Filemon 1:24 - Vengo (Babungo)

²⁴ Mark nə Aristarkɔs nə Dimas, nə Lukas, faŋ yia vɨ vəŋ faꞌ mɔ́ꞌ nə, shɔꞌtə viŋ nɨzi.

Filemon 1:24 ပူးပေါင်းရင်းမြစ်များ

Akts 12:12

Faŋ ŋwə nə kɨ̀ɨ nə nu kɔ́, ŋwə ndɔ gə̀ taa ŋii Meri, nshu Jɔn, faŋ yizii yi yimɔ́ꞌ nə luu Mark, buꞌ laa vɨɨ vəyaŋ nə shə̀ŋtə yifi, kɨ shɔꞌtə Nwi.

Akts 12:25

Barnabas ghɔ Sɔɔl bəŋ fɨ ntɨꞌ Jerusalem, tɨ́ vəŋ faꞌ faꞌ vəŋ shɔ ŋwə kùꞌnə, kii jwi, jwì ghɔ vɨ Jɔn faŋ yizii yi yimɔ́ꞌ nə luu Mark. Vəŋ bəŋ gə̀ ntɨꞌ Antiɔk (fɨ shɨ Siria).

Akts 13:13

Pɔɔl ghɔ vəliŋ vi kɨ nii ndɔ̀ fɨ ntɨꞌ Pafɔs, baa tɔŋ mamuu, shɔɔ gə̀ ziꞌ ntɨꞌ Perga fɨ shɨ Pamfilia. Jɔn Mark meꞌtə vəŋ yifi, bə̀ŋ gə ntɨꞌ Jerusalem.

Akts 19:29

Shɨ kɔ́ kənshə kɨ nii luu ŋkee kəbuulə kəbuulə, vɨɨ vənshə nyɨŋ gə̀ maa shəŋ vəghay, fùu jìa Gayɔs nə Aristarkɔs, vɨɨ Makedonia, faŋ nə luu vɨɨ ghuu yitoꞌ Pɔɔl.

Akts 27:2

Pɔɔl ghɔ wə ntɨə faŋ ŋwə nyɔ̀ꞌ ŋwaꞌlə ŋwə̀, ŋii bay kwalə kəmɔ́ꞌ, faŋ ŋkə nə ndɔ̀ fɨ Adramitiəm, kɨ kəə gə ziꞌ kwiŋ shɨ Asia. Lùu faŋ yia nə ndɔ fɨ ntɨꞌ Sisaria, yia vɨ Aristarkɔs, wuu Makedonia mɔ́ꞌ fɨ ntɨꞌ Tesalonika.

2 Kɔrintian 8:23

Gə fɨ maa Titɔs, ŋwə lùu wuu yitoꞌ ŋwaa, baa gaŋtə mə nə faꞌ faŋ mə fàꞌ buꞌ viŋ nə. Gə fɨ maa vaŋ-nshwi vaŋ-nsiŋ vɔ́, tɔŋ vəməshəŋtə və vɨɨ Nwi tɔŋ vəŋ, vɨɨ bəŋsə yizii Kristo buꞌ vəŋ.

Filipi 2:25

Gə fɨ maa Epafroditɔs, weenshu ŋwaa-nsiŋ, faŋ yia ŋwə nəə faꞌ mɔ́ꞌ nə, ŋɨɨlə buꞌ nu Nwi mɔ́ꞌ nə. Ŋwə baa lùu wuu ntɔŋ wiŋ, faŋ ŋwə nə jwì ndèynə mə, gàŋtə mə. Luu nə, ŋkə bàw laa mə baa tɔŋ ŋwə, ŋwə bəŋ jwi yɨ viŋ.

Filipi 4:3

Mə buꞌ ghɔ tɨ́ Sisigɔs, faŋ yia ŋwə nə fàꞌ mɔ́ꞌ nə, laa ŋwə gaŋtə vəki vɔ́, tɨ́ kaꞌ vəŋ baa kɨ duꞌ bwaŋnə, buꞌ laa yia vɨ vəŋ nə kɨ̀ɨtə mɔ́ꞌ yighee vɨsɨ buꞌ nu Nwi nə, sheꞌ yuu Klement nə vɨɨ mɔ́ꞌ faŋ vəŋ beꞌsə yia nə. Nwi nyɔ̀ꞌ təzii təvəŋ taa ŋwaꞌlə məbwey vəlwaŋ.

Kɔlɔsii 4:10

Aristarkɔs faŋ ŋwə lùu feenə taa ŋii mfiŋ yia ŋwə mɔ́ꞌ, shɔꞌtə viŋ. Mark, wee weenshu Barnabas, shɔꞌtə viŋ nɨzi. Mə duꞌtə mə nyɔꞌ vənu kɔ̀ŋ ŋwə tɨ́ viŋ. laa ŋwə taa jwi yɨ viŋ, viŋ jia ŋwə jəə.

Kɔlɔsii 4:14

Lukas, faŋ lùu tɨɨ vəfɔ nə, faŋ mə kàw, baa nə Dimas, shɔꞌtə viŋ nɨzi.

1 Pita 5:13

Nshəŋtə vɨɨ Nwi fɨ shɨ Babilɔn faŋ Nwi nə shòꞌ viŋ vɨ vəŋ nə, baa nə Mark, weembwa faꞌ ŋwaa, shɔꞌtə viŋ nɨzi.

3 Jɔn 1:8

Nɨniŋ, ŋkaŋ-nsiŋ lùu laa nsiŋ kɨ nuŋ kəŋ vɨɨ vɔ́ taa ndɔꞌ nsiŋ, laa nsiŋ luu vaŋ-nshwi vəŋ fɨ taa faꞌ ŋgwə faŋ lùu nu Nwi yinsəŋ.