Efesɔs 6:19 - Vengo (Babungo)

¹⁹ Viŋ kɨ shɔꞌtə Nwi tɔ mə nɨzi, laa Nwi kwaŋ nu ki taa fwi mə, ŋàꞌsə shuu ŋwaa, mə kɨ jia fwi nyaa, yɨsə vɨɨ kɨ kɨɨ nə ŋiꞌ ntɔŋ yijəə Nwi yɔ́, faŋ nyə nə ndènə fɨ yikəꞌ vɨɨ nə.

Efesɔs 6:19 ပူးပေါင်းရင်းမြစ်များ

Akts 13:46

Pɔɔl ghɔ Barnabas ka fwi, gì tɨ́ vəŋ laa, «Ŋkə nə bàw laa vɨ bɨ fɨꞌtə nu Nwi tɨ́ vɨɨ Jus. Luu nə, viŋ twey, kee kɨ ndi ŋwaa wiŋ laa viŋ kìi məbwey vəlwaŋ me. Nɨniŋ, yia taa meꞌtə viŋ ndwə, gə̀ maa vɨɨ məshɨ məday.

Akts 14:3

Luu nə, Pɔɔl ghɔ Barnabas shi yifi tày, fɨ̀ꞌtə nu Nwi ntee, buꞌ laa vəŋ nə nùŋ fwisə vəŋ sheꞌ maa tɨta Yeso. Tɨta Yeso luu yiba jɨŋ vəŋ, kɔ wutə tɨ́ vəŋ laa vəŋ kɨ yɨsə vənu və shuu yɔŋvə, tɨ́ kɨ kaꞌ vɨɨ yè laa yigisə vəŋ kɔ̀ŋ gəŋsə Nwi lùu yinsəŋ.

Akts 18:26

Ŋwə tey kɨ gisə taa ŋii məshɔꞌtə Nwi vɨɨ Jus nə fwi yiweꞌ. Prisila ghɔ Akwila zɔ yigisə yi, tii ŋwə taa ŋii vəŋ, baa twèlə nu tɨta Yeso tɨ́ ŋwə ŋkee jəə.

Akts 19:8

Kɨ luu maa vəshi vəzwisə və vɨɨ Jus, Pɔɔl ŋii taa ŋii məshɔꞌtə Nwi vɨɨ Jus, gì tɨ́ vəŋ nə fwi yiweꞌ maa yiŋuu yitia, kɨ kəə yɨ̀sə laa vəŋ biŋ nu yifwàŋ Nwi.

Akts 2:4

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

Akts 28:31

fɨꞌtə nu yifwàŋ Nwi tɨ́ vəŋ, baa deesə vəŋ nə vənu və tɨta Yeso Kristo, gi nə fwi yiweꞌ, wə kee fə̀ŋ ŋwə me.

Akts 4:13

Shuu vəŋ yɔŋ maa Pita ghɔ Jɔn buꞌ faŋ vəŋ nəə gisə nə wutə, kee fee wə me. Shuu vəŋ yɔŋ buꞌ laa vəŋ nə kɨɨ laa Pita ghɔ Jɔn nə kee lùu vɨɨ məkɨɨ nə ŋwaꞌlə yaŋ me. Vəŋ nə luu sheꞌ vɨɨ dayday. Luu nə, vəŋ kɨɨ nɨzi laa vəŋ nəə toꞌ ghɔ vɨ Yeso mɔ́ꞌ.

Akts 4:29

Nɨniŋ, faŋ ŋkə lùu ndwə, bàw a ndeynə nu ŋkɨə faŋ vəŋ kɔꞌnə yia shɔ nə mɔɔ, Tɨta. Kɔ wutə tɨ́ yia, faŋ yia luu vɨɨ və nə, laa yia kɨ gisə nu kə nə fwi yiweꞌ.

Akts 4:31

Faŋ vəŋ nə bùꞌ ghɔ tɨ́ Nwi nɨniŋ nə, shəŋ ŋkɨə faŋ vəŋ nə faynə shɔ nə, nəꞌnə, Zwitə Ley Nwi ŋii taa fwisə vəŋ vənshə. Vəŋ fɨꞌtə nu Nwi nə fwi yiweꞌ.

