Efesɔs 6:5 - Vengo (Babungo)

⁵ Gə fɨ maa viŋ, vəbuꞌ, viŋ kɨ zɔnə vətɨɨ viŋ fɨ shɨ nsi nə feenə nə məlɔꞌ, baa nə fwi yijəə, yɨ nɨniŋ sheꞌ faŋ viŋ yɨsə tɨ́ tɨta Kristo.

Efesɔs 6:5 ပူးပေါင်းရင်းမြစ်များ

Matiu 6:22

Yisɨ wə lùu kiꞌ tɨ́ ŋwaa wi. Kɨ luu sɨ ghə luu jəə, a tə̀ maa nu kəmuꞌ, buu ŋwaa wə nshə taa kii məley.

Matiu 6:24

Kaꞌ wə muꞌ kee fàꞌ tɨ́ vɨɨ vəbɔɔ me. Wə kəə kɨ yɨ nɨniŋ, buu ŋwə taa bee wuu mɔ́ꞌ, kàw wuu mɔ́ꞌ, yighee mɔ́ꞌ kɨ zɔnə wuu mɔ́ꞌ, shiasə wuu mɔ́ꞌ, kaꞌ wə kee kɨ faꞌ tɨ́ Nwi, baa faꞌ ndeynə ka me.»

Matiu 8:9

Nshɨ-tɔ ŋwaa lùu wə faŋ wə mɔ́ꞌ tɔ mə. Vəsogeꞌ baa luu ŋiꞌ mə, faŋ mə sɔꞌ vəŋ. Mə gì tɨ́ wə muꞌ laa, gə, ŋwə gə̀, gì tɨ́ wuu mɔ́ꞌ laa, jwi, ŋwə jwì, gì tɨ́ buꞌ ŋwaa laa yɨ nee, ŋwə yɨ̀.»

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

Roma 9:3

Mə nə kaw ŋkee laa Kristo kwaŋ ndwaŋ tɔ mə, mèꞌ mə, faŋ nu kɔ́ nə gaŋtə laa vaŋ-nshwi vaŋ, vɨɨ Isirayl, faŋ vəŋ lùu vɨɨ yikuu vaŋ nə, ndɔ bwey.

1 Kɔrintian 2:3

Mə nə kee jwì taa ŋwaa viŋ yaa wuu kwalə me. Mə nə jwì yaa mbəə ŋay, tɨ̀ŋ taa ŋwaa viŋ nə məfee, baa nə məlaꞌ.

1 Kɔrintian 7:22

Mə gì nɨniŋ laa, kɨ ŋkə za viŋ faŋ viŋ kɔlə lùu vəbuꞌ nə me. Viŋ kɔꞌ kɨɨ laa buꞌ, faŋ Nwi shòꞌ laa ŋwə beꞌsə Yeso, kee baa lùu buꞌ vɨsɨ Nwi me, buꞌ laa ŋwə fàynə lùu fa kəmuꞌ ghɔ Yeso Kristo. Gə fɨ maa wə faŋ ŋwə nə kee lùu buꞌ me, Nwi shòꞌ ŋwə maa məbeꞌsə Yeso, buu wə ghɔ́ lùu buꞌ Kristo.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 7:15

Nɨniŋ, ŋkawnə yi maa viŋ lùu yiweꞌ. Ŋwə lumə viŋ faŋ viŋ nə lòotə ŋwaa maa məzɔnə ŋwə, faŋ viŋ nə kɔ̀ bwaŋnə tɨ́ ŋwə nə feenə.

Efesɔs 5:22

Bàw vəki duꞌ ŋiꞌ vəndəə vəvəŋ, sheꞌ faŋ vəŋ dùꞌ ŋiꞌ tɨta Yeso nə.

Efesɔs 6:24

Mənɔŋ-bwaŋnə tɔ vɨɨ vənshə faŋ vəŋ kaw tɨta ŋwaa-nsiŋ, Yeso Kristo, kaw ŋwə nə ŋkawnə yiweꞌ faŋ kaꞌ nyə kee ndɔ mè me!

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Filemon 1:16

Nɨniŋ, ŋwə kee baa luu sheꞌ buꞌ wə me; ŋwə gù fa faŋ ŋkə shɔ̀ɔ buꞌ, gù lùu weenshu wə, faŋ a kàw ŋwə. Maa ŋwə luu ŋkee weenshu ŋwaa faŋ mə kàw ŋwə. Nɨniŋ, ŋwə ndɔ baa luu weenshu wə shɔ̀ɔ nɨniŋ, fɔnə a kìi ŋwə fɨ taa mənshi yaa buꞌ wə, baa kìi ŋwə yaa weenshu wə fɨ yiba Kristo nə.

1 Pita 3:2

Kaꞌ vəŋ kwìinə fwisə vəŋ buꞌ faŋ vəŋ yè nshinə yiŋ faŋ nyə lùu yiley, baa ye laa viŋ fee Nwi.