Efesɔs 4:5 - Vengo (Babungo)

⁵ Tɨɨ faꞌ wiŋ luu muꞌ. Viŋ biŋ Nwi maa jɨɨ yimuꞌ. Muu mə Nwi faŋ viŋ nə fi nə, lùu fəmuꞌ.

Efesɔs 4:5 ပူးပေါင်းရင်းမြစ်များ

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Akts 2:36

Nɨniŋ nə, bàw vɨɨ vənshə fɨ shɨ Isirayl kɨɨ yinsəŋ laa Nwi nùŋsə sheꞌ Yeso ghɔ́ faŋ viŋ nə bèy fuu fəŋkɔꞌ fə ŋkɨꞌsə nə, laa ŋwə luu tɨta ŋwaa-nsiŋ, baa luu wuu məbweysə ŋwaa-nsiŋ.»

Roma 3:30

Lùu nɨniŋ buꞌ laa Nwi luu sheꞌ muꞌ, yɨsə vənu və vɨɨ Jus faŋ vɨ sɨ̀ɨtə vəŋ nə, kiasə lòomə, faŋ vəŋ nùŋ fwisə vəŋ maa Kristo. Ŋwə baa yɨsə vənu və vɨɨ tətɔŋ fu faŋ vɨ kee sɨ̀ɨtə vəŋ nə me, kiasə lòomə nɨzi, buꞌ faŋ vəŋ nùŋ fwisə vəŋ maa ŋwə.

1 Kɔrintian 1:13

Kristo nə luu vəway vəway mu? Kɨ nə kee lùu mə Pɔɔl, faŋ vɨ nə bèy fuu fəŋkɔꞌ fə ŋkɨꞌsə buꞌ viŋ me. Viŋ nə kee fì muu mə Nwi maa yizii Pɔɔl me.

1 Kɔrintian 1:2

Yia Sɔsteniis nyɔꞌ ŋwaꞌlə ŋwə̀ tɨ́ nwaa vɨɨ Nwi fɨ shɨ Kɔrint. Viŋ lùu vɨɨ ley Nwi buꞌ faŋ viŋ fàynə viŋ vɨ Yeso Kristo. Nə shòꞌ Nwi shòꞌ viŋ laa viŋ luu vɨɨ vi, ghɔ vɨ vɨɨ vənshə, faŋ vəŋ bəŋsə Tii ŋwaa-nsiŋ Yeso Kristo maa vəshəŋ vənshə. Yeso Kristo lùu Tɨɨ vəŋ, baa lùu Tii ŋwaa-nsiŋ nɨzi.

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.

1 Kɔrintian 12:5

Vəfaꞌ faŋ vɨɨ faꞌ tɨ́ Yeso lùu nɨŋkwiŋ nɨŋkwiŋ nɨzi. Luu nə, tɨɨ faꞌ vəŋ luu sheꞌ muꞌ, lùu tɨta Yeso.

1 Kɔrintian 8:6

nsiŋ kɔꞌ kɨɨ laa Nwi luu sheꞌ muꞌ. Lùu ŋwə lùu Tii ŋwaa-nsiŋ. Bɔ̀ŋ ŋwə bɔ̀ŋ vətɔ vənshə. Ŋwə baa bɔ̀ŋ nsiŋ, laa nsiŋ kɨ kɔ feenə tɨ́ ŋwə. Wə ntɨə faŋ ŋwə kìi nsiŋ, luu sheꞌ muꞌ, lùu Yeso Kristo. Nwi nə shɔ̀ɔ fɨ yiba jɨŋ ŋwə, buu bɔŋ vətɔ vənshə. Məbwey ŋwaa-nsiŋ ndɔ̀ fɨ ghɔ ŋwə.

2 Kɔrintian 11:4

Wə mɔ́ꞌ jwi, dèesə nu kɔ̀ŋ Yeso day, kee dèesə nu Yeso ŋgwə faŋ yia nəə deesə nu ki nə me, buu viŋ biŋ ŋwə nə məŋaytə. Vɨ kɔ̀ zwitə kəday tɨ́ viŋ, faŋ kee luu zwitə ŋkɨə faŋ viŋ nə fì yighee vɨsɨ nə me, tɨꞌnə me, fɨꞌtə ntɔŋ yijəə yiday, faŋ viŋ nə kee yizɔ yighee vɨsɨ me, buu viŋ bìŋ nə məŋaytə. Ŋkə kee baw me.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Efesɔs 4:13

Nɨniŋ, nsiŋ vənshə ndɔ luu fa kəmuꞌ maa nu ŋkɨə faŋ nsiŋ nùŋ fwi saŋ-nsiŋ maa Kristo, Wee Nwi nə, kɨ̀ɨ nə ŋwə, baa nə nu ki ŋkee jəə. Nɨniŋ nə, nsiŋ ta, gù vɨɨ taanə maa nu Nwi, nə vɨɨ faŋ nu Kristo lwàŋ taa fwisə vəŋ.

