Efesɔs 5:3 - Vengo (Babungo)

³ Kɨ nu mətoꞌ sakə, nə nshinə yibwə, nə nu məzɨ shɨ luu taa ŋwaa viŋ me. Kɨ vɨ kee bee gisə kɔ̀ŋ kəŋ vənu vɔ́ me, tɨ́ kaꞌ viŋ kùꞌnə yaa vɨɨ ley Nwi.

Efesɔs 5:3 ပူးပေါင်းရင်းမြစ်များ

Matiu 15:19

Lùu nɨniŋ buꞌ laa vənu vəbwəvə vənshə fuu fɨ taa fwi wə. Mbɨꞌtə yibwə nə nu məzwi wə, nə nu mətii vəki və vɨɨ, nə nu wəzwi sakə, nə nu vəndɔꞌ, nə nu məsɨɨ ba tɔ wə, nə nu məndasə Nwi; vənu vɔ́ vənshə fuu fɨ taa fwi wə,

Lukas 12:15

Ŋwə baa kɨ nii gì tɨ́ vɨɨ vɔ́ laa, «Viŋ kɨ ndɨɨnə, shiinə yiŋwaa yiŋ laa, kɨ fwi yiŋ kɨ ndɔ maa vətɔ me, fɔnə wə kee yaa kɨ bwey buꞌ laa vətɔ yàŋ ghɔ ŋwə bə̀ me.»

Lukas 16:14

Vɨɨ Farisii zɔ vənu vɔ́ vənshə, shìasə ŋwə, buꞌ laa vəŋ nə luu vɨɨ faŋ vəŋ kàw ka dɨdɨꞌ.

Akts 15:20

Bàw nsiŋ nyɔꞌ ŋwaꞌlə tɨ́ vəŋ, nàysə tɨ́ vəŋ sheꞌ laa vəŋ shiinə yiŋwaa vəŋ, kee kɨ zɨ fa faŋ ŋkə kee lùu kəley tɨ́ Nwi me, buꞌ faŋ ŋkə ndɔ̀ fɨ yɨ vənwi vədayday me. Baa nə laa kɨ vəŋ kɨ beꞌsə nu vəki me, kee kwə̀ mbasə nyaa faŋ vɨ tɨtwiŋ me wi, buu zwi me, kee zɨ fazɨ faŋ mənshi lùu taa tey yi me.

Akts 20:33

Mə nə luu taa ŋwaa viŋ, kee kəə ka wə me, kee fì njwi wə me.

Roma 1:29

Ŋgwisə vənu vəbwəvə lwaŋ taa fwisə vəŋ, nə nu yibɨsə njyoꞌ. Vəŋ tə̀ sɨ maa məkii vətɔ vəyaŋ, kìi fwi yifəŋ. Fəsə baa lwàŋ taa fwisə vəŋ, nə nu məzwi wə, nə nywaŋsə, nə nu mənay, nə mbɨꞌtə yibwə, nə məgisə maa shuŋ,

Roma 16:2

Viŋ jia ŋwə jəə maa yizii Kristo, yuu ŋkə kùꞌnə tɨ́ vɨɨ ley Nwi. Viŋ kɨ gaŋtə ŋwə maa vənu vənshə faŋ mbə taa kɨ ghɔꞌ ŋwə, buꞌ laa nshɨ-tɔ wi nəə gaŋtə vɨɨ vəyaŋ, baa gaŋtə nshɨ-tɔ ŋwaa nɨzi.

Roma 6:13

Kɨ viŋ baa kɨ kɔ fa yiŋwaa yiŋ tɨ́ nu bwə, maa məyɨsə nu faŋ ŋkə kee lùu kəloomə me. Viŋ bee kii fiŋ tɔ kiŋ tɨ́ Nwi, buꞌ faŋ viŋ lùu vɨɨ faŋ vəŋ nə fùu fɨ shɨ yiku, zɨ̀ məbwey. Nɨniŋ, viŋ kɔ yiŋwaa yiŋ tɨ́ Nwi, kɨ yɨsə vənu faŋ mbə lùu vəjəə, baa lùu vəloomə.

1 Kɔrintian 10:8

Nə luu maa yighee yɔ́, vəŋ nəə yɨsə vənu vəbwəvə, shi ghɔ vəki. Nwi kɨ nii yɨ̀sə vɨɨ kukə wə ŋkaŋsə njɔsə-tia muu-mbɔɔ maa shi kəmuꞌ. Nɨniŋ, kɨ nsiŋ baa kɨ yɨsə vənu vəbwəvə me, faŋ vəŋ nəə yɨsə nə me.

1 Kɔrintian 5:1

Mə zɔ laa vɨɨ mɔ́ꞌ taa ŋwaa viŋ yɨsə ŋkee vənu vəbwəvə. Jɨɨ njyə faŋ vəŋ yɨsə vənu vəbwəvə shɔ nə, nyə bɨ shɔ̀ɔ ki. Ŋkee vɨɨ faŋ vəŋ kee kɨ̀ɨ nə Nwi me, kee yɨ kəŋ nu ghɔ́ me. Mə zɔ laa wə mɔ́ꞌ fɨ taa ŋwaa viŋ ndi zu tii wi.

