Filipi 1:26 - Vengo (Babungo)

²⁶ Nɨniŋ laa, faŋ nsiŋ ndɔ baa luu mɔ́ꞌ, buu viŋ taa kii ŋkee nu kwalə mɔ́ꞌ maa məbəŋsə Yeso Kristo shɔ, maa nu ŋkɨə faŋ ŋwə yɨ maa mə nə.

Filipi 1:26 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:22

Sheꞌ nee, viŋ lùu ndwə lɨluŋ. Luu nə, fwi siŋ ndɔ kɨ ŋaytə faŋ mə ndɔ baa jwi ye viŋ. Nɨniŋ, tuu wə kee lùu shɔ, tɨ́ kaꞌ ŋwə baa fì məŋaytə wiŋ fɨ ghɔ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:24

Jwi kɔ tɔ və-ndee, viŋ kee ta ndwàŋ fa fɨ ghɔ Tii ŋwaa maa yizii nyaa me. Bàw viŋ buꞌ ghɔ, ndwàŋ vətɔ fɨ ghɔ Tii ŋwaa, yuu kii, laa məŋaytə lwaŋ taa fwisə viŋ.»

2 Kɔrintian 1:14

sheꞌ faŋ viŋ duꞌtə viŋ jia way nu kia nə, laa viŋ ndɔ kɨ ŋaytə, bəŋsə Nwi buꞌ yia, yia kɨ ŋaytə, bəŋsə Nwi buꞌ viŋ, maa shi ŋkɨə faŋ tɨta Yeso ndɔ bəŋ jwi.

2 Kɔrintian 5:12

Kɨ ŋkə kee lùu laa yia baa bəŋsə ŋwaa wia tɨ́ viŋ me. Yia kəə kɔ sheꞌ jɨɨ tɨ́ viŋ, tɨ́ kaꞌ viŋ ŋàytə buꞌ yia, kɨ̀ɨ maa məkɔ bəŋsə tɨ́ vɨɨ mbɨə faŋ vəŋ koꞌsə ŋwaa buꞌ məkwalə wə, kee kɨɨ koꞌsə ŋwaa buꞌ fwi yijəə me.

2 Kɔrintian 7:14

Nɨniŋ, nu ŋkɨə faŋ mə nəə bəŋsə viŋ shɔ tɨ́ ŋwə, kee gù nu tɔ dɨɨ shee me. Ŋkə fuu yinsəŋ, sheꞌ faŋ vənu vənshə faŋ mə nə gì tɨ́ viŋ lùu vənu və yinsəŋ nə.

2 Kɔrintian 7:4

Mə gisə vənu tɨ́ viŋ ntee, ŋkee nə fwi yijəə. Mə bəŋsə viŋ dɨdɨꞌ. Fwi nyaa zùtə dɨdɨꞌ buꞌ viŋ. Mə kìi məŋaytə yaŋ, faŋ ŋɨꞌ nyaa kɔlə yaŋ nə.

2 Kɔrintian 7:6

Luu nə, Nwi faŋ ŋwə yaa kɨ kɔ fwi yizutə tɨ́ vɨɨ mbɨə faŋ vɨ fiitə vəŋ nsi, baa kɔ fwi yizutə tɨ́ yia nɨzi, faŋ Titɔs nə jwì yɨ yia.

Galatia 6:4

Bàw wə nə wə kɨ mɔŋ sheꞌ ŋgwinə faꞌ faŋ ŋwə faꞌ, laa ŋwə lùu jəə mu? Ŋwə taa luu jəə, buu ŋwə taa ŋaytə maa faꞌ ŋgwə faŋ ŋwə faꞌ. Luu nə, bàw ŋwə yɨ nɨniŋ sheꞌ ŋgɨɨ-ŋwə, kee kɨ fɨꞌ maa nu wə dɨday me,

Filipi 3:1

Vaŋ-nshwi vaŋ, vəndwə və yigi vaŋ lùu laa, viŋ kɨ ŋaytə maa tɨta Kristo. Faŋ mə kɔlə nyɔ̀ꞌ vənu faŋ mə nə tèꞌsə nyɔ̀ꞌ nə, mə kee bee yibwa maa mənyɔꞌ vənu vɔ́ me. Yigi yɔ́ taa kɨ yɨsə viŋ weꞌ maa nu Nwi.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Filipi 4:10

Mə ŋaytə ŋkee dɨdɨꞌ, baa bwaŋ tɨta Nwi, buꞌ laa viŋ baa tey kɨ kɨꞌ mə nə. Ŋkə gə̀ ŋkee ntaŋ, faŋ viŋ nə kɨ̀ꞌ mə nə. Nɨniŋ, mə kìi məŋaytə yaŋ ndwə. Mə kɔꞌ kɨɨ laa viŋ yaa lumə mə ghee nshə, luu nə, viŋ nə kee kìi jɨɨ kɨ gaŋtə mə me.

Filipi 4:4

Viŋ zɔ, mə gì tɨ́ vɨɨ Kristo vənshə; viŋ kɨ ŋaytə ghee nshə, buꞌ faŋ viŋ lùu vɨɨ Kristo nə. Mə baa kɨ gi laa viŋ kɨ ŋaytə.