Filipi 1:13 - Vengo (Babungo)

¹³ Vəsogeꞌ və fwàŋ Rom baa nə vɨɨ mɔ́ꞌ kɔꞌ kɨɨ ndwə laa luu buꞌ nu Kristo, faŋ mə ŋìi mfiŋ nə.

Filipi 1:13 ပူးပေါင်းရင်းမြစ်များ

Akts 26:29

Pɔɔl gi laa, «Mə taa shɔꞌtə Nwi laa, kɨ ŋkə taa luu kədə, tɨꞌnə me kətuŋsə, laa ghɔ, viŋ vɨ vɨɨ vənshə faŋ viŋ zɔ yigisə nyaa ndee, taa kiasə lùu yaa mə, goꞌ sheꞌ vəsumə və̀.»

Akts 26:31

Faŋ vəŋ nə kɨ ndɔ̀, wə nə wə gi tɨ́ liŋ wi laa, wə ŋwə̀ kee yɨ̀ nu bwə, tɨ́ kɨ kaꞌ vɨ zwi ŋwə me, tɨꞌnə me kwàŋ ŋwə mfiŋ me.

Akts 28:17

Vəshi kɨ shɔ̀ɔ vətia, Pɔɔl tii vəshɨꞌ və vɨɨ Jus, faŋ vəŋ nəə shi shɨ Rom, laa vəŋ jwi faynə taa ŋii ŋwə. Vəŋ jwi, ŋwə gi tɨ́ vəŋ laa, «Vaŋ-nshwi vaŋ, mə nə kee yɨ̀ tuu nu bwə maa vɨɨ shɨ kaŋ-nsiŋ me, tɨꞌnə me maa nuŋsə vətɨɨ vaŋ-nsiŋ me. Luu nə, vɨɨ jia mə ntɨꞌ Jerusalem, kɔ̀ tɨ́ vɨɨ Rom, mə gu wuu ŋii mfiŋ.

Akts 28:20

Lùu ŋiꞌ nu ŋkɨə faŋ mə tìi viŋ shɔ nə, laa mə naysə nu kɔ́ tɨ́ viŋ. Vɨ kà mə nə vəsumə və̀, luu buꞌ laa mə biŋ ŋkɔꞌnə njyə faŋ Nwi nə kɔ̀ꞌnə tɨ́ vɨɨ Isirayl nə.»

Akts 28:30

Pɔɔl kɨ nii shì shɨ Rom maa ŋuꞌsə bɔɔ sheꞌ taa ŋii yɔ́, faŋ ŋwə nəə shi tey yi nɨndɔꞌ. Vɨɨ vənshə faŋ vəŋ nə jwi yè ŋwə yifi, ŋwə ndi vəŋ,

Efesɔs 3:1

Lùu ŋiꞌ nu ŋkɨə faŋ mə, Pɔɔl, lùu wuu ŋii mfiŋ buꞌ Yeso Kristo ndwə, buꞌ laa mə nə fɨꞌtə ntɔŋ yijəə Nwi tɨ́ vɨɨ tətɔŋ fu.

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

Efesɔs 6:20

Mə lùu wuu ntɔŋ nu Nwi kɔ́, faŋ mə kɔlə lùu taa ŋii mfiŋ, vəsumə və bwey luu maa mə nə. Bàw mə kɨ gisə nə məka fwi, faŋ ŋkə kùꞌnə laa mə gi nə.

Filipi 1:30

Nɨniŋ, nsiŋ nywenə sheꞌ nywaŋ yimuꞌ. Viŋ nə duꞌtə viŋ ye nywaŋ njyə faŋ mə nə nywenə nə, baa zɔ̀ ndwə laa mə kɨ bii nywenə nywaŋ yɔ́.

Filipi 1:7

Ŋkə lùu kəloomə laa mə kìi kəŋ məlumə ŋwə̀ kɔ̀ŋ viŋ vənshə, buꞌ laa mə kaw viŋ fɨ taa fwi mə. Mənɔŋ-bwaŋnə ŋgwə faŋ Nwi nə kɔ shee nə, ŋwə kɔ tɨ́ viŋ nɨzi, faŋ mə kɔlə lùu taa ŋii mfiŋ, tɨꞌnə me, tɨ̀ŋnə taa ŋii nsɔꞌ, fɨꞌtə nu kɔ̀ŋ yigisə Nwi, baa də laa yigisə Nwi lùu yigisə yinsəŋ.

Filipi 4:22

Vɨɨ ley Nwi vənshə fɨ feenə shɔꞌtə viŋ. Ŋkee vɨɨ mbɨə faŋ vəŋ shi ntoꞌ fwàŋ Kaysa, faŋ lùu vɨɨ Kristo, shɔꞌtə viŋ nɨzi.

2 Timoti 2:9

Mə ye ŋɨꞌ, ŋii ŋkee mfiŋ yaa ŋkee yɨ-kəbwə, luu buꞌ ntɔŋ yijəə yɔ́. Luu nə, faŋ vɨ kɔlə kwàŋ mə mfiŋ nə, kaꞌ vɨ kee fə̀ŋ nu Nwi me.