Filipi 1:20 - Vengo (Babungo)

²⁰ Mə tə sɨ, kɨ kɨꞌ laa tɔ kaŋ kee ndɔ dɨɨ me, baa nə laa Nwi ndɔ yɨsə laa vɨɨ bəŋsə Kristo buꞌ mə, sheꞌ faŋ ŋwə yuu kɨ yɨsə ghee nshə. Vɨ ndɔ bəŋsə Kristo buꞌ mə, faŋ mə kɔlə kɨku, tɨꞌnə me bɨbwey.

Filipi 1:20 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:19

Yeso nə gì nɨniŋ maa mədə jɨɨ yiku Pita, faŋ vɨ ndɔ zwi ŋwə, ŋwə bəŋsə Nwi shɔ. Yeso nə gì nɨniŋ, baa gì tɨ́ Pita laa ŋwə beꞌsə yi.

Akts 20:24

Luu nə, mə kee fii ŋwaa ŋwaa nə nu me. Mə kəə sheꞌ laa mə yɨsə, ndɔ mètə faꞌ ŋgwə faŋ Yeso nə kɔ̀ shee, laa mə faꞌ nə, laa mə fɨꞌtə ntɔŋ yijəə Nwi, faŋ Nwi kee gəŋsə vɨɨ, kəə kɔ məbwey vəlwaŋ tɨ́ vɨɨ.

Akts 21:13

Luu nə, Pɔɔl kee kaw zɔ me, gì laa, «Viŋ sii yɨ̀ kə, gwia tɨ́ kə? Kɨ viŋ yɨsə fwi nyaa lɔꞌ me! Mə duꞌtə mə biŋ laa vɨ kwaŋ mə mfiŋ Jerusalem. Mə biŋ ŋkee maa məku buꞌ yizii tɨta Yeso.»

Akts 4:31

Faŋ vəŋ nə bùꞌ ghɔ tɨ́ Nwi nɨniŋ nə, shəŋ ŋkɨə faŋ vəŋ nə faynə shɔ nə, nəꞌnə, Zwitə Ley Nwi ŋii taa fwisə vəŋ vənshə. Vəŋ fɨꞌtə nu Nwi nə fwi yiweꞌ.

Roma 12:1

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

Roma 5:5

Faŋ nsiŋ kɨꞌ nu kwalə fɨ ghɔ Nwi, buu nsiŋ kee ndɔ ndi tɔ dɨɨ shɔ me, buꞌ laa Nwi nə kwàŋ Zwitə Ley ki taa fwisə nsiŋ, ŋkə lwaŋ, yɨ laa nsiŋ zɔ faŋ Nwi kàw nsiŋ.

Roma 6:13

Kɨ viŋ baa kɨ kɔ fa yiŋwaa yiŋ tɨ́ nu bwə, maa məyɨsə nu faŋ ŋkə kee lùu kəloomə me. Viŋ bee kii fiŋ tɔ kiŋ tɨ́ Nwi, buꞌ faŋ viŋ lùu vɨɨ faŋ vəŋ nə fùu fɨ shɨ yiku, zɨ̀ məbwey. Nɨniŋ, viŋ kɔ yiŋwaa yiŋ tɨ́ Nwi, kɨ yɨsə vənu faŋ mbə lùu vəjəə, baa lùu vəloomə.

Roma 6:19

Mə gisə nɨniŋ, fɨꞌ sheꞌ maa ndɨɨlə wə mənsaw, buꞌ laa ŋwaa wiŋ nə bwa maa nu Kristo. Nə luu maa yighee vɨsɨ, viŋ nə fìŋ vəshəŋ fɨ maa viŋ maa nu bwə, nə maa nu faŋ ŋkə kee kùꞌnə maa ntɨsə Nwi me, viŋ gu vəbuꞌ və vənu vɔ́, sùꞌsə ntɨsə Nwi. Nɨniŋ, bàw viŋ baa luu fìŋ yiŋwaa yiŋ yinshə tɨ́ nu ŋkɨə faŋ ŋkə lùu kəloomə ndwə, gù vəbuꞌ tɨ́ nu faŋ ŋkə lùu kəloomə, laa viŋ baw vɨsɨ Nwi, gə̀ vɨsɨ vɨsɨ.

Roma 8:19

Vətɔ fɨ taa mbi vənshə faŋ Nwi nə nàysə, mbə kɨꞌ yighee njyə faŋ vaŋ Nwi ndɔ fuu ntee nə yikwalə Nwi nə.

Roma 9:33

Maa ŋkə lùu taa ŋwaꞌlə Nwi laa, «Viŋ zɔ! Mə taa nuŋsə ŋoꞌ shɨ Zayon, faŋ vɨɨ taa kɨ tumə ghuu vəŋ shɔ, ŋkee nsi yighɔsə faŋ vəŋ taa kɨ gukə shɔ. Luu nə, wə ntɨə faŋ ŋwə nùŋ fwi yi maa ŋwə, kaꞌ tɔ ki kee ndɔ dɨɨ me.»

