Efesɔs 6:12 - Vengo (Babungo)

¹² Yighaw njyə faŋ nsiŋ tuŋ maa yizii Nwi nə, kee lùu yighaw faŋ nsiŋ tuŋ nsiŋ vɨ vɨɨ fɨ shɨ nsi me. Nsiŋ tuŋ yighaw nsiŋ vɨ vəwutə fɨ taa yizɔ, nsiŋ vɨ vəzwitə vəbwəvə faŋ mbə sɔꞌ mbi yibwə nyə̀, nsiŋ vɨ vəzwitə vəbwəvə faŋ mbə lùu yizɔ nə.

Efesɔs 6:12 ပူးပေါင်းရင်းမြစ်များ

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Mark 4:19

vəŋ kɨkɔŋ ŋwaa vəŋ buꞌ nu vətɔ və shɨ nsi, kaw ka, mwə̀sə vətɔ vəmɔ́ꞌ. Mbə jia fwisə vəŋ, ndɔ̀ kà yigisə Nwi laa kɨ nyə see ŋgwisə yi me.

Lukas 13:24

Shuufɔ maa məŋii yifwàŋ Nwi luu sheꞌ yitɨtiꞌ. Viŋ saŋ ŋwaa maa məŋii shɔ! Viŋ zɔ! Mə naysə tɨ́ viŋ laa vɨɨ vəyaŋ ndɔ kɨ kəə ŋii shɔ, ŋìi dɨdu.

Lukas 22:53

Maa nsiŋ yaa luu mɔ́ꞌ taa ŋii Nwi yikwalə vəshi vənshə, viŋ kee kɔ̀ŋ mə nə ghɔ me. Luu nə, lùu yighee yiŋ ndwə, nə wutə taa mfiŋsə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:31

Yighee kuꞌ faŋ Nwi taa sɔꞌ nsɔꞌsə vɨɨ taa mbi nyə̀. Yighee kuꞌ faŋ vɨ taa jɔŋ tɨɨ mbi, Satan, fɨ taa mbi nyə̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:30

Mə kee baa gisə vənu vəyaŋ tɨ́ viŋ me, buꞌ laa Satan faŋ ŋwə sɔꞌ mbi nyə̀, lùu nshənə maa məjwi. Luu nə, kaꞌ Satan kee ghɔ̀ꞌ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:11

Nu nsɔꞌ kɔ́ lùu laa vɨ kwàŋ Satan, faŋ ŋwə sɔꞌ mbi nyə̀ nə, taa nsɔꞌ.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Roma 8:38

Mə kɔꞌ kɨɨ nə fwi nyaa yimuꞌ, laa tuu fa kəmuꞌ kee lùu shɔ faŋ kaꞌ ŋkə gaasə nsiŋ vɨ ŋkawnə Nwi me. Kaꞌ yiku kee yɨ̀sə me, kaꞌ məbwey kee yɨ̀sə me, tɨꞌnə me nshiisə-ŋiisə Nwi me, tɨꞌnə me vɨɨ məsɔꞌ mbi, tɨꞌnə me nu faŋ ŋkə lùu taa mbi ndwə, tɨꞌnə me nu faŋ ŋkə jɨjwi, tɨꞌnə me vəwutə vəmɔ́ꞌ,

1 Kɔrintian 15:50

Vaŋ-nshwi vaŋ, mə naysə tɨ́ viŋ laa, kaꞌ ŋwaa wə fɨ shɨ nsi kee ndɔ zɨ yifwàŋ Nwi me. Fa faŋ kaꞌ ŋkə shuu, kee ndɔ goꞌ maa shuu me.

2 Kɔrintian 11:14

Nu kɔ́ kee lùu nu shuu yɔŋ me, buꞌ laa nshɨ-tɔ Satan kwìinə ŋwaa wi laa ŋwə kəꞌ yuu nshiiŋii Nwi.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Galatia 1:16

Yighee nə kuꞌ, faŋ too Nwi nə bàw, laa Nwi yɨ laa ŋwiŋ wi fuu yikəꞌ mə ntee, tɨ́ kaꞌ mə gə fɨ̀ꞌtə ntɔŋ yijəə yi tɨ́ vɨɨ taa məshɨ mətɔŋ. Nɨniŋ, mə nə kee gə̀ bìtə kɔ̀ŋ nu kɔ́ tɨ́ wə fɨ mbi me,

Efesɔs 1:21

Ŋwə shɔɔ vɨɨ məsɔꞌ mbi vənshə, nə vəwutə vənshə, nə vətɨɨ və vəwutə vənshə. Yizii yi kwalə shɔ̀ɔ təzii tənshə fɨ mbi nyə̀, nə fɨ mbi yifi faŋ nyə ndɔ jwi.

Efesɔs 1:3

Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə nə kɔ̀ ŋgwisə mənɔŋ-bwaŋnə yinshə tɨ́ nsiŋ, kɔ vənu və Zwitə Ley Nwi faŋ mbə lùu taa yizɔ tɨ́ nsiŋ fɨ jɨŋ Kristo.

Efesɔs 2:2

Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

Efesɔs 3:10

Ŋwə yɨ̀sə nɨniŋ laa vɨɨ məsɔꞌ mbi nə vətɨɨ və wutə fɨ taa yizɔ zɔ sheꞌ ndwə fɨ shuu nwaa vɨɨ Nwi, faŋ yitɔfə Nwi lùu taŋ taŋ maa vənu vənshə.

Kɔlɔsii 1:13

Nwi nə bwèysə nsiŋ, fùusə nsiŋ fɨ ghɔ vəwutə vəbwəvə faŋ mbə lùu taa mfiŋsə. Ŋwə nə ndì nsiŋ fɨ fuŋ, nùŋsə nsiŋ taa yifwàŋ ŋwiŋ wi, faŋ ŋwə kàw ŋwə nə.

Kɔlɔsii 2:15

Maa yighee yɔ́ faŋ Kristo nə kù fuu fəŋkɔꞌ fə ŋkɨꞌsə nə, ŋwə ghɔꞌ vəwutə nə vəzwitə vəbwəvə vənshə, də̀ tɨ́ vɨɨ ntee, laa yi kìi wutə shɔ̀ɔ mbə.

2 Timoti 2:5

Wuu mənyɨŋ ghuu kaꞌ ŋwə kee nyɨŋ zɨ me, maa laa ŋwə nyɨŋ sheꞌ faŋ nuŋsə mənyɨŋ ghɔ́ dùꞌ me, nɨniŋ buu kaꞌ ŋwə kee kii vəkeynə me.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Hibru 12:4

Yighaw njyə faŋ viŋ vɨ nu bwə tuŋ, nyə kee ta ziꞌ maa nu fənshi me.

1 Pita 3:22

koꞌ gə̀ yizɔ, dùꞌ maa kwiŋ Nwi maꞌnə, kìi wutə kənshə, kɨ sɔꞌ ŋkee nshiisə-ŋiisə Nwi, nə vəzwitə məsɔꞌ mbi, nə vəzwitə vənshə faŋ mbə kìi wutə.