Efesɔs 5:18 - Vengo (Babungo)

¹⁸ Kɨ viŋ kɨ nu məluꞌ mbə kɨ shɔɔ sɨ viŋ me, buꞌ laa nshinə yibwə fuu fɨ fuŋ. Viŋ kɨ yɨ laa lwaŋ sheꞌ Zwitə Nwi taa fwisə viŋ.

Efesɔs 5:18 ပူးပေါင်းရင်းမြစ်များ

Matiu 23:25

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii, viŋ lùu vɨɨ məboꞌ ŋwaa. Viŋ sɔ̀ ndawsə nə vəkay fɨ fu, luu nə, taa tey wi lwaŋ nə vətɔ vəbwəvə.

Matiu 24:49

kɨ nii tèy kɨ saŋ vɨɨ faꞌ vəmɔ́ꞌ, zɨ, ndɔ nu, ghɔ vɨ vɨɨ faŋ vəŋ nu məluꞌ, mbə shɔɔ sɨ vəŋ.

Lukas 1:15

buꞌ laa ŋwə ndɔ luu wuu kwalə vɨsɨ Nwi. Ŋwə kee ndɔ nu məluꞌ me, tɨꞌnə me fa mɔ́ꞌ faŋ ŋkə buulə tɔ wə me. Zwitə Ley Nwi ndɔ lwaŋ taa fwi ŋwə, shù ŋkee fɨ taa njyoꞌ nshu wi.

Lukas 11:13

Nɨniŋ, faŋ viŋ kɨ̀ɨ maa məkɔ vətɔ vəjəəvə tɨ́ vaŋ viŋ, faŋ viŋ kɔlə lùu vɨɨ bwənə nə, buu tɨta Nwi faŋ ŋwə lùu yizɔ nə, kɨɨ kɔ jəə shɔ̀ɔ viŋ. Ŋwə taa kɔ Zwitə Ley ki tɨ́ vɨɨ mbɨə faŋ vəŋ ndwaŋ fɨ ghɔ ŋwə.»

Lukas 12:45

Luu nə, wuu faꞌ ghɔ́ kɨ bɨꞌtə fɨ taa fwi ŋwə laa tɨɨ faꞌ wi taa tay buu jwì, kɨ nii tey kɨ saŋ vɨɨ faꞌ vəmɔ́ꞌ, mbə vəndɔŋ nə mbə vəki, baa tey kɨ zɨ, ndɔ nu məluꞌ, mbə shɔɔ sɨ ŋwə,

Lukas 21:34

(Yeso baa gì laa,) «Viŋ kəmə tɔ kiŋ laa, kɨ fwi siŋ bwa buꞌ faŋ viŋ zɨ vətɔ, nu məluꞌ məyaŋmə me, tɨꞌnə me jɔmə vətɔ və shɨ nsi, buꞌ shi kɔ́ ndɔ gwəkə jɨjwi, tɨ́ viŋ kee lootə yiŋwaa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:10

gì tɨ́ ŋwə laa, «Vɨɨ vənshə yaa kɨ fɔŋ kɔ məluꞌ məjəəmə tɨ́ vɨɨ, mbə taa kɨ shɔ̀ɔ sɨ vəŋ, buu vɨ kɔ̀ məluꞌ məbwə. Nɨniŋ, məluꞌ mbɨə faŋ a jwì nə mbə sheꞌ ndwə nə, mbə bàw shɔ̀ɔ mbə mənshə.»

Akts 11:24

Barnabas nə luu ŋkee wuu jəə, Zwitə Ley Nwi lwaŋ taa fwi ŋwə. Ŋwə nuŋ fwi yi yinshə maa Kristo. Nɨniŋ, vɨɨ vəyaŋ kuꞌsə maa nwaa vɨɨ məbiŋ Kristo.

Roma 13:13

Nsiŋ kɨ toꞌ ghuu yitoꞌ kaŋ-nsiŋ kəley, yuu ŋkə kuꞌ maa mətoꞌ nə shɨshwi, kee kɨ toꞌ zɨ vətɔ me, tɨꞌnə me nu məluꞌ ghenə me, tɨꞌnə me beꞌsə nu vəki me, vəki kee beꞌsə vəndɔŋ me, kee kɨ zɨ shɨ me, kee tay ntaysə me, kee kɨ səsə vətɔ və vɨɨ me.

1 Kɔrintian 11:21

Mə gì nɨniŋ buꞌ laa, faŋ viŋ zɨ nə, wə mɔ́ꞌ gə vɨsɨ, zɨ̀ ŋkii fazɨ. Buꞌ nɨniŋ jɨŋ kɨ zasə wə muꞌ, tɨ́ wə mɔ́ꞌ nu, mbə shɔɔ sɨ ŋwə.

1 Kɔrintian 5:11

Nu ŋkɨə faŋ mə kəə gì, lùu laa kɨ viŋ kɨ duꞌ shəŋ muꞌ viŋ vɨ wə faŋ ŋwə gì laa yi lùu wuu Nwi, luu nə, yɨsə vənu vəbwəvə me. Weenshu ŋwaa-nsiŋ mɔ́ꞌ lùu shɔ faŋ ŋwə tii vəki, tɨꞌnə me səsə vətɔ, tɨꞌnə me feꞌ vənwi vədayday, tɨꞌnə me ndasə vɨɨ, tɨꞌnə me nu məluꞌ ghenə, tɨꞌnə me shɨshaw, kɨ viŋ kɨ shi viŋ vɨ kəŋ vɨɨ vɔ́ shəŋ muꞌ me. Kɨ viŋ kɨ zɨnə viŋ vɨ kəŋ vɨɨ vɔ́ faŋ vəŋ yɨsə kəŋ vənu vɔ́ me.

1 Kɔrintian 6:10

nə vɨɨ faŋ vəŋ shɨshaw, nə vɨɨ vəŋwiŋ, nə vɨɨ faŋ vəŋ nu məluꞌ, mbə shɔɔ sɨ vəŋ, nə vɨɨ faŋ vəŋ toꞌ ndasə vɨɨ, nə vɨɨ faŋ vəŋ si vətɔ və vɨɨ, kəŋ vɨɨ vɔ́ vənshə, faŋ vəŋ yɨsə vənu vəbwəvə vɔ́ nə, kee ndɔ ŋii taa nu yifwàŋ Nwi me.

1 Tesalonika 5:7

Vɨɨ mbɨə faŋ vəŋ bɨbwey, bwey luu vətuꞌ. Vɨɨ mbɨə faŋ vəŋ nu məluꞌ, mbə shɔɔ sɨ vəŋ, mbə shɔɔ sheꞌ vətuꞌ.

Taytəs 1:6

Bàw laa wuu taa fɨ taa nshəŋtə vɨɨ Nwi luu wə faŋ tuu kee wee-nsɔꞌ kee lùu maa ŋwə me, zu wi baa luu sheꞌ muꞌ, vaŋ vi bìŋ nu Kristo nɨzi, kee kɨ bɨbuulə me, kee shɨshii me.