Efesɔs 6:17 - Vengo (Babungo)

¹⁷ Yisɔꞌ yighaw yiŋ faŋ kaꞌ viŋ bee tɔ viŋ, lùu məbwey vəlwaŋ. Viŋ ndi yigisə Nwi yaa baꞌ yighaw faŋ Zwitə Nwi kɔ tɨ́ viŋ.

Efesɔs 6:17 ပူးပေါင်းရင်းမြစ်များ

Matiu 4:4

Yeso bəŋsə tɨ́ ŋwə laa, «Ŋkə lùu taa ŋwaꞌlə Nwi laa, «Wə kee bwey sheꞌ buꞌ fazɨ me. Wə bwey luu buꞌ yigi yinshə faŋ nyə fuu fɨ shuu Nwi.»

Matiu 4:7

Yeso gi tɨ́ ŋwə laa, «Nu kəmɔ́ꞌ fɨ taa ŋwaꞌlə Nwi lùu laa, «Kɨ ghɔ mɔŋ Mɔꞌmbi, Nwi wə me.»

Efesɔs 5:26

Nɨniŋ laa ŋwə yɨ̀sə vəŋ ley tɨ́ Nwi. Ŋwə nə sɔ̀ yibɨsə vəŋ fɨ maa vəŋ, faŋ ŋwə nə kɔ̀ yigisə Nwi nə muu mə Nwi tɨ́ vəŋ.

1 Tesalonika 5:8

Gə fɨ maa nsiŋ, faŋ nsiŋ lùu vaŋ shi kɔ́ nə, bàw nsiŋ jia fwi saŋ-nsiŋ, mɔ̀ꞌ məbiŋ nə ŋkawnə yaa njwi yighaw faŋ nyə shiinə nsiŋ fɨ ghɔ nu bwə. Nsiŋ kɨ kɨꞌ məbwey vəlwaŋ. Məkɨꞌ məbwey ghɔ́ lùu yaa yisɔꞌ vəsogeꞌ tɨ́ nsiŋ, shìtə nsiŋ fɨ ghɔ zwitə bwə.

Hibru 4:12

Nsiŋ kɔꞌ kɨɨ laa yigisə Nwi lùu nu məbwey, kìi wutə, baa shə shɔ̀ɔ baꞌ yighaw faŋ ŋkə lùu kəshəsə nə, shə̀ kwiŋ nshə, tɨ́ kaꞌ nyə ŋii ŋkee taa fwi wə, ŋii ŋkee taa vəyəə və ŋwaa və wə. Nyə baa luu də mbɨꞌtə wə faŋ wə bɨꞌtə fɨ taa fwi ŋwə.

Hibru 6:5

zɔ̀ yigisə Nwi yisɨꞌsə, kɨɨ nə wutə ŋkɨə faŋ ŋkə ndɔ luu shɔ taa mbi yifi nə,

Reveleyshən 1:16

Ŋwə nə jìa məjwiŋ kwatia maa kwiŋ maꞌnə wi. Baꞌ yighaw shəsə fuu fɨ shuu ŋwə. Yikəꞌ yi ndwaꞌlə yaa shɨshwi faŋ ŋwə bee yizɔ buꞌtə ŋkee nə wutə.

Reveleyshən 12:11

Vaŋ-nshwi vaŋ-nsiŋ vɔ́ baa luu ghɔꞌ ŋwə nɨzi buꞌ mənshi mə wee-bi-njɨɨ ghɔ́, buꞌ faŋ vəŋ nə bìŋ nu Kristo ntee, kàw ŋwə shɔɔ məbwey vəŋ, biŋ ŋwə, zìꞌ tɨ́ yiku.

Reveleyshən 19:15

Baꞌ yighaw shəsə fuu fɨ shuu ŋwə, tɨ́ kaꞌ ŋwə ghɔ̀ꞌ mbi shɔ. Ŋwə taa kɨ sɔꞌ mbi nə mbay bwey, kaŋ vətaŋ və məluꞌ taa yibɨɨ məkaŋ məluꞌ njyə faŋ Nwi Nshɔɔ-mbi jìa vɨɨ bwənə shɔ nə fwi yishəsə yi.

Reveleyshən 2:16

Kwiinə fwi yə! A kee kwiinə me, buu mə taa yasə jwi yɨ ghɔ, tùŋ yighaw yia vɨ vəŋ nə baꞌ yighaw ŋkɨə faŋ ŋkə fuu fɨ shuu mə nə.»