Filipi 1:18 - Vengo (Babungo)

¹⁸ Luu nə, mə kee shə̀ŋ shɔ me. Vəŋ kɔlə yɨsə nə mbɨꞌtə yikə, kɨ vəŋ fɨꞌtə nu Kristo nə fwi yijəə, tɨꞌnə me nə fwi yifəŋ, fwi nyaa lùu nə məŋaytə buꞌ faŋ vɨ fɨꞌtə nu Kristo tɨ́ vɨɨ. Yinsəŋ məŋaytə ŋwaa taa kɨ gə nə vɨsɨ,

Filipi 1:18 ပူးပေါင်းရင်းမြစ်များ

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Mark 12:40

Viŋ kɔꞌ kɨɨ laa, vəŋ zɨ vətɔ və vəki ŋkusə, shɔꞌtə Nwi nə təgi təyaŋ təyaŋ, tay dɨdɨꞌ maa məboꞌ sɨ vɨɨ. Nsɔꞌ njyə faŋ Nwi ndɔ kwaŋ maa vəŋ ndɔ shɔɔ ki.»

Lukas 9:45

Vəŋ kee jia ŋiꞌ yigi yɔ́ me. Ŋkə nə ndènə fɨ yikəꞌ vəŋ maa məkɨɨ nə ŋkee ŋiꞌ ki. Luu nə, vəŋ fee fɨ bitə tɨ́ ŋwə.

Lukas 9:50

Yeso gi tɨ́ ŋwə laa, «Kɨ viŋ twey tɨ́ ŋwə me. Wə faŋ ŋwə kee twèy viŋ me, buu ŋwə bìŋ viŋ.»

Roma 3:9

Nɨniŋ, nu kɔ́ lùu kɨkə ndwə? Yia vɨɨ Jus shɔ̀ɔ vɨɨ mɔ́ꞌ nə nu mu? Bey, yia kee bee shɔ̀ɔ vəŋ me. Maa nsiŋ nii duꞌtə nsiŋ ye laa, vənu vəbwəvə lùu maa vɨɨ Jus ghɔ vɨ vɨɨ tɔmə day vənshə.

Roma 6:15

Faŋ ŋkə lùu nɨniŋ, faŋ ntɨsə sɔ́ kee baa sɔ̀ꞌ nsiŋ me, buꞌ faŋ mənɔŋ-bwaŋnə Nwi sɔꞌ nsiŋ nə, kaꞌ nsiŋ kɨ yɨ vənu vəbwəvə mu? - Bey, ŋkə kee lùu nɨniŋ me.

1 Kɔrintian 10:19

Ŋkə də̀ laa kə? Ŋkə lùu laa vənwi vədayday lùu fa mu? Mbasə ŋgwə faŋ vɨ fèꞌ vənwi vɔ́ shɔ nə, lùu fa faŋ ŋkə kìi wutə mu?

1 Kɔrintian 14:15

Ŋkə də̀ laa kə? Ŋkə lùu laa, mə kəə ndɨ̀ təghaŋ tɔ́ faŋ Zwitə Nwi kɔ̀ shee nə, shɔ̀ꞌtə Nwi shɔ. Luu nə, mə taa kɨ shɔꞌtə Nwi nə ghaŋ ley faŋ ŋwə ndɔ̀ fɨ taa mbɨꞌtə nyaa nɨzi. Mə kəə zwà nyay maa wutə Zwitə Ley Nwi. Luu nə, mə taa ndɨ ŋkitə nyaa, zwà nyay shɔ nɨzi.

1 Kɔrintian 15:11

Faŋ mə fɨꞌtə yigisə Nwi tɨ́ viŋ, tɨꞌnə me wə dɨday fɨꞌtə tɨ́ viŋ, ŋkwiinə kee lùu shɔ me. Yia vənshə fɨꞌtə sheꞌ nu Kristo tɨ́ viŋ maa jɨɨ yimuꞌ. Viŋ nə nùŋ fwi siŋ sheꞌ maa nu Kristo kɔ́.

Filipi 1:19

buꞌ laa mə kɔꞌ kɨɨ laa məshɔꞌtə wiŋ, faŋ viŋ shɔꞌtə Nwi tɔ mə nə, baa nə ŋgaŋtə njyə faŋ Zwitə Yeso Kristo kɔ shee, taa yɨ laa nsɔꞌ nyaa fuu sheꞌ yijəə tɨ́ mə.