Efesɔs 5:16 - Vengo (Babungo)

¹⁶ Viŋ toꞌ yaa vɨɨ Nwi faŋ yighee kɨ bii, buꞌ laa vəshi lùu vəbwə.

Efesɔs 5:16 ပူးပေါင်းရင်းမြစ်များ

Matiu 25:17

Sheꞌ nɨniŋ, wə ntɨə faŋ ŋwə nə kìi vəmalia vəbɔɔ nə, baa sèy vəbɔɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:35

Yeso gi tɨ́ vəŋ laa, «Məley taa lùu ghɔ viŋ sheꞌ maa wee-fɨ-yighee. Bàw viŋ toꞌ gə vɨsɨ vɨsɨ maa yighee njyə faŋ məley ghɔ́ lùu ghɔ viŋ nə, buꞌ mfiŋsə taa kɔlə viŋ jɨɨ. Wə faŋ ŋwə toꞌ fɨ taa mfiŋsə, kee yaa kɨ kɨɨ nə fɔɔ ŋwə gə me.

Roma 13:11

Bàw viŋ kɨ yɨsə nɨniŋ, baa kɨɨ laa ndwə lùu yighee maa məyenə fɨ mbweysə. Yighee njyə faŋ nsiŋ ndɔ zɨ məbwey vəlwaŋ lùu nshənə, kee baa lùu ntaŋ me, yuu nyə nə lùu faŋ nsiŋ nə fɔŋ nùŋ fwi saŋ-nsiŋ maa Kristo me.

1 Kɔrintian 7:26

Mə bɨꞌtə laa, ŋkə bàw laa wə gòꞌsə nɨnɔŋ, faŋ ŋwə lùu nɨnɔŋ. Mə gì nɨniŋ buꞌ laa ŋɨꞌ lùu yiyaŋ maa yighee ndwə.

Galatia 1:4

Yeso Kristo nə kɔ̀ tɔ ki buꞌ vənu vəbwəvə vaŋ-nsiŋ maa məyɨ laa nsiŋ fuu fɨ ghɔ vənu vəbwəvə fɨ taa mbi nyə̀, faŋ lùu mbi yibwə nə. Ŋkə nə gày sheꞌ faŋ Nwi, Tii ŋwaa-nsiŋ, nəə kəə nɨniŋ.

Galatia 6:10

Yighee kɨ bii maa məyɨ nu jəə ndwə. Bàw nsiŋ gaŋtə vɨɨ ghee nshə, gàŋtə vaŋ-nshwi vaŋ-nsiŋ vɨɨ Nwi fɨ taa nwaa vɨɨ Yeso Kristo.

Efesɔs 6:13

Nɨniŋ, viŋ shuŋ vətɔ və yighaw və Nwi, laa viŋ kɨɨ nə təsə ghuu wiŋ maa shi nu bwə, maa məyɨsə vənu vənshə vəjəə, mètə, tɨ̀ŋnə weꞌ.

Efesɔs 6:15

Gɔsə siŋ faŋ viŋ kwaŋ ghuu viŋ luu laa viŋ lootə ŋwaa yiŋ maa məsaynə ntɔŋ yijəə Nwi faŋ nyə kɔ məduꞌ-nyɔŋ tɨ́ vɨɨ nə.

Kɔlɔsii 4:5

Gə fɨ maa nshinə yiŋ, viŋ kii yitɔfə maa vɨɨ mbɨə faŋ kee lùu vɨɨ Nwi me! Kɨ viŋ kɨ bɨsə yighee njyə faŋ Nwi kɔ̀ tɨ́ viŋ, laa viŋ kɨ faꞌ tɨ́ ŋwə nə me!