1 Kɔrintian 6:13

Wə mɔ́ꞌ taa gi laa, «Nwi nə nàysə fazɨ tɨ́ kaꞌ ŋkə ŋìi taa njyoꞌ, baa nàysə njyoꞌ wə laa fazɨ kɨ ŋii shɔ.» Ŋkə lùu nɨniŋ. Luu nə, shi mɔ́ꞌ Nwi ndɔ ndisə njyoꞌ wə ghɔ fazɨ. Gə fɨ maa nu məshi nə vəki, Nwi nə kee bɔ̀ŋ ŋwaa wə laa ŋwə ndɨ ŋwaa wi ghɔ́, kɨ yɨsə vənu vəbwəvə shɔ me. Nwi nə bɔ̀ŋ ŋwaa wə laa ŋwə ndɨ ŋwaa wi ghɔ́, kɨ toꞌ nə ŋwə, faꞌ vənu və Nwi nə ŋwaa wi ghɔ́. Kɔ̀ Nwi kɔ̀ fa ŋkɨə faŋ ŋwaa wi ghɔ́ kəə.

1 Kɔrintian 6:18

Nɨniŋ, viŋ meꞌtə vənu vəbwəvə vɔ́. Kɨ viŋ faynə nə vəki sakə me. Wə kɨ luu yɨ nu bwə mɔ́ꞌ, ŋkə kee kɔ̀ŋ ŋwaa wi me. Luu nə, wə shi ghɔ vəki, buu lùu nu bwə faŋ ŋkə kɔ̀ŋ ŋkee ŋwaa wi.

2 Kɔrintian 12:21

Kɨ mə ndɔ kɨ jwi, Nwi yɨsə tɔ kaŋ dɨɨ taa ŋwaa viŋ, mə kɨ luŋ buꞌ vɨɨ vəyaŋ fɨ taa ŋwaa viŋ, faŋ vəŋ nəə yɨsə vənu vəbwəvə yighee vɨsɨ, kee ta kwìinə fwisə vəŋ buꞌ nu bwə vəŋ, faŋ vəŋ nəə tii vəki, tɨꞌnə me toꞌ ghɔ vəki vəsakə, tɨꞌnə me zɨ shɨ, faŋ vəŋ nəə yɨsə nə me.

Efesɔs 5:12

Kəŋ vənu vɔ́ faŋ vɨ yɨsə taa vəndenə, lùu vənu vəbwəvə. Ŋkee maa məgi kɔ̀ŋ vənu vɔ́, lùu nu bwə.

Efesɔs 5:5

Viŋ kɔꞌ kɨɨ ŋkee jəə laa kɨ tuu wuu mətii vəki nə mətoꞌ sakə, tɨꞌnə me, yɨ-kəbwə, tɨꞌnə me wuu məzɨ shɨ, ndɔ kɨ shi taa ŋwaa vɨɨ nu yifwàŋ Kristo nə Nwi me. Kəŋ vɨɨ vɔ́ lùu yaa vɨɨ məfeꞌ vənwi vədayday.

Filipi 1:27

Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

1 Tesalonika 4:3

Nu ŋkɨə faŋ Nwi kəə lùu laa viŋ baw, ndɔ̀ fɨ̀nə ŋwə, nyɨ̀ŋ fɨ maa nu vəki sakə.

1 Tesalonika 4:7

Nwi nə kee tìi nsiŋ laa nsiŋ kɨ yɨsə vənu vəbwəvə me. Ŋwə nə tìi nsiŋ laa nsiŋ baw shɨlə, gə̀ nə vɨsɨ.

1 Timoti 2:10

Bàw vəlɔꞌ vəvəŋ luu sheꞌ vənu vəjəəvə faŋ vəŋ yɨsə. Lùu faŋ ŋkə kùꞌnə tɨ́ vəki faŋ vəŋ kəə kɨ bəŋsə Nwi.

1 Timoti 3:3

Kɨ ŋwə kɨ nu məluꞌ, mbə shɔɔ sɨ ŋwə me, tɨꞌnə me, luu wuu məkəə yighaw me. Bàw ŋwə luu wuu bwaŋnə, kee kɨ kəə nsɔꞌsə me, fwi yi kee kɨ ndɔ maa ka me.

1 Timoti 6:10

Nu məkaw ka lùu nu faŋ vənu vəbwəvə fuu vəyaŋ fɨ fuŋ. Vɨɨ vəyaŋ faŋ vəŋ nə kàw ka, ndì jɨɨ, mèꞌ məbiŋ vəŋ, ndɨ́ə yiŋwaa yivəŋ ŋkee dɨdɨꞌ.

