Efesɔs 4:24 - Vengo (Babungo)

²⁴ Viŋ mɔꞌ nshinə yifi maa viŋ faŋ vɨ nàysə maa ŋkɨꞌnə Nwi. Viŋ kɨ toꞌ maa jɨɨ yiloomə, baa nə yaa vɨɨ ley Nwi maa yinsəŋ.

Efesɔs 4:24 ပူးပေါင်းရင်းမြစ်များ

Lukas 1:75

faꞌ tɨ́ Nwi nə fwi yiley, vənu vaŋ-nsiŋ luu vəloomə vɨsɨ Nwi maa vəshi vənshə faŋ nsiŋ luu shɨ nsi nyə̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:17

Yɨsə vəŋ luu vɨɨ və, baa bàw, buꞌ faŋ vəŋ ye nu ŋkɨə faŋ ŋkə lùu yinsəŋ. Də yigisə yə də nu ŋkɨə faŋ lùu nu yinsəŋ.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Roma 13:12

Fu vətuꞌ bəə, fu kəə lee. Nɨniŋ, nsiŋ meꞌtə vənu mbɨə faŋ vɨɨ yɨsə taa mfiŋsə, shùŋ luu vətɔ və yighaw və məley maa nsiŋ.

Roma 13:14

Bàw viŋ mɔꞌ tɨta Yeso Kristo maa viŋ yaa njwi, kee meꞌtə yiŋwaa yiŋ bweꞌsə viŋ, fwi siŋ ndɔ maa vətɔ me.

Roma 6:4

Nɨniŋ, faŋ vɨ nə bèy nsiŋ taa muu nə, ŋkə luu yaa nsiŋ nə kùkə, vɨ təə nsiŋ vɨ Kristo taa swi mɔ́ꞌ. Nɨniŋ laa nsiŋ zɨ̀ məbwey, toꞌ ghuu yitoꞌ finə, buꞌ laa tɨta Nwi nə baa ywèysə Kristo fɨ shɨ yiku nə wutə ki kəkwalə nə.

Roma 7:6

Gə̀ fɨ maa ndwə, ntɨsə sɔ́ kee baa sɔꞌ nsiŋ me. Nsiŋ gàasə nsiŋ vɨ nuŋsə yɔ́ faŋ mbə nə kà nsiŋ nə. Nsiŋ kukə tɨ́ nuŋsə yɔ́, kìi nshinə yifi, faŋ Zwitə Ley Nwi kɔ̀ tɨ́ nsiŋ nə. Nɨniŋ, nsiŋ faꞌ nu jəə tɨ́ Nwi, kee baa fàꞌ maa jɨɨ yimwa njyə faŋ vɨ nyɔ̀ꞌ taa ŋwaꞌlə ntɨsə nə me.

Roma 8:29

Lùu nɨniŋ buꞌ laa vɨɨ mbɨə faŋ Nwi nə kɨ̀ɨ nə vəŋ shù fɨ yighee vɨsɨ nə, ŋwə nə nùŋsə vəŋ laa vəŋ ndɔ fɨnə ŋwiŋ wi. Nɨniŋ laa ŋwiŋ wi ghɔ́ kìi vaŋ-nshwi vi vəyaŋ, baa lùu nshɔɔ vɨsɨ vəŋ.

1 Kɔrintian 15:53

Kaꞌ nsiŋ kee ndɔ baa kii yiŋwaa nyaa-nsiŋ njyə faŋ nyə ndɔ shuu bɨ nə me. Ŋwə taa kwiinə, gu fa faŋ ŋkə kee ndɔ baa bɨ me. Ŋwaa ghɔ́ faŋ ŋwə ku nə, ndɔ kwiinə, gù fa faŋ ŋkə kee ndɔ baa ku me.

