Efesɔs 4:17 - Vengo (Babungo)

¹⁷ Nɨniŋ, mə gì tɨ́ viŋ, tɨsə viŋ maa yizii tɨta Yeso laa, kɨ viŋ kɨ toꞌ ghuu yitoꞌ kiŋ yaa vɨɨ məmanə Nwi me, faŋ vəŋ toꞌ nə nu vəmfaw vəŋ faŋ vəŋ beꞌsə nə.

Efesɔs 4:17 ပူးပေါင်းရင်းမြစ်များ

Lukas 16:28

Mə kii vaŋ-nshwi vaŋ tee. Bàw ŋwə gə, tɨ̀ vəŋ nəŋay, laa kɨ vəŋ ndɔ kɨ jwi, ŋii maa shəŋ ŋɨꞌ kə̀ me.»

Akts 14:15

«Viŋ sii yɨsə nee buꞌ kə? Yia luu sheꞌ vɨɨ yaa viŋ. Luu nə, yia jwi nə ntɔŋ yijəə tɨ́ viŋ, laa viŋ kiasə yiŋwaa yiŋ fɨ maa vənu vədayday və̀, bìŋ Nwi yinsəŋ faŋ ŋwə bɔ̀ŋ yizɔ nə nsi nə mamuu nə vətɔ vənshə faŋ mbə lùu shɔ nə.

Akts 18:5

Yighee njyə faŋ Silas ghɔ Timoti nə ndɔ̀ fɨ shɨ Makedonia, bèꞌsə Pɔɔl, jwì Kɔrint, Pɔɔl faꞌ maa nu Nwi ŋkee nə wutə, fɨꞌtə̀ tɨ́ vɨɨ Jus laa Yeso lùu Kristo, wuu məbweysə vɨɨ, ŋgwə faŋ Nwi nə kɔ̀ꞌnə tɨ́ vɨɨ nə.

Akts 2:40

Pita baa gì təgi təmɔ́ꞌ təyaŋ tɨ́ vəŋ, bùꞌ ghɔ dɨdɨꞌ laa vəŋ biŋ laa Nwi bweysə vəŋ fɨ taa ŋgwi nyə̀, faŋ vənu vəvəŋ lùu vəbwə.

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Roma 1:21

Lùu nɨniŋ buꞌ laa vəŋ nəə kɔꞌ kɨɨ laa Nwi lùu shɔ, kee bee bəŋsə ŋwə yaa Nwi me, kee bwaŋ ŋwə me, bɨꞌtə sheꞌ vənu vədayday. Nɨniŋ, mbɨꞌtə vəŋ luu njyə ŋkɔmə fɨ taa fwisə vəŋ.

1 Kɔrintian 1:12

Viŋ gàasə yiŋwaa yiŋ, vɨɨ mɔ́ꞌ gi laa vəŋ beꞌsə Pɔɔl, vɨɨ mɔ́ꞌ laa vəŋ lùu vɨɨ Apɔlɔs, vəmɔ́ꞌ laa vəŋ beꞌsə Pita, vəmɔ́ꞌ laa vəŋ beꞌsə sheꞌ Kristo.

1 Kɔrintian 15:50

Vaŋ-nshwi vaŋ, mə naysə tɨ́ viŋ laa, kaꞌ ŋwaa wə fɨ shɨ nsi kee ndɔ zɨ yifwàŋ Nwi me. Fa faŋ kaꞌ ŋkə shuu, kee ndɔ goꞌ maa shuu me.

2 Kɔrintian 9:6

Viŋ lumə laa wə ntɨə faŋ ŋwə sɔ̀ say tɨtiꞌ, ndɔ shwi tɨtiꞌ; wə ntɨə faŋ ŋwə sɔ̀ yaŋ, ndɔ shwì yaŋ.

Galatia 3:17

Bàw vənu və̀ faŋ mə gisə nə, luu vəley tɨ́ viŋ, Nwi nə kɔ̀ꞌnə nu kɔ́ tɨ́ Abraham ŋkee fɨshi, gwìa məkee ghɔ ŋwə. Ŋuꞌsə kɨ nii shɔɔ yiwa yishwe nə ŋuꞌ muu-ntia, buu Nwi kɔ ntɨsə tɨ́ vɨɨ Jus. Nɨniŋ, ntɨsə sɔ́ kee kìi wutə maa məbɨsə məkee mbɔ́, faŋ Nwi nə gwìa ghɔ Abraham nə me. Kɨ kaꞌ ntɨsə sɔ́ kee bɨ̀sə ŋkɔꞌnə yɔ́, faŋ Nwi nə kɔ̀ꞌnə nə me.

Galatia 5:3

Bàw ŋkə luu ŋkee kəley tɨ́ viŋ laa, wə fɨ taa ŋwaa viŋ faŋ ŋwə meꞌtə ŋwaa wi, laa vɨ sɨɨtə ŋwə, buu ŋkə də̀ laa ntɨsə vɨɨ Jus taa kɨ sɔꞌ wə ghɔ́. Ŋwə taa ghaa nuŋsə ntɨsə sɔ́ sənshə laylay.