Akts 9:27

Barnabas ndi ŋwə, gə̀ nə ŋwə vɨsɨ vɨɨ ntɔŋ Yeso, nàysə tɨ́ vəŋ faŋ Sɔɔl yaa faynə jɨɨ ghɔ Yeso, Yeso gi tɨ́ ŋwə nə, baa nə faŋ ŋwə nə fɨ̀ꞌtə nu Nwi ntɨꞌ Damaskɔs buꞌ yizii Yeso ntee.

Akts 9:29

Ŋwə nə gì tɨ́ vɨɨ faŋ vəŋ gisə ghaŋ Griik nɨzi. Vɨɨ vɔ́ kəə jɨɨ maa məzwi ŋwə.

Roma 15:30

Vaŋ-nshwi vaŋ, mə tɨsə viŋ maa yizii tɨta ŋwaa-nsiŋ Yeso Kristo, buꞌ ŋkawnə nyaa-nsiŋ faŋ Zwitə Ley Nwi yɨsə nsiŋ nə kaw nə yiŋwaa nyaa-nsiŋ, laa viŋ kɨ buꞌ ghɔ tɨ́ Nwi tɔ mə, nsiŋ kɨ tuŋ yighaw mɔ́ꞌ nɨniŋ,

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

1 Kɔrintian 1:5

Nwi nə tu mənɔŋ-bwaŋnə tɔ viŋ maa jɨɨsə səyaŋ, yɨ̀sə viŋ weꞌ maa nu Kristo. Viŋ kɨɨ gì yigi yijəənə, baa kɨ̀ɨ nə nu Nwi ŋkee jəə.

1 Kɔrintian 2:7

Nu tɔ-ley ŋkɨə faŋ yia gisə nə, luu ŋkee nu tɔ-ley Nwi, faŋ wə mənsaw nə kee ta yiye me. Ŋkee fɨshi, faŋ Nwi nə kee ta zì kɨ bɔŋ mbi me, Nwi nə duꞌtə Nwi tə nu tɔ-ley kɔ́, tɨ́ kaꞌ nsiŋ vɨ vəŋ ndɔ luu mɔ́ꞌ taa yikwalə yi.

1 Kɔrintian 4:1

Nu ŋkɨə faŋ ŋkə bàw laa vɨɨ kɨ bitə kɔ̀ŋ yia, lùu laa yia lùu vɨɨ faꞌ Kristo, baa lùu vɨɨ məndeynə nu Nwi, ŋkɨə faŋ ŋkə nə ndènə fɨ yikəꞌ vɨɨ nə.

2 Kɔrintian 1:11

Viŋ taa kɨ gaŋtə yia nɨzi, faŋ viŋ shɔꞌtə Nwi tɔ yia. Nɨniŋ laa vɨɨ vəyaŋ kɨ bwaŋ Nwi tɨ́ yia, buꞌ laa ŋwə bwèysə yia faŋ vɨɨ vəyaŋ bùꞌ ghɔ tɨ́ ŋwə nə.

2 Kɔrintian 3:12

Faŋ yia nùŋ fwi sia maa ntɔŋ yijəə yɔ́ nee nə, yia jia fwi ŋkee dɨdɨꞌ maa mətɨŋnə, fɨꞌtə nu Nwi.

2 Kɔrintian 6:11

Yia ŋaꞌ shuu wia kɨ gisə tɨ́ viŋ, vɨɨ Kɔrint, laa ŋkawnə yia maa viŋ yàŋ taa fwisə yia.

2 Kɔrintian 7:4

Mə gisə vənu tɨ́ viŋ ntee, ŋkee nə fwi yijəə. Mə bəŋsə viŋ dɨdɨꞌ. Fwi nyaa zùtə dɨdɨꞌ buꞌ viŋ. Mə kìi məŋaytə yaŋ, faŋ ŋɨꞌ nyaa kɔlə yaŋ nə.