2 Kɔrintian 3:18

Nɨniŋ, nsiŋ vənshə kee baa kìi njwi yɔ́ yikəꞌ nsiŋ me. Mɔꞌmbi, faŋ ŋwə bàw shɨlə nə, bee yikəꞌ nsiŋ, nsiŋ kiasə gù yuu ŋkɨꞌnə yi, bàw, gə̀ vɨsɨ vɨsɨ, buꞌ laa yɨ̀sə Zwitə Mɔꞌmbi nɨniŋ. Nɨniŋ, nsiŋ lùu yaa ŋwaꞌlə məye sɨ faŋ vɨɨ ye məbaw Nwi fɨ fuŋ.

2 Kɔrintian 4:16

Nɨniŋ, kaꞌ yia kee bwa me. Yiŋwaa yia kɔlə ye ŋɨꞌ, Nwi weꞌsə fwi sia, nsə gù fa fi shi shi.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

Galatia 3:27

Viŋ vənshə faŋ viŋ duꞌtə viŋ fi muu mə Nwi, lùu fa kəmuꞌ viŋ vɨ Kristo. Buꞌ muu mbɨə faŋ viŋ fi nə, viŋ biꞌ nshinə Kristo maa viŋ.

Galatia 6:15

Faŋ vɨ sɨ̀ɨtə wə, faŋ vɨ kee sɨ̀ɨtə wə me, ŋkwiinə kee lùu shɔ me. Nu kwalə luu sheꞌ laa Nwi yɨsə nsiŋ luu vɨɨ finə.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Efesɔs 2:15

Ŋwə nə ndìsə nuŋsə njyə faŋ Nwi nə kɔ̀ tɨ́ vɨɨ Isirayl, ndì kəŋ vɨɨ vɔ́ vəbɔɔ nə, kìasə vəŋ, vəŋ lùu fa kəmuꞌ ndwə fɨ yiba jɨŋ Kristo faŋ ŋwə nə fàynə yigisə vəŋ.

Efesɔs 6:11

Viŋ shuŋ vətɔ və yighaw və Nwi, laa viŋ kɨɨ maa məghɔꞌ Satan, tɨɨ vəzwitə vəbwəvə, maa jɨɨsə nsɨə faŋ lùu jɨɨsə mənay sənshə, faŋ ŋwə tuŋ viŋ shɔ nə.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Hibru 1:8

Gə̀ fɨ maa ŋwiŋ wi, Nwi nə gì tɨ́ ŋwə laa, «Ghɔ Nwi, yifwàŋ yə ndɔ goꞌsə yighee muꞌ, a sɔꞌ yifwàŋ yə nə yinsəŋ.

Hibru 12:14

Viŋ kəə jɨɨsə maa məduꞌ nyɔŋ viŋ vɨ vɨɨ vənshə. Viŋ kɨ faꞌ nə wutə, tɨ́ kaꞌ viŋ kɨ shi nshinə faŋ lùu nshinə yiley vɨsɨ Nwi. Viŋ kɔꞌ kɨɨ laa kaꞌ wə kee ndɔ gə yè Nwi, maa kɨ shi nshinə yɔ́ me.

1 Pita 2:2

Viŋ lùu yaa vaŋ faŋ vɨ bɨ kɨ bɨbi vəŋ, faŋ vənshwi vəŋ yaa bɨ bɨbi vəŋ, vəŋ kɨ kəə yiməŋ ghee nshə. Bàw jɨŋ nu Nwi kɨ zasə viŋ sheꞌ yuu yiməŋ zasə vaŋ nə, buu viŋ taa kɨ ta taa nu Nwi, tɨ́ kɨ kaꞌ Nwi ndɔ bweysə viŋ.

2 Pita 1:4

Nɨniŋ, ŋwə nə kèy nsiŋ nə vənu vəkwalə mbɨə faŋ ŋwə nə kɔ̀ꞌnə maa məkɔ tɨ́ nsiŋ, faŋ lùu ŋkee sey kwalə tɨ́ nsiŋ. Buꞌ vənu vɔ́, kaꞌ viŋ nyɨŋ fɨ ghɔ vənu vəbwəvə faŋ mbə lùu taa mbi, faŋ lùu mbɨꞌtə vɨɨ məyɨ vənu vəbwəvə. Kaꞌ viŋ bee kii jwi kìi nshinə yaa njyə Nwi.