Efesɔs 5:9 - Vengo (Babungo)

⁹ Faŋ viŋ lùu taa məley ghɔ́, buu viŋ taa kɨ yɨsə vənu vəjəəvə, nə vənu vəloomə, nə vənu və yinsəŋ.

Efesɔs 5:9 ပူးပေါင်းရင်းမြစ်များ

Matiu 3:8

Bàw viŋ yɨ vənu faŋ mbə kuꞌnə yaa vɨɨ faŋ vəŋ kwìinə fwisə vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:47

Nataniel jwi yɨ Yeso. Yeso ye ŋwə, gì tɨ́ ŋwə laa, «A luu wuu Isirayl yinsəŋ, nu məbweꞌsə wə kee lùu taa fwi ghɔ me.»

Roma 15:14

Vaŋ-nshwi vaŋ, mə kɔꞌ kɨɨ fɨ taa fwi mə laa, nu jəə lwàŋ taa fwisə viŋ nɨzi. Viŋ kɔꞌ kɨɨ nə vənu və Kristo vənshə ŋkee vəley, kɨɨ maa mətɨsə yiŋwaa yiŋ.

Roma 2:4

A manə fwi yijəə Nwi, faŋ ŋwə jia fwi yi, ghəəsə fwi yi. A kee kɨɨ laa luu Nwi weꞌ maa vənu vɔ́ yimu? Fwi yijəə yi kəə laa a kwiinə fwi yə.

Efesɔs 4:15

Bàw nsiŋ kɨ toꞌ sheꞌ maa jɨɨ yinsəŋ, kàw Yeso Kristo faŋ ŋwə lùu tɔ taa ŋwaa nsiŋ nə. Nsiŋ kɨ weꞌ maa nu ki, gə̀ vɨsɨ vɨsɨ.

Efesɔs 4:25

Nɨniŋ, viŋ meꞌtə təba, kɨ gisə nu ŋkɨə faŋ ŋkə lùu nu yinsəŋ viŋ viŋ, buꞌ laa nsiŋ lùu laŋnə ŋwaa kəmuꞌ.

Efesɔs 6:14

Nɨniŋ, viŋ tɨŋnə, shùŋ nu yinsəŋ ŋiꞌ viŋ yaa kɔtə. Njwi yighaw yiŋ luu laa viŋ duꞌ sheꞌ taa nu loomə.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Kɔlɔsii 3:18

Mə kəə gi nu tɨ́ vəki və məndaa ndwə. Viŋ zɔ! Viŋ kɨ suꞌsə yiŋwaa yiŋ nsi tɨ́ vəndəə viŋ, faŋ ŋkə kùꞌnə tɨ́ vɨɨ faŋ vəŋ beꞌsə Kristo nə.

1 Timoti 6:11

Gə fɨ maa ghɔ, wuu Nwi, nyɨŋ vənu vɔ́, bèꞌsə fɨ jɨŋ nu ŋkɨə faŋ lùu nu loomə, baa nə nu məbəŋsə Nwi, nə maa mənuŋ fwi maa Kristo, nə məkaw vɨɨ, nə maa məjia fwi taa ŋɨꞌ, nə nu məduꞌ bwaŋnə.

Hibru 1:8

Gə̀ fɨ maa ŋwiŋ wi, Nwi nə gì tɨ́ ŋwə laa, «Ghɔ Nwi, yifwàŋ yə ndɔ goꞌsə yighee muꞌ, a sɔꞌ yifwàŋ yə nə yinsəŋ.

Hibru 11:33

Vəŋ vənshə nə nùŋ fwisə vəŋ maa Nwi, faŋ vəŋ nə tùŋ yighaw ghɔ vɨ məshɨ məmɔ́ꞌ, ghɔꞌ vəŋ. Vəŋ nə sɔ̀ꞌ maa jɨɨ yijəə. Vətɔ faŋ Nwi nə kɔ̀ꞌnə maa məkɔ tɨ́ vəŋ, nə zìꞌ ghɔ vəŋ. Nwi nə yɨ̀ laa kɨ vəbikəə kwə vəŋ me.

1 Jɔn 2:29

Viŋ kɨ luu kɨ kɨɨ laa vənu və Nwi lùu vəloomə, buu viŋ kɔꞌ kɨɨ nɨzi laa wə ntɨə faŋ ŋwə yɨ vənu vəloomə, lùu wə faŋ nə bì Nwi bì wə ghɔ́.

3 Jɔn 1:11

Wuumba ŋwaa, kɨ ghɔ kɨ fiꞌsə vənu vəbwəvə me, kɨ fiꞌsə luu nu jəə. Wə ntɨə faŋ ŋwə yɨ nu jəə, ndɔ̀ fɨ ghɔ Nwi. Wə ntɨə faŋ ŋwə yɨ nu bwə, kee bee yè Nwi me.