Efesɔs 5:10 - Vengo (Babungo)

¹⁰ Viŋ kɨ kwaꞌtə tɔ kiŋ maa nu ŋkɨə faŋ ŋkə bàw tɨ́ tɨta ŋwaa-nsiŋ.

Efesɔs 5:10 ပူးပေါင်းရင်းမြစ်များ

Roma 14:18

Wə ntɨə faŋ ŋwə faꞌ faꞌ Kristo maa jɨɨ nyə̀, bàw tɨ́ Nwi, baa kùꞌnə tɨ́ vɨɨ nɨzi.

Filipi 1:10

Mə shɔꞌtə Nwi tɔ viŋ nɨniŋ, tɨ́ kaꞌ viŋ shòꞌ nu ŋkɨə faŋ luu nu jəə fɨ maa vənu vənshə. Nɨniŋ, viŋ ndɔ luu ŋkee vɨɨ ley faŋ vənu vəvəŋ lùu vəloomə maa shi ŋkɨə faŋ Kristo ndɔ baa bəŋ jwi taa mbi nə.

Filipi 4:18

Mə ye vətɔ vənshə faŋ viŋ tɔ̀ŋ shee nə, mbə yaŋ shɔ̀ɔ faŋ mə kəə. Fa kee baa lùu shɔ faŋ mə bəə me, buꞌ vətɔ mbɨə faŋ viŋ tɔ̀ŋ shee, Epafroditɔs jwì nə mbə nə. Mbə lùu yaa vətɔ faŋ mbə kìi lumə jəə, baa lùu yaa ndey faŋ wə fèꞌ tɨ́ Nwi, Nwi ŋaytə shɔ.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

1 Tesalonika 5:21

Viŋ kɨ kwaꞌtə vənu vənshə, jìa ŋkɨə faŋ ŋkə kùꞌnə.

1 Timoti 2:3

Lùu nu faŋ ŋkə bàw sɨ Nwi, wuu məbweysə ŋwaa-nsiŋ,

1 Timoti 5:4

Kɨ luu zu ŋku kìi vaŋ vi, tɨꞌnə me vaŋ vaŋ vi, bàw laa vaŋ vɔ́ bɨ zwetə maa məfee Nwi fu vəŋ, bəŋsə vənu vəjəəvə tɨ́ vənshwi vəvəŋ, buꞌ laa luu ŋkee nu ŋkɨə faŋ ŋkə kùꞌnə tɨ́ Nwi.

Hibru 12:28

Nɨniŋ, bàw nsiŋ kɨ bwaŋ Nwi, buꞌ laa ŋwə bɔ̀ŋ yifwàŋ tɨ́ nsiŋ faŋ kaꞌ nyə kee nə̀ꞌnə me. Nsiŋ kɨ bwaŋ ŋwə maa yifwàŋ yi yɔ́, buu nsiŋ bəŋsə Nwi maa jɨɨ njyə faŋ nyə bàw too ŋwə. Nsiŋ baa luu kɔ feenə tɨ́ ŋwə, faꞌ tɨ́ ŋwə nə məfee,

1 Pita 2:20

Kɨ luu laa viŋ jia fwi yiŋ maa ŋɨꞌ faŋ vɨ sàŋ viŋ buꞌ nu bwə faŋ viŋ nə yɨ̀sə, buu nu kɔ́ kee lùu nu jəə me. Luu nə, vɨ kɨ luu kwaŋ viŋ taa ŋɨꞌ faŋ viŋ yɨsə sheꞌ vənu vəjəəvə, viŋ kɨ jia fwi siŋ maa yighee yɔ́, bìŋ nə fwi yijəə, buu Nwi kaw viŋ.

1 Pita 2:5

Nɨniŋ, bàw viŋ gu ŋoꞌsə bweysə nɨzi, tɨ́ kaꞌ Nwi ndì viŋ, bɔ̀ŋ viŋ yaa ŋoꞌsə, viŋ gù ŋii Zwitə Nwi, baa gù vɨɨ məfeꞌ Nwi nɨzi, faŋ vəŋ ley vɨsɨ Nwi. Nɨniŋ, kaꞌ viŋ kɔ Nwi maa Zwitə Ley Nwi, faŋ Nwi kaw nə, buꞌ Yeso Kristo.