Efesɔs 4:18 - Vengo (Babungo)

¹⁸ Mbɨꞌtə vəŋ kee ley me. Məbwey Nwi bəə fɨ taa fwisə vəŋ, buꞌ faŋ vəŋ kee kɨ̀ɨ nə nu me, fwisə vəŋ fɨ̀.

Efesɔs 4:18 ပူးပေါင်းရင်းမြစ်များ

Matiu 13:15

buꞌ laa fwisə ŋgwisə vɨɨ və̀ fɨ̀; vəŋ zɔ nə tuulə vəŋ dɨdu, shitə sɨ vəŋ, laa kɨ vəŋ ye nə sɨ vəŋ me, kee zɔ̀ nu nə tuulə vəŋ me, kee kɨ̀ɨ nə ŋiꞌ nu, kwìinə fwisə vəŋ, tɨ́ kaꞌ mə bwèysə vəŋ me.»

Mark 3:5

Vəŋ gay. Ŋwə ndeynə vəŋ kia nə fwi yifəŋ, luŋ buꞌ laa fwisə vəŋ nə luu səshii maa məbiŋ nu ki, kɨ nii gì tɨ́ wə ghɔ́ laa, «Nesə kwiŋ wə!» Wə ghɔ́ nesə kwiŋ wi; kwiŋ wi ghɔ́ bwaŋnə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:40

«Nwi shìtə sɨ vəŋ baa yɨ̀ vəŋ luu vɨɨ vətɔ vəshiivə, tɨ́ kaꞌ vəŋ kee yè məley me, kee kwìinə fwisə vəŋ maa məkɨɨ nə nu yinsəŋ me, kee kwiinə nshinə vəŋ, tɨ́ kaꞌ Nwi shuꞌ vəŋ me.»

Akts 17:30

Nɨniŋ, Nwi ndenə vənu mbɨə faŋ viŋ nə yɨsə nshi yighee vɨsɨ. Lùu ndwə, ŋwə gì tɨ́ vɨɨ vənshə maa vəshəŋ vənshə, laa vəŋ kwiinə fwisə vəŋ,

Akts 3:17

Vaŋ-nshwi vaŋ, mə kɔꞌ kɨɨ laa viŋ nə vəshɨꞌ viŋ nə yɨ̀ nu kə̀ mbuꞌ.

Roma 1:28

Nwi mèꞌtə vəŋ laa yitɔ yivəŋ kùkə, buꞌ laa vəŋ nə kee biŋ jia nu ŋkɨə faŋ vəŋ nə kɨɨ kɔ̀ŋ Nwi fɨ taa fwisə vəŋ me. Nɨniŋ, vəŋ yɨsə vənu vənshə faŋ mbə kee yikuꞌnə me.

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

Roma 11:7

Nɨniŋ, ŋkə lùu kɨkə ndwə? Ŋkə lùu laa nu ŋkɨə faŋ vɨɨ Isirayl nəə kəə nə, vəŋ kee yenə me. Nə ye sheꞌ vɨɨ mbɨə faŋ Nwi shòꞌ vəŋ nə. Bətə vɨɨ shɨshii.

Roma 2:19

A bɨꞌtə laa a lùu wuu məjiisə vɨɨ sɨ fɨsə, baa nə laa a lùu kiꞌ tɨ́ vɨɨ mbɨə faŋ vəŋ lùu taa mfiŋsə.

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

1 Kɔrintian 2:8

Vəwutə vənshə faŋ mbə sɔꞌ mbi nyə̀, kee kɨ̀ɨ nə kəŋ tɔ-ley kɔ́ me. Mbə nəə toꞌ kɨɨ, buu vəŋ nə kee bèy tɨta Yeso Kristo, faŋ lùu Tɨɨ vəwutə, fuu fəŋkɔꞌ fə ŋkɨꞌsə me.