2 Kɔrintian 8:7

Vəkeynə və Zwitə Nwi yàŋ taa ŋwaa viŋ. Viŋ nùŋ fwi siŋ maa Kristo, wèꞌ shɔ, baa luu weꞌ maa məfɨꞌtə nu Nwi. Yitɔfə baa lùu yiyaŋ taa ŋwaa viŋ, viŋ faꞌ nə wutə maa vənu vənshə, kii ŋkawnə maa yia. Nɨniŋ, bàw faꞌ ŋkawnə ŋwə̀ fuu jəə taa ŋwaa viŋ nɨzi.

Efesɔs 1:9

tɨ́ kaꞌ nsiŋ kɔꞌ kɨɨ nə nu ŋkɨə faŋ ŋkə lùu taa ŋkɨɨ Nwi, faŋ ŋkə nə ndènə fɨ yikəꞌ vɨɨ nə. Nu kɔ́ nə bàw tɨ́ ŋwə maa məyɨ nɨniŋ,

Efesɔs 3:9

tɨ́ kaꞌ mə kɨ ŋaꞌsə sɨ vəŋ, vəŋ kɨɨ nə jɨɨ njyə faŋ Nwi, wuu məbɔŋ vətɔ vənshə, yɨsə vənu. Jɨɨ yɔ́ nə ndènə taa njyoꞌ ŋwə shù fɨshi.

Kɔlɔsii 2:2

Mə kɨɨtə, tɨ́ kaꞌ fwi siŋ weꞌ, baa nə laa viŋ kɨ kawnə yiŋwaa yiŋ, gù fa kəmuꞌ, baa nə laa viŋ ndɔ kii ŋkee tɔ ley maa nu Nwi, kɨ̀ɨ nə ŋiꞌ nu Nwi ŋkee jəə, faŋ ŋkə nə ndènə fɨ ghɔ vɨɨ nə. Ŋiꞌ nu Nwi kɔ́ luu sheꞌ nu Kristo, wuu məbweysə ŋwaa-nsiŋ.

Kɔlɔsii 4:3

Viŋ kɨ shɔꞌtə Nwi tɔ yia nɨzi, laa Nwi gaŋtə yia, ŋàꞌsə jɨɨ tɨ́ yia, tɨ́ kaꞌ yia kɨ fɨꞌtə nu Nwi tɨ́ vɨɨ, baa naysə nu Kristo faŋ ŋkə nə ndenə fɨ ghɔ vɨɨ nə. Luu sheꞌ buꞌ nu Kristo kɔ́, faŋ mə lùu feenə taa ŋii mfiŋ nə.

1 Tesalonika 2:2

Viŋ baa luu kɨɨ faŋ yia nə bɨ yè ŋɨꞌ ntɨꞌ Filipi, vɨɨ kɔ ŋɨꞌ tɨ́ yia dɨdɨꞌ. Luu nə, yia jia fwi buꞌ Nwi wia, jwi fɨ̀ꞌtə ntɔŋ yijəə Nwi tɨ́ viŋ, faŋ vɨ nə kɔlə nywènə yia nə.

1 Tesalonika 5:25

Vaŋ-nshwi via, viŋ kɨ shɔꞌtə Nwi tɔ yia.

2 Tesalonika 3:1

Vaŋ-nshwi via, maa məndwə vənu vɔ́, yia naysə tɨ́ viŋ laa viŋ kɨ buꞌ ghɔ tɨ́ Nwi tɔ yia, laa nu tɨta Kristo toꞌ sàynə, vɨɨ kɨ bəŋsə nu kɔ́, yuu ŋkə yaa gay taa ŋwaa viŋ nə.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Filemon 1:22

Bàw a naysə shəŋ shi shee! Mbɨꞌtə nyaa lùu laa Nwi ndɔ bəŋsə mə tɨ́ viŋ, mə jwi yɨ viŋ, buꞌ faŋ viŋ bùꞌ ghɔ tɨ́ Nwi nə.

Hibru 13:18

Viŋ kɔꞌ kɨ shɔꞌtə Nwi tɔ yia. Nu ŋkɨə faŋ ŋkə lùu kəley tɨ́ yia, lùu laa fwi sia kee bweꞌsə yia me. Taa vənu vənshə yia kəə kɨ yɨsə sheꞌ vənu mbɨə faŋ mbə lùu vəloomə.