Efesɔs 5:11 - Vengo (Babungo)

¹¹ Kɨ viŋ kwaŋ ghɔ taa vənu vədayday fɨ taa mfiŋsə me. Viŋ bee kii də vənu vɔ́ ntee laa lùu vənu vəbwəvə.

Efesɔs 5:11 ပူးပေါင်းရင်းမြစ်များ

Matiu 18:15

«Kɨ luu weenshu wə gu nu, a gə yè ŋwə, gì tɨ́ ŋwə, sheꞌ viŋ ŋwə vəbɔɔ. Ŋwə kɨ luu zɔ̀ yigisə yə, buu a bwèysə weenshu wə ghɔ́.

Lukas 3:19

Ŋwə baa kɔ̀ yigi tɨ́ fwàŋ Herod buꞌ nu Herodias, buꞌ faŋ fwàŋ Herod nə ndaa zu weenshu wi, nə kɔ̀ŋ vənu vəbwəvə vəmɔ́ꞌ faŋ fwàŋ Herod nə yɨ̀sə.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Roma 13:12

Fu vətuꞌ bəə, fu kəə lee. Nɨniŋ, nsiŋ meꞌtə vənu mbɨə faŋ vɨɨ yɨsə taa mfiŋsə, shùŋ luu vətɔ və yighaw və məley maa nsiŋ.

Roma 16:17

Vaŋ-nshwi vaŋ, mə tɨsə viŋ laa, viŋ kɨ tɔfə maa vɨɨ mbɨə faŋ vəŋ jwi nə ŋgaasə, yɨsə vɨɨ gu maa nu Kristo, faŋ viŋ nə zwètə nə. Viŋ nyɨŋ fɨ yɨ vəŋ,

Roma 6:21

Ŋgwisə vətaŋ yiŋ faŋ viŋ nə mɔ̀ꞌ maa yighee yɔ́, nə luu mbɨə? Maa nə luu nu ŋkɨə faŋ tɔ kiŋ dɨ̀ɨ shɔ ndwə, buꞌ laa vəndwə və vənu vɔ́ lùu yiku.

Galatia 6:8

Wə ntɨə faŋ ŋwə yɨsə vənu sheꞌ maa nshɨ-tɔ wi, ŋwə ndɔ ndi. Gə fɨ maa wə ntɨə faŋ ŋwə yɨsə vənu buꞌ Zwitə Nwi, ŋwə ndɔ zɨ məbwey vəlwaŋ faŋ ŋwə ndɔ̀ fɨ maa Zwitə Nwi.

Efesɔs 4:22

faŋ lùu laa, viŋ baꞌsə vənu vəmwavə fɨ maa viŋ, faŋ viŋ nəə yɨsə yighee vɨsɨ nə, faŋ fwi siŋ nəə ndɔ maa vətɔ və məbweꞌsə ŋwaa, faŋ mbə bɨsə yiŋwaa yiŋ nə.

Efesɔs 5:12

Kəŋ vənu vɔ́ faŋ vɨ yɨsə taa vəndenə, lùu vənu vəbwəvə. Ŋkee maa məgi kɔ̀ŋ vənu vɔ́, lùu nu bwə.

Efesɔs 5:7

Nɨniŋ, kɨ viŋ vɨ vəŋ faynə maa vənu vɔ́ me!

Kɔlɔsii 1:12

Viŋ kɨ bwaŋ Tii ŋwaa-nsiŋ fɨ yizɔ nə məŋaytə! Yɨsə ŋwə buu viŋ kùꞌnə laa viŋ ndɔ zɨ vənu mbɨə faŋ ŋwə nə nùŋsə tɨ́ vɨɨ vi maa shəŋ ŋkɨə faŋ məley Nwi bee shɔ nə.

1 Tesalonika 5:7

Vɨɨ mbɨə faŋ vəŋ bɨbwey, bwey luu vətuꞌ. Vɨɨ mbɨə faŋ vəŋ nu məluꞌ, mbə shɔɔ sɨ vəŋ, mbə shɔɔ sheꞌ vətuꞌ.

2 Tesalonika 3:14

Kɨ luu wə mɔ́ꞌ kee zɔ̀ ntɨ yia faŋ nyə lùu taa ŋwaꞌlə ŋwə̀ nə me, viŋ shwenə ŋwə, kee kɨ zɨnə viŋ vɨ vəŋ me, yuu tɔ ki dɨɨ, ŋwə kwiinə fwi yi.

2 Tesalonika 3:6

Vaŋ-nshwi via, yia naysə tɨ́ viŋ maa yizii tɨta Yeso Kristo laa, viŋ buꞌsə fɨ ghɔ wə tɨ̀ me wə taa ŋwaa viŋ faŋ ŋwə kee kàw faꞌ me, kee kɨ toꞌ fɨ taa ntɨ njyə faŋ yia nə kɔ̀ tɨ́ viŋ nə me.

1 Timoti 5:20

Vɨɨ lùu shɔ taa ŋwaa vəŋ faŋ vəŋ yɨsə nu bwə, bàw a sɔꞌ vəŋ taa ŋwaa vɨɨ vənshə, laa vɨɨ mɔ́ꞌ fee nɨzi.

1 Timoti 5:22

Kɨ mɔꞌ ghɔ ghə tɔ wə titi me, kɨ shiinə ŋwaa wə laa a kee jɔmə vɨɨ taa vənu vəbwəvə vəŋ me. Bàw a kɨ shiŋnə ŋwaa wə laa vənu və ley.

1 Timoti 6:5

Vɨɨ kɨ nii gàasə yiŋwaa, tay ntaysə ghee nshə, buꞌ faŋ tɔ ley vəŋ bùulə, nu bi ndi fɨ ghɔ vəŋ, vəŋ bɨꞌtə laa nu məbəŋsə Nwi lùu nu tɨ́ kaꞌ vɨ kɨ fuꞌ ka fɨ fuŋ.

2 Timoti 3:5

Vəŋ boꞌ sɨ vɨɨ, fɨnə vɨɨ məbəŋsə Nwi, luu nə, kee biŋ laa wutə Nwi ŋii maa vəŋ me. Bàw a kɨ buꞌsə fɨ yɨ kəŋ vɨɨ vɔ́.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.

Taytəs 2:15

Kɨ gisə vənu vɔ́ tɨ́ vɨɨ, tɨsə vəŋ shɔ, ŋaꞌsə sɨ vəŋ buꞌ vənu vəbwəvə vəŋ, yɨsə nɨniŋ nə wutə kə kənshə. Kɨ wə shia ghɔ me.

Reveleyshən 18:4

Mə baa kɨ zɔ gɨ wə baa gì fɨ yizɔ laa, «Viŋ fuu fɨ shɨ yɔ́, ŋgwisə vɨɨ vaŋ, laa kɨ viŋ mɔꞌ ŋwaa wiŋ taa nu bwə faŋ shɨ kɔ́ yɨ̀sə nə me, yuu ŋii taa ŋɨꞌ njyə faŋ Nwi ndɔ kɔ tɨ́ shɨ kɔ́ nə.