Efesɔs 5:14 - Vengo (Babungo)

¹⁴ Luu sheꞌ faŋ vɨ gi laa, «Yenə mɔɔ, wuu mbweysə, ndɔ fɨ shɨ yiku, buu Kristo taa kɔ məley tɨ́ ghɔ.»

Efesɔs 5:14 ပူးပေါင်းရင်းမြစ်များ

Lukas 1:78

Lùu faŋ Nwi kee gəŋsə vɨɨ nə fwi yi yinshə. Gəŋsə Nwi ŋii taa ŋwaa nsiŋ yaa məley faŋ ŋwə siꞌ fɨ taa yizɔ, jwì yɨ nsiŋ,

Lukas 15:24

Ŋwiŋ ŋwaa ŋwə̀ nə kù, baa bwèy ndwə. Ŋwə nə ndì, vɨ baa yè ŋwə. Nɨniŋ, vəŋ tey kɨ ŋaytə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12

Maa yighee yɔ́ Yeso baa gì tɨ́ vɨɨ laa, «Mə lùu kiꞌ taa mbi. Wə ntɨə faŋ ŋwə beꞌsə mə, kaꞌ ŋwə kee baa tòꞌ fɨ taa mfiŋsə me, ŋwə taa ye məley faŋ ŋwə kɔ məbwey vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:5

Yighee njyə faŋ mə kɨ bii taa mbi nyə̀, mə lùu məley taa mbi.»

Akts 13:47

Yia yɨ̀ nɨniŋ buꞌ laa tɨta Nwi nə gì laa, «Mə nùŋ ghɔ yaa kiꞌ tɨ́ vɨɨ tətɔŋ fu, laa a taa də jɨɨ məbwey vəlwaŋ tɨ́ vəŋ, gə kɔ maa vəndwə və mbi.»

Roma 6:13

Kɨ viŋ baa kɨ kɔ fa yiŋwaa yiŋ tɨ́ nu bwə, maa məyɨsə nu faŋ ŋkə kee lùu kəloomə me. Viŋ bee kii fiŋ tɔ kiŋ tɨ́ Nwi, buꞌ faŋ viŋ lùu vɨɨ faŋ vəŋ nə fùu fɨ shɨ yiku, zɨ̀ məbwey. Nɨniŋ, viŋ kɔ yiŋwaa yiŋ tɨ́ Nwi, kɨ yɨsə vənu faŋ mbə lùu vəjəə, baa lùu vəloomə.

1 Kɔrintian 15:34

Kɨ viŋ baa kɨ yɨsə vənu vəmfaw me. Viŋ bee kii meꞌtə məyɨ vənu vəbwəvə, yuu ŋkə kuꞌnə tɨ́ nsiŋ. Mə ye laa vɨɨ mɔ́ꞌ fɨ taa ŋwaa viŋ kee kɨ̀ɨ nə Nwi tuu tɨtiꞌ me. Mə gì tɨ́ nee, lùu nu tɔ dɨɨ tɨ́ viŋ.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

Efesɔs 2:1

Viŋ yaa luu vəŋku və vɨɨ, buꞌ vənu vəbwəvə viŋ nə ghuu yitoꞌ kiŋ kəbwəkə.

Efesɔs 2:5

kɔ̀ məbwey tɨ́ nsiŋ fɨ yiba Kristo maa yighee njyə faŋ nsiŋ nəə kɨ bii vəŋku və vɨɨ taa nu bwə kaŋ-nsiŋ nə. Luu sheꞌ buꞌ gəŋsə Nwi, laa Nwi bweysə viŋ ndwə.

Kɔlɔsii 3:1

Mə duꞌtə mə gì tɨ́ viŋ laa Nwi ywèysə viŋ fɨ ghɔ yiku, viŋ vɨ Kristo mɔ́ꞌ. Nɨniŋ, viŋ tə sɨ ghiŋ maa vətɔ mbɨə faŋ mbə lùu yizɔ, shəŋ ŋkɨə faŋ Kristo lùu shɔ nə. Ŋwə dùꞌ shɔ maa kwiŋ maꞌnə Nwi.

1 Tesalonika 5:6

Nɨniŋ, kɨ nsiŋ kɨ bwey yaa vɨɨ vɔ́ me; nsiŋ kɨ shi nə yikɨꞌ, bwasə ŋwaa.

2 Timoti 1:10

Lùu ndwə, ŋkə fùu ntee, faŋ wuu məbweysə ŋwaa-nsiŋ, Yeso Kristo nə fùu mbi, ndìsə yiku, nùŋsə məbwey vəlwaŋ faŋ ŋwə gòꞌsə yighee muꞌ tɨ́ vɨɨ mbɨə faŋ vəŋ zɔ ntɔŋ yijəə yɔ́.

2 Timoti 2:26

tɔ vəŋ baa ley, vəŋ nyɨŋ fɨ taa vənu və zwitə bwə faŋ ŋkə nə jia vəŋ maa məyɨ nu maa ŋkitə yi nə.