Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesɔs 6:9 - Vengo (Babungo)

9 Gə fɨ maa viŋ, vətɨɨ və vəbuꞌ, viŋ kɨ yɨsə maa vəbuꞌ viŋ sheꞌ nɨniŋ, kee baa kɨ kɔꞌnə maa məyɨ nu bwə maa vəŋ me. Kɨ lumə laa Tɨta wiŋ, viŋ vɨ vəŋ, lùu yizɔ. Nseesə kee bee lùu shɔ ghɔ Nwi me. Vɨɨ vənshə luu sheꞌ nɨndɨŋ tɨ́ ŋwə.

အခန်းကိုကြည့်ပါ။ ကော်ပီ




Efesɔs 6:9
40 ပူးပေါင်းရင်းမြစ်များ  

Vəndifwaŋ vɔ́ gə jɨɨsə, bàytə vɨɨ vənshə faŋ vəŋ yè, vɨɨ bwənə nə vɨɨ jəənə, vəŋ jwi, lwàŋ taa ŋii məndaa yɔ́, dùꞌ nsi kɨ zɨ.


Fwàŋ ghɔ́ kɨ nii gì tɨ́ vəndifwaŋ vi laa, «Yitianə məndaa kùꞌnə. Luu nə, vɨɨ mbɨə faŋ vɨ nə shoꞌ vəŋ nə, kee yikuꞌnə me.


Luu nə, wuu faꞌ bwə kɨ luu gi fɨ taa fwi ŋwə laa, «Tɨɨ faꞌ ŋwaa tày,»


Tɨɨ faꞌ wi ghɔ́ taa kɨ jwi, jwì nùꞌ məŋkɔ, kɔ̀ tɨ́ ŋwə, kwàŋ ŋwə taa ŋwaa vɨɨ məboꞌ ŋwaa, ŋwə ŋii taa shəŋ faŋ yigwia lùu shɔ yiyaŋ, vəŋ kɨ kwə gɨꞌ vəŋ shɔ.»


Vənu vənshə faŋ viŋ kəə laa vɨɨ kɨ yɨsə maa viŋ, viŋ kɨ yɨsə maa vəŋ nɨzi. Lùu nu ŋkɨə faŋ ŋkə lùu taa ŋwaꞌlə ntɨsə Nwi nə taa ŋwaꞌlə nshiisə-ŋii sɔghɔ.


Vənu mbɨə faŋ viŋ kəə laa vɨɨ kɨ yɨsə maa viŋ, viŋ kɨ yɨsə maa vəŋ nɨzi.


Maa viŋ tii mə nə «Wuu mədeesə», nə «tɨta». Viŋ tii yinsəŋ, mə lùu nɨniŋ.


Pita ŋaꞌ shuu wi, gì laa, «Mə kɨɨ ŋkee yinsəŋ ndwə laa, Nwi kee yaa kɨ yɨsə nu ŋkuŋ me.


Lùu nɨniŋ buꞌ laa Nwi kee sɔꞌ nsɔꞌsə vɨɨ nə fəntɔ fə yisɨ me.


Yia Sɔsteniis nyɔꞌ ŋwaꞌlə ŋwə̀ tɨ́ nwaa vɨɨ Nwi fɨ shɨ Kɔrint. Viŋ lùu vɨɨ ley Nwi buꞌ faŋ viŋ fàynə viŋ vɨ Yeso Kristo. Nə shòꞌ Nwi shòꞌ viŋ laa viŋ luu vɨɨ vi, ghɔ vɨ vɨɨ vənshə, faŋ vəŋ bəŋsə Tii ŋwaa-nsiŋ Yeso Kristo maa vəshəŋ vənshə. Yeso Kristo lùu Tɨɨ vəŋ, baa lùu Tii ŋwaa-nsiŋ nɨzi.


Mə gì nɨniŋ laa, kɨ ŋkə za viŋ faŋ viŋ kɔlə lùu vəbuꞌ nə me. Viŋ kɔꞌ kɨɨ laa buꞌ, faŋ Nwi shòꞌ laa ŋwə beꞌsə Yeso, kee baa lùu buꞌ vɨsɨ Nwi me, buꞌ laa ŋwə fàynə lùu fa kəmuꞌ ghɔ Yeso Kristo. Gə fɨ maa wə faŋ ŋwə nə kee lùu buꞌ me, Nwi shòꞌ ŋwə maa məbeꞌsə Yeso, buu wə ghɔ́ lùu buꞌ Kristo.


Luu nə, vɨɨ mbɨə faŋ vəŋ yɨsə vənu vəbwəvə, tɨta Yeso Kristo ndɔ kɨ ndɔꞌ vəŋ sheꞌ maa bwə vəŋ faŋ vəŋ nəə yɨsə nə. Viŋ kɔꞌ kɨɨ laa ŋwə ndɔ kɨ sɔꞌ vɨɨ, kee kɨ seesə mbi me.


Gə fɨ maa viŋ, vətɨɨ ŋii, viŋ kɨ yɨ jəə tɨ́ vəbuꞌ viŋ, yɨsə nu ŋkɨə faŋ ŋkə kùꞌnə tɨ́ vəŋ. Viŋ kɨ lumə laa viŋ baa luu kìi tɨɨ ŋii wiŋ taa yizɔ faŋ ŋwə sɔꞌ viŋ.


Nwi ndɔ kee kee gəŋsə wə ntɨə faŋ ŋwə kee yaa kɨ kee gəŋsə vɨɨ me. Luu nə, wuu məkee gəŋsə ndɔ ye laa gəŋsə Nwi kwalə shɔ̀ɔ nsɔꞌ Nwi.


Bàw viŋ nuŋsə ntɨ njyə faŋ luu ntɨ yikwalə fɨ taa ŋwaꞌlə Nwi! Nyə lùu laa, «Kɨ kaw wənjɨɨ wə yaa nshɨ-tɔ wə!»


Viŋ bweꞌsə vɨɨ mbɨə faŋ vəŋ faꞌ taa ndɨɨsə siŋ. Viŋ kee kaw kɔ vəŋ nə ka ŋgwə faŋ vəŋ fàꞌ shɔ tɨ́ viŋ nə me. Nɨniŋ, vɨɨ vɔ́ gwia tɨ́ Nwi. Məgwia vɨɨ vɔ́ faŋ vəŋ faꞌ taa ndɨɨsə siŋ nə, ziꞌ tuulə Nwi, faŋ ŋwə sɔꞌ mbi yinshə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