Efesɔs 6:18 - Vengo (Babungo)

¹⁸ Viŋ shɔꞌtə Nwi ghee nshə taa Zwitə Nwi, kɨ shi nə yikɨꞌ. Viŋ kɨ shɔꞌtə Nwi, kee bwa me, buꞌ ghɔ tɨ́ Nwi tɔ vɨɨ Nwi vənshə.

Efesɔs 6:18 ပူးပေါင်းရင်းမြစ်များ

Matiu 17:21

Gə fɨ maa zwitə bwə kɔ́, kaꞌ kəŋ zwitə kɔ́ kee fùu fɨ taa wə me, maa tɨ̀ lɨꞌ sheꞌ faŋ wə dùꞌ kɨ buꞌ ghɔ tɨ́ Nwi, baa baŋ fazɨ nɨzi me.»

Matiu 26:41

Viŋ kɨ kɨꞌ, shɔꞌtə Nwi, laa kɨ viŋ ŋii məmɔŋ maa məyɨ nu bwə me. Maa fwi siŋ biŋ, bəə yiŋwaa yiŋ bə̀ə ŋay.»

Mark 13:33

Viŋ kɨ shiinə yiŋwaa yiŋ, duꞌ shi nə yikɨꞌ, buꞌ laa viŋ kee kɨɨ nə yighee njyə faŋ ŋkə ndɔ luu me.

Mark 14:38

Viŋ shi nə yikɨꞌ, kɨ shɔꞌtə Nwi laa kɨ viŋ ŋii məmɔŋ maa məyɨ nu bwə me! Maa fwi siŋ biŋ; bəə yiŋwaa yiŋ bə̀ə ŋay.»

Lukas 21:36

Nɨniŋ, viŋ kɨ shi nə yikɨꞌ ghee nshə, shɔꞌtə Nwi laa ŋwə kɔ wutə tɨ́ viŋ, tɨ́ kaꞌ viŋ nyɨŋkə fɨ ghɔ vənu mbɨə faŋ mbə taa jwi nə, ndɔ tɨŋnə vɨsɨ Wuu yinsəŋ Nwi.»

Lukas 22:46

Ŋwə gi tɨ́ vəŋ laa, «Viŋ sii bwey kə? Viŋ ndɔ yizɔ, kɨ buꞌ ghɔ tɨ́ Nwi laa kɨ viŋ ŋii fɔꞌ Satan me.»

Lukas 3:26

wee Maat, wee Matatias, wee Semeyn, wee Josek, wee Joda,

Lukas 3:37

wee Metusala, wee Enok, wee Jared, wee Mahalalel, wee Kenan,

Akts 1:14

Vəŋ nə luu shɔ, fwi vəŋ luu yimuꞌ, vəŋ shɔꞌtə Nwi ghee nshə. Vəki vəmɔ́ꞌ nə Meri, nshu Yeso, nə vaŋ-nshwi Yeso nə luu taa ŋwaa vəŋ nɨzi.

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

Akts 12:5

Faŋ vɨ nəə shii Pita nɨniŋ fɨ taa ŋii mfiŋ, məshəŋtə vɨɨ məbiŋ Yeso shɔꞌtə Nwi tɔ ŋwə, kee bwa me.

Akts 6:4

Gə fɨ maa yia, yia taa ndi yighee yia yinshə maa məshɔꞌtə Nwi, baa nə maa məswiŋnə nu Nwi.»

Roma 12:12

Ŋaytə buꞌ məbwey vəlwaŋ faŋ viŋ kɨꞌ ŋwə nə, jia fwi maa ŋɨꞌ, weꞌ maa məshɔꞌtə Nwi.

Roma 8:15

Zwitə ŋkɨə faŋ viŋ yaa fi nə, kee yɨsə laa viŋ gu vəbuꞌ, baa kɨ fee me. Zwitə kɔ́ yɨsə laa viŋ luu vaŋ Nwi binə. Nɨniŋ, nsiŋ tii ŋwə laa, «Aŋ Tii wia.»

Galatia 4:6

Faŋ viŋ lùu vaŋ Nwi, Nwi tɔ̀ŋ Zwitə ŋwiŋ wi, ŋkə jwi ŋìi taa fwisə nsiŋ. Zwitə ki kɔ́ yɨsə laa nsiŋ tii Nwi laa, «Tii wia, tɨta.»

Efesɔs 1:16

mə kɨ bwaŋ Nwi tɔ viŋ. Mə lumə viŋ tɔ tɔ taa məshɔꞌtə, faŋ mə shɔꞌtə Nwi.

Efesɔs 2:22

Nɨniŋ, vɨ fìanə viŋ shɔ nɨzi, maa ŋii Nwi yɔ́ faŋ Zwitə Ley Nwi shi taa tey yi.