1 Kɔrintian 15:31

Vaŋ-nshwi vaŋ, mə naysə tɨ́ viŋ laa mə luu shuu yiku vəshi vənshə. Luu ŋkee nu yinsəŋ, sheꞌ faŋ ŋkə baa lùu yinsəŋ laa mə koꞌsə ŋwaa buꞌ viŋ, buꞌ laa viŋ lùu vɨɨ Yeso Kristo, faŋ lùu tɨta ŋwaa-nsiŋ faŋ ŋwə sɔꞌ nsiŋ nə.

1 Kɔrintian 6:20

Viŋ kɔꞌ kɨɨ laa Yeso Kristo nə ywàŋ viŋ ŋkee nə mənshi mi, faŋ ŋwə nə kù tɔ nsiŋ nə. Nɨniŋ, viŋ kɨ ndɨ yiŋwaa yiŋ maa məbəŋsə Nwi!

1 Kɔrintian 7:34

Nɨniŋ, fwi yi gaasə vəway vəbɔɔ. Sheꞌ nɨniŋ, vəki ŋkusə nə vaŋ-vəki, faŋ vəŋ kee kìi vəndɔŋ me, bɨꞌtə sheꞌ vənu və Nwi, tɨ́ kaꞌ vəŋ kɔ̀ fwisə vəŋ nə yiŋwaa vəŋ tɨ́ Nwi. Luu nə, vəki faŋ vəŋ ndàa vəndɔŋ, vəŋ bɨꞌtə sheꞌ vənu və taa mbi, kəə sheꞌ jɨɨsə maa məyɨsə laa vəndəə vəvəŋ duꞌ nə fwisə jəəsə.

2 Kɔrintian 10:8

Mə nəə toꞌ kəə kɨ buꞌ dɨŋ ŋwaa buꞌ wutə ŋkɨə faŋ tɨta Kristo nə kɔ̀ shee maa məyɨsə viŋ ta taa nu Nwi, buu kaꞌ tɔ kaŋ kee dɨ̀ɨ shɔ me. Ŋwə nə kee kɔ̀ wutə kɔ́ laa yia kɨ ndisə viŋ me.

2 Kɔrintian 3:12

Faŋ yia nùŋ fwi sia maa ntɔŋ yijəə yɔ́ nee nə, yia jia fwi ŋkee dɨdɨꞌ maa mətɨŋnə, fɨꞌtə nu Nwi.

2 Kɔrintian 4:10

Yia lùu shuu yiku ghee nshə, tɨ́ kaꞌ vɨɨ kɨ ye məbwey Yeso mbɨɨ ŋwaa yia nɨzi.

2 Kɔrintian 5:15

Kristo nə kù tɔ vɨɨ vənshə laa vɨɨ mbɨə faŋ vəŋ lùu vəbwey, kee kɨ duꞌ fɔ vəŋ me, dùꞌ kɨ kɔ yiŋwaa vəŋ tɨ́ wə ntɨə faŋ ŋwə nə kù tɔ vəŋ, baa ywey fɨ shɨ yiku nə.

2 Kɔrintian 7:14

Nɨniŋ, nu ŋkɨə faŋ mə nəə bəŋsə viŋ shɔ tɨ́ ŋwə, kee gù nu tɔ dɨɨ shee me. Ŋkə fuu yinsəŋ, sheꞌ faŋ vənu vənshə faŋ mə nə gì tɨ́ viŋ lùu vənu və yinsəŋ nə.

2 Kɔrintian 7:4

Mə gisə vənu tɨ́ viŋ ntee, ŋkee nə fwi yijəə. Mə bəŋsə viŋ dɨdɨꞌ. Fwi nyaa zùtə dɨdɨꞌ buꞌ viŋ. Mə kìi məŋaytə yaŋ, faŋ ŋɨꞌ nyaa kɔlə yaŋ nə.

Filipi 1:14

Nu mɔ́ꞌ baa lùu laa, vaŋ-nshwi vaŋ-nsiŋ vəyaŋ, faŋ vəŋ ye laa mə lùu taa ŋii mfiŋ buꞌ Kristo nə, vəŋ tey kɨ yɨꞌtə maa Yeso ŋkee dɨdɨꞌ, baa kìi fwi yiweꞌ maa məbaa fɨꞌtə nu Nwi tɨ́ vɨɨ, gə vɨsɨ vɨsɨ, kee baa fɨfee me.

Filipi 2:17

Məbiŋ wiŋ faŋ viŋ biŋ Kristo nə, lùu yaa ndey faŋ viŋ fèꞌ tɨ́ Nwi. Kɨ yighee mɔ́ꞌ məbwey ŋwaa ndɔ ndi, buu lùu yaa fa faŋ vɨ ndi, kùꞌsə maa ndey yɔ́. Ŋkə taa luu nɨniŋ, buu mə taa kii məŋaytə taa fwi mə; nsiŋ baa faynə yiŋwaa, kɨ ŋaytə.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

1 Pita 4:16

Luu nə, wə kɨ luu ye ŋɨꞌ buꞌ laa ŋwə lùu wuu Kristo, kɨ tɔ ki dɨɨ me. Bàw ŋwə bəŋsə Nwi, buꞌ faŋ vɨ ndì ŋwə laa lùu wuu Kristo.

1 Jɔn 2:28

Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!