Efesɔs 6:11 - Vengo (Babungo)

¹¹ Viŋ shuŋ vətɔ və yighaw və Nwi, laa viŋ kɨɨ maa məghɔꞌ Satan, tɨɨ vəzwitə vəbwəvə, maa jɨɨsə nsɨə faŋ lùu jɨɨsə mənay sənshə, faŋ ŋwə tuŋ viŋ shɔ nə.

Efesɔs 6:11 ပူးပေါင်းရင်းမြစ်များ

Mark 13:22

Vɨɨ ndɔ fuu kɨ bweꞌsə vɨɨ, gisə laa vəŋ lùu Kristo, wuu məbweysə wiŋ. Vəmɔ́ꞌ gi laa vəŋ lùu vɨɨ məfɨꞌtə yighisə shuu Nwi, kɨ də vəshwenə nə vənu və shuu yɔŋvə maa məbweꞌsə vɨɨ, kɨ mɔŋ maa məbweꞌsə ŋkee vɨɨ mbɨə faŋ Nwi nə shoꞌ laa lùu mbii vɨɨ nə nɨzi.

Roma 13:12

Fu vətuꞌ bəə, fu kəə lee. Nɨniŋ, nsiŋ meꞌtə vənu mbɨə faŋ vɨɨ yɨsə taa mfiŋsə, shùŋ luu vətɔ və yighaw və məley maa nsiŋ.

Roma 13:14

Bàw viŋ mɔꞌ tɨta Yeso Kristo maa viŋ yaa njwi, kee meꞌtə yiŋwaa yiŋ bweꞌsə viŋ, fwi siŋ ndɔ maa vətɔ me.

1 Kɔrintian 10:13

Viŋ kee ta kɨɨ nə wutə məmɔŋ me. Tuu məmɔŋ kee ta jwì maa viŋ, faŋ ŋwə nə kee lùu nu wə mənsaw me. Luu nə, Nwi lùu wuu yinsəŋ. Kaꞌ Nwi kee biŋ laa məmɔŋ ŋii maa viŋ me, faŋ kaꞌ viŋ kee taa ghɔꞌ nu kɔ́ me. Faŋ məmɔŋ ŋii viŋ, buu ŋwə taa kɔ wutə tɨ́ viŋ laa viŋ tɨŋnə weꞌ, tɨ́ kɨ kaꞌ viŋ ghɔ̀ꞌ məmɔŋ ghɔ́.

2 Kɔrintian 10:4

Vətɔ və yighaw mbɨə faŋ nsiŋ tuŋ yighaw shɔ, kee lùu vətɔ və taa mbi me, lùu vətɔ və yighaw və Nwi, faŋ mbə lùu ŋkee vəweꞌ, faŋ kaꞌ vɨ bɨsə vətɔ vəweꞌvə shɔ. Yia bɨsə yigisə mənay shɔ,

2 Kɔrintian 11:3

Nɨniŋ, mə fɨfee laa vɨ taa buulə fwi yiŋ nɨzi, viŋ kee baa kàw Kristo nə fwi yimuꞌ yiley me, sheꞌ faŋ zɔ yì nə bwèꞌsə Eva nə mənay wi.

2 Kɔrintian 2:11

Nsiŋ yɨ nɨniŋ laa kɨ Satan, tɨɨ vəzwitə vəbwəvə, kee kɨ bweꞌsə nsiŋ me. Maa nsiŋ kɔꞌ kɨɨ nə ŋkɨɨ yi.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

2 Kɔrintian 6:7

gisə yigi yibinə, weꞌ nə wutə Nwi, nywenə maa nu ŋkɨə faŋ ŋkə lùu kəloomə ŋkee nə wutə, yuu wuu yighaw faŋ ŋwə jia vətɔ və yighaw maa kwiŋ maꞌnə nə kwiŋ ŋkwii nɨzi.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Efesɔs 4:24

Viŋ mɔꞌ nshinə yifi maa viŋ faŋ vɨ nàysə maa ŋkɨꞌnə Nwi. Viŋ kɨ toꞌ maa jɨɨ yiloomə, baa nə yaa vɨɨ ley Nwi maa yinsəŋ.

Efesɔs 6:13

Nɨniŋ, viŋ shuŋ vətɔ və yighaw və Nwi, laa viŋ kɨɨ nə təsə ghuu wiŋ maa shi nu bwə, maa məyɨsə vənu vənshə vəjəə, mètə, tɨ̀ŋnə weꞌ.

Kɔlɔsii 3:10

Viŋ bee kii ndi nshinə yifi, mɔ̀ꞌ maa viŋ yaa njwi. Nwi kɔ̀ nshinə yifi yɔ́ tɨ́ viŋ, yɨ̀sə laa viŋ gə nə vɨsɨ, kɨ kɨɨ nə Nwi. Ŋkɨꞌnə yiŋ kɨ nii lùu yaa njyə faŋ Nwi nə bɔ̀ŋ viŋ shɔ nə.

1 Tesalonika 5:8

Gə fɨ maa nsiŋ, faŋ nsiŋ lùu vaŋ shi kɔ́ nə, bàw nsiŋ jia fwi saŋ-nsiŋ, mɔ̀ꞌ məbiŋ nə ŋkawnə yaa njwi yighaw faŋ nyə shiinə nsiŋ fɨ ghɔ nu bwə. Nsiŋ kɨ kɨꞌ məbwey vəlwaŋ. Məkɨꞌ məbwey ghɔ́ lùu yaa yisɔꞌ vəsogeꞌ tɨ́ nsiŋ, shìtə nsiŋ fɨ ghɔ zwitə bwə.

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.

Jeyms 4:7

Nɨniŋ nə, viŋ zɔnə Nwi, twey nu zwitə bwə Satan, buu ŋwə taa kɨ nyɨŋ fɨ yɨ viŋ.

1 Pita 5:8

Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 19:20

Vɨ jia nyaa yɔ́, baa jìa wuu məsɨɨ təba wì faŋ ŋwə nəə naysə vəshwenə və shuu yɔŋvə vɨsɨ ŋwə, bweꞌsə vɨɨ shɔ nə, mbɨə faŋ vəŋ nə kìi shwenə nyaa yɔ́, nə vɨɨ mbɨə faŋ vəŋ nəə bəŋsə fənyia fə nyaa yɔ́ nə. Vɨ ndi nyaa yɔ́, ghɔ wuu ntɔŋ wi, vəbwey, mɔ̀ꞌ taa shəŋ wi kwalə faŋ ŋwə kɨɨ, lumə ki zwilə vɨɨ.

Reveleyshən 2:24

Gə fɨ maa viŋ, bətə vɨɨ fɨ shɨ Tiateyra, faŋ viŋ kee bìŋ nu kɔ́ me, mə kee taa kɔ ntɨ yiday tɨ́ viŋ me, buꞌ laa viŋ kee kɨ̀ɨ nə ŋiꞌ nu njyoꞌ Satan kɔ́ me, faŋ vɨɨ mbii-wə gisə laa vəŋ kɨɨ nə ŋiꞌ nu nə.