2 Timoti 3:2

Vɨɨ ndɔ kɨ kaw sheꞌ yiŋwaa yivəŋ, nə ka, baa nə nu məboꞌ ŋwaa, nə məkoꞌsə ŋwaa, baa nə məndasə Nwi, nə məshii tɨ́ vətɨɨ vəvəŋ, kee bwaŋ wə me, kee tii Nwi nə nu me,

Taytəs 1:11

Bàw vɨ kɨ fəŋ vəŋ, buꞌ laa vəŋ kiasə ŋkee yishuu yindɔꞌ yi vɨɨ, nyə gu, buꞌ faŋ vəŋ fɨꞌtə vənu faŋ mbə kee yikuꞌnə me. Vəŋ yɨ̀ nɨniŋ sheꞌ maa məkəə ka, faŋ lùu nu tɔ dɨɨ.

Taytəs 1:7

Kee bàw laa wə faŋ lùu tɔ taa nshəŋtə vɨɨ Nwi kii nsɔꞌ maa ŋwə me, fɔnə ŋwə lùu wuu məndeynə vətɔ və Nwi. Kɨ ŋwə yɨsə vənu nə wutə ki me, kee kìi fwi yishəsə me, kee nu məluꞌ mbə shɔɔ sɨ ŋwə me, kee nywenə nywaŋsə me, kee kəə ka ŋkuŋ me.

Taytəs 2:3

Gə fɨ maa vəki vətaavə, tɨ vəŋ sheꞌ nɨniŋ, laa vəŋ kɨ duꞌ nə nshinə vəŋ yiley vɨsɨ Nwi, kee kɨ bɨsə təzii tə vɨɨ me, kee lùu vəbuꞌ tɨ́ məluꞌ məyaŋmə me, deesə vənu vəjəəvə, faŋ mbə gaŋtə vɨɨ maa məkii fwi yijəə.

Hibru 12:16

Viŋ kɨ ndɨɨnə laa kɨ wə yɨ nu bwə me, tɨꞌnə me, ndì nu Nwi nsi me, yaa Esaw nə yɨ yighee vɨsɨ buꞌ dɨꞌ fazɨ nə. Ŋwə nə fìŋ yita yi tɨ́ tuŋnə yiba jɨŋ ki.

1 Pita 5:2

Viŋ luu nshii nwaa bisə Nwi nsɨə faŋ nsə lùu ghɔ viŋ nə. Kɨ viŋ kɨ yɨsə nɨniŋ yaa vɨ dɔɔ viŋ dɨdɔɔ me! Viŋ yɨsə nə njyoꞌ yijəə yiŋ, faŋ nyə kùꞌnə tɨ́ Nwi. Kɨ viŋ kɨ yɨsə laa vɨ ndɔꞌ viŋ nə ka me. Viŋ yɨsə sheꞌ nə fwi yijəə. Wə faŋ ŋwə yɨsə maa ka, tɔ ki dɨɨ.

2 Pita 2:10

Vɨɨ mbɨə faŋ Nwi ndɔ kwaŋ taa nsɔꞌ shɔ̀ɔ ki, lùu vɨɨ mbɨə faŋ vəŋ yɨ sheꞌ vənu vəbwəvə faŋ mbɨꞌtə vəŋ də tɨ́ vəŋ, baa nə faŋ vəŋ twey maa məzɔnə Nwi. Vɨɨ vɔ́ faŋ vəŋ toꞌ deesə nu faŋ kee lùu nu yinsəŋ nə me, vəŋ koꞌsə ŋwaa vəŋ dɨdɨꞌ, kee fee maa məgi nu bwə kɔ̀ŋ vəzwitə mbɨə faŋ mbə kìi wutə yizɔ nə me. Vəŋ toꞌ ndasə vəzwitə vɔ́.

2 Pita 2:14

Vəŋ bɨꞌtə sheꞌ vənu və vəki maa mətii vəŋ ghee nshə. Kaꞌ vəŋ kee bwà fɨ maa məyɨ vənu vəbwəvə me. Vəŋ bweꞌsə vɨɨ mbɨə faŋ vəŋ kee luu vəweꞌ maa nu Nwi me, laa vəŋ yɨ vənu vəbwəvə nɨzi. Vəŋ kəə sheꞌ sey ka nə vətɔ. Kəŋ vɨɨ vɔ́ lùu taa nsɔꞌ Nwi.

2 Pita 2:3

Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Reveleyshən 2:21

Mə nə kɔ̀ yighee tɨ́ ŋwə maa məkwiinə fwi yi. Luu nə, ŋwə kee biŋ maa məkwiinə me, yuu meꞌtə nu sakə faŋ ŋwə yɨsə nə me.

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»

Reveleyshən 22:15

Vɨɨ mbɨə faŋ vəŋ lùu fu fɨ taa ŋkɔꞌ, lùu vɨɨ bwənə, nə vɨɨ ŋay, nə vɨɨ mətii vəki, nə vɨɨ məzwilə vɨɨ, nə vɨɨ faŋ vəŋ bəŋsə vənwi vədayday, nə vɨɨ təba, faŋ vəŋ kàw təba, baa yɨsə nu təba.»

Reveleyshən 9:21

Vəŋ kee bee kìasə fɨ maa nu bwə vəŋ me, tɨꞌnə me fɨ maa nu ŋay me, kɨ zɨzwilə vɨɨ, tii vəki, shaw vətɔ.