Efesɔs 4:32 - Vengo (Babungo)

³² Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.

Efesɔs 4:32 ပူးပေါင်းရင်းမြစ်များ

Matiu 6:12

Ndenə yibɨsə yia, faŋ yia ndènə yibɨsə vɨɨ nə.

Mark 11:25

Nɨniŋ, yighee tɨ̀ me yighee faŋ viŋ tɨ̀ŋnə maa məshɔꞌtə Nwi, viŋ bɨ ndènə yibɨsə vɨɨ maa viŋ ŋkəə, tɨ́ kɨ kaꞌ Tii wiŋ faŋ ŋwə lùu yizɔ, ndènə yibɨsə yiŋ nɨzi.

Lukas 1:78

Lùu faŋ Nwi kee gəŋsə vɨɨ nə fwi yi yinshə. Gəŋsə Nwi ŋii taa ŋwaa nsiŋ yaa məley faŋ ŋwə siꞌ fɨ taa yizɔ, jwì yɨ nsiŋ,

Lukas 11:4

Ndenə vənu vəbwəvə faŋ yia nə yɨ̀sə nə, fɔnə yia ndenə vənu vənshə faŋ vɨɨ gù maa yia nɨzi. Kɨ ghɔ biŋ yia ŋii məmɔŋ maa məyɨ nu bwə me.»

Lukas 17:4

Ŋwə kɔlə gù maa ghɔ ghee kwatia maa shi kəmuꞌ, jwi yɨ ghɔ, gì laa yi lùŋ maa nu kɔ́, bàw a ndenə yibɨsə yi ghee nshə.»

Lukas 6:35

Nɨniŋ, viŋ kɨ kaw luu vɨɨ mbeenə viŋ. Viŋ kɨ yɨsə vənu vəjəəvə, shwaꞌ vɨɨ nə ka, kee kɨ tə sɨ maa məbaa fi me. Viŋ yɨ̀ nɨniŋ, buu sey wiŋ ndɔ yaŋ. Viŋ luu vaŋ Nwi Nshɔɔ-mbi, buꞌ laa ŋwə yɨsə jəə maa vɨɨ vənshə, nə tɨ́ vɨɨ faŋ vəŋ kee kɔ bwaŋ-wee tɨ́ ŋwə me, nə tɨ́ vɨɨ vəŋwiŋ nɨzi.

Lukas 6:37

«Kɨ viŋ gi nu bwə tɔ vɨɨ me, tɨ́ kaꞌ Nwi kee ndɔ kwaŋ viŋ taa nsɔꞌ me. Kɨ viŋ shia nsɔꞌ tɔ wə me, nɨniŋ laa Nwi kee ndɔ baa kɨ shia nsɔꞌ tɔ viŋ me. Viŋ bee kii ndenə vənu vəbwəvə və vɨɨ, tɨ́ kaꞌ Nwi ndɔ ndenə vənu vəbwəvə viŋ nɨzi.

Akts 28:2

Vɨɨ shɨ vɔ́ nə sàylə maa yia, kèe gəŋ sia, twàŋ məŋkɔꞌ tɨ́ kaꞌ yia zwà wisə, buꞌ laa yighuu nəə sɨsiꞌ, gwə koo yia.

Roma 12:10

Faŋ viŋ lùu vaŋ-nshwi nə, viŋ kɨ kawnə yiŋwaa yiŋ nə fwi yijəə, kɔ feenə tɨ́ vaŋ-nshwi viŋ shɔ̀ɔ faŋ vəŋ kɔ̀ tɨ́ viŋ.

1 Kɔrintian 13:4

Ŋkawnə yaa kɨ yɨsə wə kɨ jia fwi yi, baa kii njyoꞌ yijəə; ŋwə kee ghɨꞌ vɨɨ me, kee gisə yigi shuu yaŋnə me, kee koꞌsə ŋwaa me.

2 Kɔrintian 2:10

Viŋ kɨ luu kɨ ndenə yibɨsə wə, buu mə taa ndenə yibɨsə yi nɨzi. Kɨ luu laa nu mɔ́ꞌ lùu shɔ, faŋ ŋkə nə bàw laa mə ndenə ŋkə, buu mə ndènə buꞌ viŋ sɨ Kristo.

2 Kɔrintian 2:7

Nɨniŋ, ŋkə bàw laa viŋ meꞌtə ŋwə ndwə, ndenə yibɨsə yi, kɨ boolə ŋwə, laa kɨ ŋɨꞌ shɔɔ wə ghɔ́, zɨ̀ ŋwə me.

2 Kɔrintian 6:6

Yia toꞌ nə nshinə yijəə, kwaꞌtə nu Nwi, jia fwi sia, toꞌ fɨ taa bwaŋnə taa ŋwaa vɨɨ. Zwitə Ley Nwi shiŋnə yia. Yia kaw vɨɨ nə fwi yiley,

Efesɔs 5:1

Nɨniŋ, viŋ ndi ghuu yitoꞌ Nwi buꞌ laa viŋ lùu vaŋ vi, faŋ ŋwə kaw viŋ.

Jeyms 5:11

Maa nsiŋ yaa kɨ gisə laa Nwi nə tu mənɔŋ-bwaŋnə tɔ vɨɨ vɔ́, faŋ vəŋ nə jìa fwisə vəŋ taa ŋɨꞌ nə. Maa viŋ zɔ̀ faŋ Job nə jìa fwi yi. Viŋ kɨ̀ɨ nɨzi faŋ Mɔꞌmbi nə gaŋtə ŋwə fɨ yiba. Kaꞌ viŋ yè fɨ fuŋ laa Mɔꞌmbi yaa kɨ kee gəŋsə vɨɨ dɨdɨꞌ.

2 Pita 1:7

Faŋ viŋ zɔnə Nwi nɨniŋ nə, viŋ kɨ kaw vaŋ-nshwi viŋ maa yizii Yeso Kristo. Faŋ viŋ kaw vaŋ-nshwi viŋ nɨniŋ nə, viŋ kɨ kaw vɨɨ vənshə.

1 Jɔn 1:9

Nsiŋ kɨ luu bìŋ nu bwə kaŋ-nsiŋ, buu Nwi taa kɨ ndenə nu bwə kaŋ-nsiŋ, baa sɔ̀ vənu vəbwəvə fɨ maa nsiŋ, buꞌ laa Nwi lùu wuu yinsəŋ, yɨsə sheꞌ vənu vəloomə.

1 Jɔn 2:12

Mə ŋwaꞌlə tɨ́ viŋ, vaŋ vaŋ, laa Nwi mèꞌ yibɨsə yiŋ buꞌ Yeso Kristo.