Efesɔs 1:22

Nwi nùŋsə mbi yinshə ghɔ Kristo, laa ŋwə sɔꞌ mbi yinshə, baa yɨ̀sə ŋwə luu tɔ vɨɨ məbiŋ Nwi. Kii ŋwə kìi vɨɨ Nwi vənshə, sheꞌ faŋ tɔ wə sɔ̀ꞌ ŋwaa wi nshə.

Efesɔs 4:22

faŋ lùu laa, viŋ baꞌsə vənu vəmwavə fɨ maa viŋ, faŋ viŋ nəə yɨsə yighee vɨsɨ nə, faŋ fwi siŋ nəə ndɔ maa vətɔ və məbweꞌsə ŋwaa, faŋ mbə bɨsə yiŋwaa yiŋ nə.

Kɔlɔsii 2:18

Nɨniŋ, kɨ viŋ biŋ laa wə kɨ yɨꞌtə viŋ buꞌ kəŋ vənu vɔ́ me. Vɨɨ mbɨə faŋ vəŋ kəə yɨꞌtə viŋ nə, gisə laa vəŋ sùꞌsə yiŋwaa vəŋ nsi, tɨ́ vəŋ kòꞌsə yiŋwaa vəŋ maa yinsəŋ. Vəŋ bəŋsə nshiisə-ŋiisə Nwi, koꞌsə̀ yiŋwaa, gi laa vəŋ yè vənu fɨ ghɔ Nwi taa njyəəsə. Luu nə, məkoꞌsə ŋwaa vəŋ lùu nu dayday; mbɨꞌtə vəŋ ndɔ̀ sheꞌ fɨ shɨ nsi.

Kɔlɔsii 2:4

Mə naysə vənu və̀ tɨ́ viŋ, tɨ́ kaꞌ wə kee baa bweꞌsə viŋ nə kəŋ yigi tɔ ley mɔ́ꞌ me.

1 Tesalonika 4:6

Baa nə laa kɨ wə yɨ nu bwə maa weenshu wi me, kee kɨ fuŋsə ŋwə maa nu me, buꞌ laa tɨta Nwi bəŋsə vənu vəbwəvə vɔ́ vənshə tɨ́ vɨɨ, kwaŋ nsɔꞌ tɔ vəŋ, sheꞌ faŋ yia nə duꞌtə yia naysə tɨ́ viŋ, baa tɨsə viŋ shɔ nə.

1 Timoti 5:21

Mə naysə tɨ́ ghɔ ŋkee nə wutə vɨsɨ Nwi nə Yeso Kristo nə nshiisə-ŋiisə Nwi, faŋ Nwi nə shoꞌ vəŋ nə, laa a kɨ yɨsə nu kɔ́ nɨniŋ. Kaa kɨ bɨbɨꞌtə me, kee kɨ yɨ nu maa fəntɔ fə yisɨ me.

1 Timoti 6:13

Mə tɨsə ghɔ vɨsɨ Nwi faŋ ŋwə yɨsə vətɔ vənshə bwey, baa nə vɨsɨ Yeso Kristo, faŋ ŋwə nə bìŋ nu ki jəə ntee vɨsɨ goməna Pɔntiɔs Pilate.

2 Timoti 4:1

Mə tɨsə ghɔ ŋkee nə wutə yikəꞌ Nwi nə Yeso Kristo, faŋ ŋwə ndɔ shoꞌtə vənu və vɨɨ bweynə nə vəŋku və nsisə, maa yighee njyə faŋ ŋwə ndɔ fuu taa mbi, lootə nu yifwàŋ ki,

1 Pita 1:18

Viŋ kɔꞌ kɨɨ laa Yeso nə shùꞌ viŋ fɨ maa ghuu yitoꞌ ŋkɔmə ŋkɨə faŋ vətɨɨ viŋ nəə toꞌ nə, mwə̀sə viŋ shɔ, kee shùꞌ nə vətɔ vədayday yaa ka me.

2 Pita 2:18

Vəŋ yaa kɨ toꞌ koꞌsə ŋwaa, gisə yigi faŋ nyə kee kìi tɔ ley me. Fwisə vəŋ ndɔ maa vətɔ faŋ yiŋwaa yivəŋ kàw. Vəŋ kaw maa məzɨ shɨ, suŋtə vɨɨ mbɨə faŋ vəŋ duꞌtə vəŋ nyɨŋkə fɨ ghɔ vɨɨ bwənə, laa vəŋ bəŋ kɨ toꞌ ghuu yitoꞌ vəŋ maa jɨɨ yibwə, faŋ vəŋ nə nyɨ̀ŋkə fɨ maa jɨɨ yibwə yɔ́ sheꞌ maa kuŋtə yighee nə.