2 Kɔrintian 3:14

Nɨniŋ, fwisə vəŋ luu səshii. Njwi yɔ́ kɨ bii sɨ vəŋ, kɔ tɔ və-ndee maa yighee njyə faŋ vɨ tii ŋwaꞌlə Nwi kɔ̀ŋ məkee məmwamə mbɔ́. Vɨ kee bàꞌsə njwi yɔ́ me, buꞌ laa Nwi bàꞌsə sheꞌ tɨ́ wə ntɨə faŋ ŋwə nùŋ fwi yi maa Kristo.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Galatia 4:8

Yighee vɨsɨ faŋ viŋ nə kee ta kɨ̀ɨ nə Nwi me, viŋ nəə feꞌ vənwi faŋ kee lùu Nwi yinsəŋ me. Viŋ nə luu yaa vəbuꞌ tɨ́ vətɔ mbɨə faŋ kee lùu mbə Nwi me.

Efesɔs 2:1

Viŋ yaa luu vəŋku və vɨɨ, buꞌ vənu vəbwəvə viŋ nə ghuu yitoꞌ kiŋ kəbwəkə.

Efesɔs 2:12

Nə luu maa yighee yɔ́, viŋ vɨ Kristo kee lùu nə nu me. Viŋ nə luu vətɔŋ taa nu vɨɨ Isirayl, kee ŋìi taa məkee mbɨə faŋ Nwi nə gwìa ghɔ vɨ vɨɨ Isirayl me, faŋ Nwi nə kɔ̀ꞌnə vənu tɨ́ vəŋ nə me. Viŋ nə dùꞌ sheꞌ fu, kee kɨꞌ nu jəə faŋ ŋkə taa jwi nə me, kee bee lùu viŋ vɨ Nwi me.

Kɔlɔsii 1:21

Viŋ nɨzi nə fɔŋ dùꞌ ŋgaasə viŋ Nwi, buꞌ faŋ viŋ nə luu vɨɨ mbeenə vi fɨ taa mbɨꞌtə yiŋ, yɨsə vənu vəbwəvə.

1 Tesalonika 4:5

Kɨ viŋ kɨ tii vəki sheꞌ faŋ mbasə ŋwaa wiŋ kàw me, yaa vɨɨ məmanə Nwi yaa kɨ yɨsə nə.

Hibru 5:2

Wuu kwalə məfeꞌ Nwi lùu wuu zutə faŋ ŋwə kɨɨ gaŋtə vɨɨ mbɨə faŋ vəŋ kee kɨ̀ɨ nə jɨɨ me, tɨꞌnə me ndì jɨɨ. Kaꞌ ŋwə gàŋtə vɨɨ buꞌ laa nshɨ-tɔ wi kɨɨ nə vənu və məmɔŋ, faŋ kaꞌ wə gù shɔ nə.

Hibru 9:7

Gə fɨ maa njɨɨ tɨəŋ, kaꞌ ŋii sheꞌ wuu kwalə məfeꞌ Nwi shɔ. Ŋwə ŋii shɔ sheꞌ yighee muꞌ taa ŋuꞌ. Yighee yɔ́ ŋwə bɨ ndi mənshi mə nyaa, feꞌ Nwi shɔ buꞌ yibɨsə yi, baa fèꞌ Nwi buꞌ vənu vəbwəvə faŋ vɨɨ nə yɨ̀sə, buu kaꞌ ŋwə ŋìi taa njɨɨ yɔ́.

Jeyms 4:4

Aŋ viŋ, vɨɨ faŋ viŋ kee nùŋ fwi siŋ maa Nwi me. Maa viŋ kɨɨ laa, wə kɨ luu kɨ kaw vətɔ vɨ shɨ nsi, buu ŋwə lùu wuu mbeenə Nwi. Wə tɨ̀ me wə faŋ ŋwə kwaŋ fwi yi maa vətɔ və shɨ nsi, buu ŋwə lùu wuu mbeenə Nwi.

1 Pita 1:14

Faŋ viŋ lùu vaŋ Nwi, zɔnə ŋwə nə, kɨ viŋ baa kɨ yɨsə vənu vəbwəvə mbɨə faŋ viŋ nəə yɨsə yighee vɨsɨ, faŋ viŋ nə kee ta kɨ̀ɨ nə nu Nwi me.

1 Jɔn 2:11

Gə fɨ maa wə ntɨə faŋ ŋwə bee weenshu wi, ŋwə lùu taa mfiŋsə, toꞌ yitoꞌ yi sheꞌ taa mfiŋsə, kee kɨɨ nə shəŋ ŋkɨə faŋ ŋwə gə shɔ me, buꞌ laa mfiŋsə mɔ̀ꞌ sɨ fɨsə maa sɨ ghi.