Efesɔs 3:18

Viŋ tɨ̀ŋ nɨniŋ taa ŋkawnə Nwi, buu kaꞌ viŋ kɨ̀ɨ nə nu Nwi, viŋ vɨ vɨɨ Nwi vənshə, baa kɨɨ faŋ ŋkə luu ŋkee nu kwalə maa jɨɨsə sənshə.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Efesɔs 6:19

Viŋ kɨ shɔꞌtə Nwi tɔ mə nɨzi, laa Nwi kwaŋ nu ki taa fwi mə, ŋàꞌsə shuu ŋwaa, mə kɨ jia fwi nyaa, yɨsə vɨɨ kɨ kɨɨ nə ŋiꞌ ntɔŋ yijəə Nwi yɔ́, faŋ nyə nə ndènə fɨ yikəꞌ vɨɨ nə.

Filipi 1:4

Ghee nshə faŋ mə shɔꞌtə Nwi tɔ viŋ, mə shɔꞌtə ŋwə tɔ viŋ vənshə nə məŋaytə,

Filipi 4:6

Kɨ viŋ baa kɨ ghaysə ŋwaa kɔ̀ŋ vətɔ faŋ kaꞌ mbə taa bəə fɨ ghɔ viŋ me. Viŋ kɨ kii bee shɔꞌtə Nwi ghee nshə, kɨ naysə vətɔ mbɨə faŋ viŋ kəə tɨ́ Nwi. Faŋ viŋ ndwaŋ Nwi, bàw viŋ baa bwàŋ ŋwə nɨzi.

Kɔlɔsii 1:3

Yia bwaŋ Nwi, tɨɨ tɨta ŋwaa-nsiŋ Yeso Kristo, ghee nshə, faŋ yia shɔꞌtə Nwi tɔ viŋ.

Kɔlɔsii 1:4

Yia bwaŋ Nwi buꞌ laa yia nə zɔ laa viŋ nùŋ fwi siŋ maa Yeso Kristo, baa kàw vɨɨ ley Nwi vənshə,

Kɔlɔsii 4:2

Viŋ kɨ shɔꞌtə Nwi ghee nshə, kee bwa me! Viŋ kɨ shi nə yikɨꞌ, bwaŋ Nwi maa vənu vənshə!

1 Tesalonika 5:17

shɔꞌtə Nwi ghee nshə,

1 Timoti 2:1

Mfɔŋ nu faŋ mə kəə tɨ ghɔ shɔ, lùu laa viŋ kɨ buꞌ ghɔ tɨ́ Nwi, shɔꞌtə ŋwə, fàynə shuu wiŋ, bùꞌ ghɔ tɨ́ ŋwə, kɔ̀ bwaŋ-wee tɨ́ ŋwə, yɨ̀sə nɨniŋ tɔ vɨɨ vənshə.

2 Timoti 1:3

Mə bwaŋ Nwi, faŋ mə faꞌ tɨ́ ŋwə shù fɨ ghɔ vətɨɨ vaŋ nə fwi yiley, baa lumə ghɔ ghee nshə faŋ mə shɔꞌtə Nwi vətuꞌ nə shɨshwi.

Filemon 1:5

Mə bwaŋ Nwi buꞌ laa mə zɔ laa a nùŋ fwi yə maa tɨta Yeso, baa kaw ŋwə, ndɔ kaw vɨɨ ley Nwi vənshə.

Hibru 5:7

Faŋ Yeso nə luu shɨ nsi, ŋwə nə shɔ̀ꞌtə Nwi shɔ̀ꞌtə, yùmə ŋkee nəŋay, mənsɨ fiŋkə fɨ sɨ ŋwə, ŋwə buꞌ ghɔ tɨ́ Nwi faŋ ŋwə kìi wutə maa məgaŋtə ŋwə fɨ ghɔ yiku. Nwi nə zɔ̀ məshɔꞌtə wi, buꞌ laa ŋwə nə luu wuu məfee Nwi.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

Ŋwaꞌlə Jud 1:20

Gə fɨ maa viŋ, vɨɨmba vaŋ faŋ mə kàw, viŋ gaŋtə yiŋwaa yiŋ, viŋ viŋ, tɨ́ kɨ kaꞌ məbiŋ wiŋ weꞌ, gə vɨsɨ vɨsɨ. Nu Nwi ŋkɨə faŋ viŋ biŋ nə, luu ŋkee nu ley faŋ ŋkə ndɔ̀ fɨ ghɔ Nwi. Viŋ shɔꞌtə Nwi ghee nshə, kɨ shɔꞌtə Nwi nə nu ŋkɨə faŋ Zwitə Ley Nwi də tɨ́ viŋ.