Efesɔs 5:21 - Vengo (Babungo)

²¹ Kɨ zɔnə viŋ viŋ, buꞌ laa viŋ zɔnə Kristo.

Efesɔs 5:21 ပူးပေါင်းရင်းမြစ်များ

1 Kɔrintian 16:16

Mə bùꞌ ghɔ tɨ́ viŋ laa viŋ kɨ kɔ feenə tɨ́ vɨɨ yaa vəŋ. Viŋ baa kɔ feenə tɨ́ vɨɨ vənshə faŋ ghɔ vɨ vəŋ faꞌ faꞌ Nwi mɔ́ꞌ.

2 Kɔrintian 5:11

Nɨniŋ, yia faꞌ nə wutə maa məyɨsə laa vɨɨ biŋ nu Nwi, buꞌ laa yia fee Nwi. Nwi kɨɨ nə fwi sia laa yia faꞌ nɨniŋ nə fwi yiley. Mə baa bɨꞌtə laa viŋ kɨ̀ɨ nɨniŋ nɨzi.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.

Efesɔs 5:22

Bàw vəki duꞌ ŋiꞌ vəndəə vəvəŋ, sheꞌ faŋ vəŋ dùꞌ ŋiꞌ tɨta Yeso nə.

Efesɔs 5:24

Faŋ nwaa vɨɨ Nwi zɔ̀ fɨ ghɔ Kristo nə, bàw vəki kɨ zɔ fɨ ghɔ vəndəə vəvəŋ maa vənu vənshə.

Filipi 2:3

Kɨ viŋ kɨ ŋwiŋ me, tɨꞌnə me, koꞌsə yiŋwaa me! Viŋ bee kɨ kii sùꞌsə yiŋwaa yiŋ nsi, ndeynə wə tɨ̀ me wə laa ŋwə shɔ̀ɔ viŋ.

1 Timoti 2:11

Bàw vəki kɨ zwetə nu Nwi fɨ taa shishi, zɔnə yigisə vɨɨ məfɨꞌtə nu Nwi.

1 Timoti 3:4

Bàw ŋwə luu wə faŋ ŋwə sɔꞌ vɨɨ taa ŋii ŋwə jəə, jia vaŋ vi jəə, vəŋ zɔnə ŋwə, gwènə ŋwə.

Hibru 13:17

Viŋ kɨ zɔnə vɨɨ mbɨə faŋ vəŋ luu vɨsɨ taa ŋwaa viŋ. Viŋ yɨ nu ŋkɨə faŋ vəŋ kəə, buꞌ laa vəŋ lùu vɨɨ məshiinə viŋ faŋ vəŋ ndɔ tɨŋ vɨsɨ Nwi, fì tɔ vəŋ shɔ kɔ̀ŋ məshii vəŋ ghɔ́. Viŋ zɔnə vəŋ tɨ́ kaꞌ vəŋ fàꞌ faꞌ vəŋ nə məŋaytə. Fwisə vəŋ kɨ luu kìi məluŋ shɔ, buu ŋkə kee ndɔ gaŋtə viŋ me.

1 Pita 2:13

Bàw viŋ zɔnə vɨɨ mbɨə faŋ vəŋ sɔꞌ mbi buꞌ tɨta Yeso, baa kɨ zɔnə fwàŋ Kaysa faŋ ŋwə shɔ̀ɔ vəfwàŋ vənshə,

1 Pita 2:17

Viŋ bəŋsə vɨɨ vənshə yuu ŋkə kùꞌnə, kaw vaŋ-nshwi viŋ, baa fèe Nwi, baa bə̀ŋsə fwàŋ.

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»