Filipi 2:11

Vəŋ vənshə ndɔ biŋ ntee laa Yeso Kristo lùu wuu məsɔꞌ mbi. Nɨniŋ, vəŋ kɔ feenə tɨ́ tɨta Nwi.

Filipi 3:8

Maa yinsəŋ, vənu vɔ́ vənshə luu kəndi shee, buꞌ laa nu məkɨɨ nə Yeso Kristo, tɨta ŋwaa, kwàlə shɔ̀ɔ vənu vənshə. Luu buꞌ ŋwə faŋ mə meꞌ vənu vɔ́ vənshə, sheꞌ laa mə bee kii kii Kristo. Vənu vɔ́ gù yaa vəbɨ shee.

Taytəs 1:1

Lùu mə, Pɔɔl, wuu faꞌ Nwi, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Taytəs. Mə lùu wuu ntɔŋ Yeso Kristo, faŋ mə fɨꞌtə nu Nwi tɨ́ vɨɨ mbɨə faŋ Nwi nə shòꞌ maa mbii vɨɨ nə, laa vəŋ nuŋ fwisə vəŋ maa Kristo, baa kɨ̀ɨ nə nu yinsəŋ Nwi, faŋ ŋkə yɨsə vɨɨ bəŋsə Nwi.

Taytəs 1:4

Mə tɔ̀ŋ ŋwaꞌlə ŋwə̀ tɨ́ ghɔ, Taytəs, faŋ a luu ŋkee ŋwiŋ ŋwaa maa yizii Kristo faŋ nsiŋ nùŋ fwi saŋ-nsiŋ maa ŋwə nə. Tɨta Nwi ghɔ Yeso Kristo, wuu məbweysə ŋwaa-nsiŋ, tu mənɔŋ-bwaŋnə tɔ ghɔ, nə məduꞌ-nyɔŋ.

Hibru 13:7

Viŋ lumə vɨɨ mbɨə faŋ vəŋ nə fɔŋ kìi viŋ, də̀ jɨɨ tɨ́ viŋ, baa fɨ̀ꞌtə yigisə Nwi tɨ́ viŋ. Viŋ ywiitə faŋ nshinə vəŋ nə dùꞌ ziꞌ maa shi yiku vəŋ. Viŋ nuŋ fwi siŋ maa Nwi sheꞌ faŋ vəŋ nəə yɨsə nə.

Hibru 6:6

kɨ ghaŋ laa kəŋ wə ghɔ́ faŋ ŋwə kɨ̀ɨ nə vənu vɔ́ nə, baa kìasə fwi yi, twèy vənu vɔ́, buu jɨɨ kee baa lùu shɔ tɨ́ ŋwə, laa ŋwə baa kwiinə fwi yi, nùŋ maa Nwi me. Lùu nɨniŋ buꞌ laa, kəŋ wə ghɔ́ gù wə faŋ ŋwə baa bèy Wee Nwi fuu fəŋkɔꞌ fə ŋkɨꞌsə, baa shìasə ŋwə ntee.

Jeyms 2:18

Kaꞌ wə mɔ́ꞌ gì shee laa, «A fàꞌ tɨ́ Nwi, gə̀ fɨ maa mə, mə nùŋ fwi nyaa maa Nwi.» Nɨniŋ, sii kaꞌ a də̀ kɨkə faŋ a nùŋ fwi yə maa Nwi, faŋ a kee yɨ vənu vəjəəvə me. Gə fɨ maa mə, kaꞌ mə də̀ tɨ́ ghɔ laa mə nùŋ fwi nyaa maa Nwi fɨ maa vənu vəjəəvə vaŋ faŋ mə yɨsə.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

Ŋwaꞌlə Jud 1:20

Gə fɨ maa viŋ, vɨɨmba vaŋ faŋ mə kàw, viŋ gaŋtə yiŋwaa yiŋ, viŋ viŋ, tɨ́ kɨ kaꞌ məbiŋ wiŋ weꞌ, gə vɨsɨ vɨsɨ. Nu Nwi ŋkɨə faŋ viŋ biŋ nə, luu ŋkee nu ley faŋ ŋkə ndɔ̀ fɨ ghɔ Nwi. Viŋ shɔꞌtə Nwi ghee nshə, kɨ shɔꞌtə Nwi nə nu ŋkɨə faŋ Zwitə Ley Nwi də tɨ́ viŋ.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.