꞌ ntɔŋ yijəə Nwi kɔ̀ŋ yikwalə Nwi faŋ Nwi dùꞌ nə mənɔŋ-bwaŋnə, bàw shɨlə nə. Luu ŋkee ntɔŋ yijəə njyə faŋ Nwi nə kɔ̀ ghɔ mə laa mə kɨ fɨꞌtə tɨ́ vɨɨ.

1 Timoti 1:19

Nuŋ fwi yə maa Kristo, tweꞌ shɔ, kɨ yɨ vənu tɨ́ kaꞌ fwi yə kee ghaysə ghɔ me. Vɨɨ mɔ́ꞌ nə mèꞌ nu jəə, fwisə vəŋ kee dùꞌ səjəə me. Nu Kristo kɨ nii ndì fɨ ghɔ vəŋ laylay. Vəŋ fɨnə vɨɨ faŋ vəŋ dùꞌ taa bay, ŋkə seenə gù taa muu.

2 Timoti 4:7

Mə tùŋ yighaw yijəənə, ghuu yitoꞌ kaŋ ndwə̀. Mə kee bee mèꞌtə nu Kristo faŋ mə nùŋ fwi nyaa maa ŋwə nə me.

Taytəs 2:10

kee shaw fa fɨ ghɔ vəŋ me, yɨsə vənu vəvəŋ vənshə vəbi. Nɨniŋ, vəŋ gaŋtə nu Nwi, wuu məbweysə ŋwaa-nsiŋ, maa vənu vənshə, laa ŋkə baw tɨ́ vɨɨ.

Filemon 1:5

Mə bwaŋ Nwi buꞌ laa mə zɔ laa a nùŋ fwi yə maa tɨta Yeso, baa kaw ŋwə, ndɔ kaw vɨɨ ley Nwi vənshə.

Jeyms 3:18

Vɨɨ vɔ́ faŋ vəŋ jwi nə mənɔŋ-bwaŋnə nə, yɨsə laa vɨɨ duꞌ nə mənɔŋ-bwaŋnə, ndɔ ye laa jəə fuu fɨ taa vəfaꞌ vəvəŋ, sheꞌ yaa vətɔ yaa kɨ ta fɨ maa ŋgwisə vətɔ vɔ́ faŋ vɨ nə bìa taa nsi.

2 Pita 3:11

Nɨniŋ, bàw viŋ shi kɨ kɨꞌ, faŋ viŋ duꞌtə viŋ kɨ̀ɨ laa vətɔ vənshə ndɔ ndi. Viŋ shi nə nshinə njyə faŋ nyə kùꞌnə tɨ́ vɨɨ Nwi, kɨ zɔnə ŋwə maa vənu vənshə.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.