Efesɔs 6:23 - Vengo (Babungo)

²³ Nwi, tii ŋwaa-nsiŋ, ghɔ tɨta Yeso Kristo kɔ məduꞌ-nyɔŋ nə ŋkawnə yi tɨ́ viŋ, vaŋ-nshwi vaŋ-nsiŋ, yɨ laa viŋ nuŋ fwi siŋ maa ŋwə.

Efesɔs 6:23 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:27

Mə gə, mèꞌtə məduꞌ-nyɔŋ tɨ́ viŋ. Mə taa kɔ məduꞌ-nyɔŋ tɨ́ viŋ. Mə kee kɔ tɨ́ viŋ faŋ mbi kɔ nə me. Kɨ fwi siŋ lɔꞌ me, nduŋ kee kɨ sɨɨ viŋ me.

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Roma 15:33

Nwi faŋ ŋwə kɔ məduꞌ-nyɔŋ tɨ́ vɨɨ nə, luu viŋ vɨ vəŋ vənshə. Ŋkə lùu nɨniŋ.

1 Kɔrintian 1:3

Nwi, Tii ŋwaa-nsiŋ, ghɔ tɨta Yeso Kristo, tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Galatia 6:16

Mənɔŋ-bwaŋnə Nwi nə gəŋsə Nwi tɔ vɨɨ mbɨə faŋ vəŋ beꞌsə nshinə yifi yɔ́, nə taa ŋwaa vɨɨ yinsəŋ Nwi!

Efesɔs 6:24

Mənɔŋ-bwaŋnə tɔ vɨɨ vənshə faŋ vəŋ kaw tɨta ŋwaa-nsiŋ, Yeso Kristo, kaw ŋwə nə ŋkawnə yiweꞌ faŋ kaꞌ nyə kee ndɔ mè me!

1 Tesalonika 5:8

Gə fɨ maa nsiŋ, faŋ nsiŋ lùu vaŋ shi kɔ́ nə, bàw nsiŋ jia fwi saŋ-nsiŋ, mɔ̀ꞌ məbiŋ nə ŋkawnə yaa njwi yighaw faŋ nyə shiinə nsiŋ fɨ ghɔ nu bwə. Nsiŋ kɨ kɨꞌ məbwey vəlwaŋ. Məkɨꞌ məbwey ghɔ́ lùu yaa yisɔꞌ vəsogeꞌ tɨ́ nsiŋ, shìtə nsiŋ fɨ ghɔ zwitə bwə.

2 Tesalonika 1:3

Vaŋ-nshwi via, bàw yia kɨ bwaŋ Nwi buꞌ viŋ ghee nshə. Ŋkə kùꞌnə maa məyɨ nɨniŋ, buꞌ laa viŋ wèꞌ maa nu ŋkɨə faŋ viŋ nùŋ fwi siŋ shɔ nə. Ŋkawnə yiŋ faŋ viŋ vənshə kaw nə yiŋwaa yiŋ, viŋ viŋ, baa lùu yiyaŋ, gə vɨsɨ vɨsɨ nɨzi.

2 Tesalonika 3:16

Ŋkee nshɨ-tɔ Tɨɨ mənɔŋ-bwaŋnə kɔ viŋ nə mənɔŋ-bwaŋnə ghee nshə maa jɨɨsə sənshə! Tɨta Kristo goꞌsə viŋ vɨ vəŋ vənshə!

1 Timoti 1:14

Nɨniŋ, gəŋsə tɨta ŋwaa-nsiŋ, Yeso Kristo, faŋ ŋwə kèe gəŋ saŋ nə, shɔ̀ɔ ki, yɨsə mə nuŋ fwi nyaa maa ŋwə, kàw ŋwə.

1 Timoti 1:3

Nu ŋkɨə faŋ mə nə tɨ̀ ghɔ shɔ yighee njyə faŋ mə nə ndɔ gə̀ shɨ Makedonia nə, mə baa luu naysə tɨ́ ghɔ ndwə, laa a goꞌ shɨ Efesɔs, twèy tɨ́ vɨɨ mɔ́ꞌ faŋ vəŋ kəə deesə nu Nwi kədaykə nə.

1 Timoti 5:8

Wə kɨ luu kee kɨ gaŋtə vɨɨ yikuu vi, ŋkee mbə fɨ ŋiꞌ ŋii ŋwə me, buu ŋwə mèꞌ nu Kristo, bɨ̀ shɔ̀ɔ wə faŋ ŋwə kee kɨ̀ɨ nə nu Nwi me.

1 Pita 5:14

Viŋ kɨ shɔꞌtə yiŋwaa yiŋ taa ŋkawnə viŋ viŋ! Mənɔŋ-bwaŋnə tɨ́ viŋ vənshə, faŋ viŋ vɨ Kristo lùu nə fa kəmuꞌ nə!

3 Jɔn 1:14

Mbɨꞌtə nyaa lùu laa, fɨkɨꞌ mə taa jwi ye ghɔ, sɨ gi vənu vɔ́ nə shuu.

Reveleyshən 1:4

Lùu mə, Jɔn, faŋ mə tɔ̀ŋ ŋwaꞌlə ŋwə̀ tɨ́ vəməshəŋtə və vɨɨ Nwi kwatia fɨ nsi Asia. Mənɔŋ-bwaŋnə tɔ viŋ nə məduꞌ-nyɔŋ fɨ ghɔ Nwi faŋ ŋwə nə luu shɔ fɨshi, baa lùu shɔ ndwə, ndɔ baa jwi maa yighee yiba nə. Mənɔŋ-bwaŋnə baa lùu tɔ viŋ fɨ ghɔ vəzwitə vəleyvə kwatia mbɨə faŋ mbə lùu vɨsɨ yɨ ŋkaw Nwi,